Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२२
नायापप्पकहाओ - १/-19/३३ बंधइ बंधित्ता परेणं जत्तेणं मेहस्स कुमारस्स चउरंगुलवजे निक्खमणपाउग्गे अग्गकेसे कप्पेति तए णं तस्स मेहस्स कुमारस्स माया महरिहेणं हंसलक्खणेणं पडसाडएणं अगकेसे पडिच्छइ पडिछित्ता सुरमिणा गंधोदएणं पक्खालेइ पक्खालेत्ता सरसेणं गोसीप्लचंदणेणं चचाओ दलयइ दलइत्ता सेयाए पोत्तीए बंधइ बंधित्ता रयणसमुग्गयंसि पक्खिवइ मंजूसाए पक्खिवइ हार-वारिधारसिंदवार-छिन्नमत्तावलि-प्पगासाइ अंसई विणिम्मुयमाणी- विणिम्मुयमाणी रोयपाणी-रोयमाणी कंदपाणी-कंदमाणी विलवमाणी-विलवमाणी एवं वयासी- एस गं अम्हं मेहस्स कुमारस्स अभुदएलसुय उस्सवेसु य पसवेसु य तिहीसु य छणेसु य जत्रेसु य पव्वणीसुय-अपच्छिमे दरिसणे भविस्सइ त्ति कटुउस्सीसामूले ठवेइ
तए णं तस्स मेहस्स कुमारस्स अम्मापियरो उत्तरावकमणं सीहासणं रवावेति मेहं कुमारं दोच्चं पि तचं पि सेयापीएहिं कलसेहिं बहावेति हायेत्ता पम्हलसूमालाए गंधकासाइयाए पायाई लूहेंति लूहेत्ता सरसेणं गोसीसचंदणेणं गायाई अनुलिपंति अनुलिंपित्ता नासा नीसासवाय-वोझं [वरणगरपट्टणुग्गयं कुसलणरपसंतितं अस्सलालापेलबं छेयायरियकणगखचियंतकम्म] हंसलक्खणं पडसाडगं नियंसेति हारं पिणद्धेति अद्धहारं पिनद्धेति एवं-एगावलिं मुत्तावलिं कणगावलिं रयणावतिं पालंबं पायपलंब कडगाई तुडिगाई केऊराई अंगायाई दसमुद्दियाणंतयं कडिसुत्तय कुंडलाइं चूडामणि रवणुक्कडं मउडं-पिणद्धति पिनवेत्ता गंथिम-वेढिम-पूरिम-संघाइमेणं- चउबिहेणं मल्लेणं कप्परुक्खगं पिव अलंकिय-विभूसियं करेंति तए णं से सेणिए राया कोडुंबियपुरिसे सद्दादेइ सदावेत्ता एवं दयासी-खिप्पामेव भो देवाणुप्पिया अणेगखंभसय-सण्णिविट्ठ लीलठ्ठियसालभंजियागं इंहामियउसम-तुरय-नर-मगर-विहग-वालग-किन्नर-रुरु-सरम-चमर-कुंजर- वणलय-पउमलय-भत्तित्तं धंटावलि-महुर-मणहरसरं सुभ-कंत-दरिसणिज्नं निउणोविय-मिसिमिसेंतमणिरयणघंडियाजालपरिक्खित्तं अब्भुग्गय-वइरवेइया-परिगयाभिरामं विज्ञाहरजमल-जंतजुत्तं पिव अचीसहस्समालणीयं रूवगसहस्सकलियं भिसमाणं भिब्भिसमाणं चक्खुल्लोयणसेल्लं सुहफास सस्सिरीयरूवं सिग्धं तुरियं चवलं वेइयं पुरिससहस्सवाहिणीयं सीयं उबट्ठवेह तए णं ते कोडुंबियपुरिसा हहतुट्ठा अणेगखंभसय-सण्णिविट्ठ जावसीय उवट्ठति तए णं से मेहे कुमारे सीयं दुरुहइ दुरुहित्ता सीहासणवरगए पुरस्थाभिमुहे सण्णिसण्णे तए णं तस्स मेहस्स कुमारस्स माया पहाया कय- बलिकमा जाव अप्पमहग्धाभरणालंकियसरीरा सीयं दुरुहइ दुरुहित्ता मेहस्स कुमारस्स दाहि- णपासे भद्दासणंसि निसीयइ तए णं तस्स मेहस्स कुमारस्स अंबधाई रयहरणं च पडिगहं च गहाय सीयंदुरुहइ दुरुहिता मेहस्स कुमारस्स वामपासे भद्दासणंसि निसीयइ
तए णं तस्स मेहस्स कुमारस्स पिट्टओ एगा बरतरुणी सिंगारागरचारुवेसा सिंगय- गयहसिय-भणिय-चेट्ठिय-विलास-संलावुल्लावनिउणजुत्तोवयार| कुसला आमेलगजमल-जुयलयट्टिय- अब्अण्णय - पीण - इय - संठिय-पओहरा हिम-रइय कुंदेदुपगासं सकोरेंटमल्लदामं धवलं आयवतं गहाय सलीलं ओहारेमाणी-ओहारेमाणी चिट्टइ तए णं तस्स मेहस्स कुमारस्स दुवे वरतरुणीओ सिंगाररागारचारुवेसाओ [संगय-गय-हसिय-मणिय-चेटिए विलास-संलावुल्लावनिउणजुत्तोवयार] कुसलाओ सीयं दुरुहंति दुरुहित्ता मेहम्स कुमारस्स उमओ पासं नाणामणिकणग-रयण-महरिहत्तवणिज्जल-विचित्तदंडाओ चिल्लियाओ सुकुमवरदीहवालाओ संखकुंददगरव-अमयमहियफेणपुंज-सण्णिगासाओ चामराओ गहाय सलील ओहारेमाणीओ- ओहारेमा
For Private And Personal Use Only
| SR No. | 009732 |
| Book Title | Agam 06 Nayadhammakahao Angsutt 06 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 182 |
| Language | Prakrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 4 MB |