Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सुयांयो-१, अायणं-७
६३
अभिपरूवा पडिरूवा तए णं ते साली पत्तिया बत्तिया गमिया पसूइया आगयगंधी खीराइया बद्धफला पक्का परियागया सल्लइ-पत्तइया हरिय-फेरंडा जाया यावि होत्या तए णं ते कोडुबिया ते साली पतिए जाव परियागए सल्लइय- पत्तइए जाणिता तिक्खेहिं नवपज्जणएहिं असिएहिं लुणंति लुणित्ता करयलमलिए करेंति करेत्ता पुणंति तत्य णं चोक्खाणं सूइयाणं अखंडाणं अफुडियाणं छछडापूयाण सालीणं मागहए पत्थए जाए तए णं ते कोडुंबिया ते साली नवएसु घडएखु पक्खिति पक्खिवित्ता ओलिंपति ओलिंपित्ता लंधिय-पुद्दिए करेंति करेता कोटअठागरस्स एगसंसि ठावेति ठावेत्ता सारक्खमाणा संगोवेमाणा विहरंति तए णं ते कोडुंबिया दोघंसि वासारत्तंसि पढमपाउसंसि महावुट्टिकायंसि निवइयंसि समासि खुड्डाणं केयारं सुपरिकम्मियं करेंति ते साली ववंति दोचंपि उक्खाय निहए करेंति जाव असिएहिं लुणंति लुणित्ता चलणतलमलिए करेंति करेत्ता पुर्णति तत्थ णं सालीणं बहवे कुडवा जाव एगदेसंसि ठावेंति ठायेत्ता सारक्खनाणा संगांवेमाणा विहरंति
तए णं ते कोडुंबिया तांसि वासारत्तंसि महाबुद्विकायंसि निवइयंसि समामंसि केयारे सुपरिकग्मिए करेंति जाव असिंएहिं लुणंति लुणित्ता संवहति संवहित्ता खलयं करेति मलेति पुर्णति तत्थ णं सालीणं बहवे कुंभा जाया तए णं ते कोडुंबिया ते साली कोट्टागारंसि पल्लसि (पक्खिवंति पक्खिवित्ता ओलिंपति ओलिंपित्ता लछिय मुद्दिए करेंति करेत्ता सारक्खमाणा संगोवे माणा ] विहरति चउत्थे वासारते बहवे कुंभसया जाया तए णं तस्स धणस्स पंचमयंसि संवच्छरंसि परिणममाणंसि पुव्वरत्तावरत कालसमयंसि इमेयारूवे अज्झत्थिए चिंतिए पत्थिए मणेोगए संकप्पे समुपज्जित्था एवं खलु मए इओ अतीते पंचमे संबच्छरे चउन्हं सुण्हाणं परिकूखणट्टायाए ते पंच-पंच सालि अक्खया हत्थे दिन्ना तं सेयं खलु मम कल्लं पाउप्पभायाए रयणीए जाव उट्ठियम्मि सूरे सहस्रस्समिम्मि दिणयरे तेयसा जलते पंच सालिअक्खए परिजाइत्ताए जाव जाणामि ताद काए किह सारक्खिया वा संगोविया वा संवड्ढिया वा त्ति कट्टु एवं संपेहेइ संपेहेत्ता कल्लं पाउप्पभायाए रयणीए जाव उयिम्पि सूरे सहस्सरस्सिम्मि दिणयो तेयसा जलते विपुलं असणं [पाणं खाइ साइमं उचक्खडावेत्ता मित्त-नाइ - नियग-सयण-संबंधि- परियणं चउण्ह य सुण्हाणं कुलघरव जाव] सम्माणित्ता तस्सेव मित्त-जाब परियणस्स चउग्रह य सुण्हाणं कुलघरवग्गस्स पुरओ जेदुं उज्झयं सद्दावे सहावेत्ता एवं वयासी एवं खलु अहं पुत्ता इओ अतीते पंचमम्मि संवच्छरे इमस्स मित्त जाव परियणस्स चउण्ह य सुण्हाणं कुलधरव गस्स य पुरओ तव हत्थंसि पंच सालि अक्खए दलयामि जया णं अहं पुत्ता एए पंच सालिअक्खए जाएगा तथा णं तुमं मम इमे पंच सालि अक्खए पडिनिजाएसि से नूणं पुत्ता अट्ठे समट्ठे हंता अत्थि तं णं तुमं पुत्ता मम ते सालि अक्खए पडिनिजाएसि तए णं सा उज्झिया एयम धणस्स सत्यवाहस्स पडिसुणेइ जेणेव कोट्टागारं तेणेव उवागच्छइ उवागच्छित्ता पल्लाओ पंच सालिअक्खए गेहइ गण्हित्ता जेणेव धणे सत्यवाहे तेणेव उबागच्छइ उवागच्छिता धणं सत्यवाहं एवं वयासी- एए णं ताओ पंच सालि अक्खए ति कट्टु धणस्स इत्यसि ते पंच सालिअक्खए दलयइ तए णं धणे सत्यचाहे उज्झियं सबह -सावियं करेइ करेत्ता एवं वयासी- किण्णं पुत्ता ते चेव पंच सालिअक्खए उदाहु अण्णे तए णं उज्झिया धणं सत्यवाहं एवं वयासी एवं खलु तुम्मे ताओ इओ अतीए पंचमे संवच्छरे इमस्स मित्त- [नाइ- पुरओ पंच सालिअक्खए गेण्हह गेण्हित्ता ममं सद्दावह सद्दावेत्ता एवं वयासी तुमं णं पुत्ता मम हत्याओ इमे
For Private And Personal Use Only
| SR No. | 009732 |
| Book Title | Agam 06 Nayadhammakahao Angsutt 06 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 182 |
| Language | Prakrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 4 MB |