Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
मायामकहाओ - 9/12/४७
देवाणुप्पिया मम तस्स गमस्स [दोसु मासेसु वीइक्कतेसु तइए मासे वट्टमाणे इमेयासवे दोहले पाउटभूए-धण्णाओ णं ताओ अम्मयाओ जाव दोहलं विणेते तं इच्छामि णं देवाणुप्पिया तु हिं अव्मणुण्णाया समाणी [विउलं असणं पाणं खाइमं साइमं सुबहुयं पुष्फ-वस्थ-गंध-मल्लालंकार गहाय जाव दोहलं विणित्तए]
अहासुहं देवाणुप्पिया मा पडिबंध करहिं तए णं सा मद्दा धणेणं सत्यवाहेणं अटभुणण्णाया समाणी हट्ठ-चित्तपाणंदिवा जाद हरिसवस-विसप्पमाणहियया विपुलं असणं पाणं खाइमं साइमं उवक्खडावेइ उवक्खडावेत्ता जाव धूवं करेइ करेत्ता जेणेव पोखरिणी तेणेव उवागछाइ तए " ताओ मित्त-नाइ-निवग-सयण-संबंधि-परियण-नगरमहिलाओ भदं सत्यवाहिं सब्यालंकारविभूसियं करेति तए णं सा भद्दा सत्यवाही ताहि मित्त-नाइ-निवग- सयण-संबंधि- परियणनारमहिलियाहिं सद्धिं तं विपुलं असणं पाणं खाइमं साइमं आसाएमाणी विसाएमाणी परिभाएमाणी परिपुंजेमाणी दोहलं विणेइ विणेत्ता जामेव दिसं पाउड्भूया तामेव दिसं पडिगया तए णं सा भद्दा सस्थवाही संपुषणादोहला जाव तं गढ़मं सुहंसुहेणं परिवहइ तए णं सा भद्दा सत्थवाही नवण्हं मासाणं बहुपडिपुत्राणं अट्ठमाण य राइंदियाणं वीइक्कंताणं सुकुमालपाणिपायं जाव दारगं पचाया तए णं तस्स दारगस्स अम्मापियरो पढमे दिवसे जायकम करेति तहेव जाव विपलं असणं पाणं खाइमं साइसं उवक्खडावेति तहेव मित्त-नाइ-नियग-सयण-संबंधि-परियणं भोया- वेत्ता अयमेयारूवं गोणं गुणनिफण्णं नामधेनं करेंति-जम्हा णं अम्हंइमे दारए वहूणं नाग-पडिमाण य जाव वेसमणपडिमाण च उवाइयलद्दे तं होउ णं अम्हें इमे दारए देवदिने नामेणं तए णं तस्स दारगस्स अम्पापियरो नामधेनं करेति देवदिनेत्ति तए णं तस्स दारगस्स अम्मापियरो जायं च दार्य च भायं च अक्खयनिहिं च अनवइति।।२।-37
(४८) तए णं से पंथए दासचेडए देवदित्रप्स दारगस्स बालग्गाही जाए. देवदिन्नं दारगं कडीए गेण्हइ गेण्हित्ता वहहिं डिभएहि य डिभियाहि य दारएहिं य दारिवाहि य कुमारएहि य कुमारियाहि य सद्धिं संपरियुडे अभिरमइ तएणं सा पद्दा सस्थवाही अण्णया कयाइ देवदिनं दारयं हायं कयवलिकम्मं कय-कोउप-मंगल-पायछित्तं सब्बालंकारविभूसियं करेइ करेत्ता पंययस्स दासचेड़गस्स हत्थयंसि दलयइ तए णं से पंथए दासवेडए भद्दाए सत्तवाहीए हस्थाओ देवदिन्नं दार कडीए गेण्हेिइ गेण्हित्ता सवाओ गिहाओ पडिनिक्खमई बहूहि डिभएहिं य [डिभियाहि य दारएहि य दारिवाहि य कुमारएहि य कुमारियाहि य सद्धिं संपरिवुडे जेणेव रायमागे तेणेव उबागच्छइ उवागच्छिता देवदित्रं दारगं एगते ठावंइ ठावेत्ता बहूहि डिंभएहि यजाव कुमारियाहि य सद्धिं संपरिबुडे पमत्ते यावि विहरइ इमं च णं विजए तक्करे रायगिहस्स नगरस्स बहूणि अइगमगाणि य निग्गमणाणि य वाराणि य अदवाराणि य तहेव जाव सुत्रधराणि य आभोएमाणे मग्गेमाणे गयेसमाणे जेणेव देवदिन्ने दारए तेणेव उवागच्छइ उवागछित्ता देवदिन्नं दारगं सव्यालंकारविभूसियं पासइ पासित्ता देवदिवस्स दागस्स आभरणालंकारेसु मुच्छिए गढिए गिद्धे अन्झोपवण्णे पंधयं दासचेडयं पमतं पासइ पासित्ता दिसालोयं करेइ करेत्ता देवदिन्न दारगं गेहाइ गेण्हित्ताकक्वंसि अलियावेइ अल्लियावेत्ता उत्तरिजेणं पिहेइ पिहेत्ता सिग्धं तुरियं चवलं वेइयं रायगिहस्स नगरस्म अवदारेणं निग्गच्छद निग्गच्छिता जेणेव जिण्णुज्जाणे जेअणेव पागकूबए तेणव उवागछइ उदागछित्ता देवदिनं दारयं जीवियाओ ववरोवेइ ववरोवेत्ता आभरणालंकारं
For Private And Personal Use Only
| SR No. | 009732 |
| Book Title | Agam 06 Nayadhammakahao Angsutt 06 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 182 |
| Language | Prakrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 4 MB |