Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
तुमक्खंपो-१, अन्ययण-१ सोयमर-पवेवियंगी नितेया दीण-विपण-वयणा करयलमलिय ब्द कमलमाला तक्खणओलुगदुब्बलसरीर-लावण्णसुत्र-निच्छाय-गयसिरीया पसिढिल- पूसण - पडतखुम्मि- यसंचुण्णियधवलवलय-पदमट्ठउत्तरिना सूमाल-विकिपण-केसहत्या मुच्छा- वसनट्ठचेय-गरुई परसुनियत्त व्य चंपगलपानिव्यतमहे व्ब इंदलट्ठी विमुक्क-संधिबंधणा कोट्टि- मतलंसि सव्वंगेहिं धसत्ति पडिया तए शंसा धारिणी देवी ससंभमोवत्तियाए तरियं कंचण-भिंगारमहविणिग्गय-सीयलजलविमलधाराए परिसिंचमाण-निव्वावियगायलट्ठी उखेवय-ताव-विटवीयण-जणियवाएणं सफुसिएणं अंतेउरपरिजणेणं आसासिया समाणी मुत्तावलि सनि- गास पवडत-अंसुधाराहि सिंचमाणी पओहरे कलुण-विमण-दीणा रोयमाणी कंदमाणी तिप्पपाणी सोयमाणी विलवपाणी मेहं कुमारं एवं वयासी-|२६|-23
(३२) तुपं सिणं जाया अम्हं एगे पुत्ते इठे कंते पिए मणुण्णे पणामे घेझे वेसासिए सम्मए बहुमए अनुमए भंडकरंडगसमाणे रपणे रयणभूए जीविय-उस्सासिए हियय-नंदि-जणणे उंबरपुर्फ ब दुल्लहे सवणयाए किमंगपुण पासणयाए नो खलु जाया अम्हे इच्छामो खणमवि विप्पओगं सहित्तए तं जाहि ताव जाया विपुले माणुस्सए कामभोगे जाव ताव वयं जीवापो तओ पच्छा अम्हेहिं कालगएहि परिणयवए वढिव-कुलवंसतंतु-कजम्मि निरावयक्खे समणस्स भगवओ पहावीरस्स अंतिए मुंडे भवित्ता अगाराओ अणगारियं पव्वइस्ससि तएणं से मेहे कुमारे अम्मापिऊहिं एवं वुत्ते समाणे अम्मापियरो एवं दयासी-तहेव णं तं अम्मो जहेव णं तुडपे ममं एवं वयह-तुएं सि णं जाया अम्हें एगे पुत्ते तं चेव जाय निरावयकखे समणस्स जाव पच्वइस्सासि एवं खलु अम्मयाओ माणुस्सए भवे अधुवे अणितिए असासए वसणसओवद्दवाभिभूते विजुलयाचंचले अणिन्चेजलवुटमुयसमाणे कुसग्गजलविंदुसन्निभेसंझटभरागसरिसे सुविणदंसणोवमे सडण-पडणविद्धंसण-धम्मे पच्छा पूरं च णं अवस्सविपजहणिज्जे से के णं जाणइ अमयाओ के पयि गमणाए के पच्छा गमणाए तं इच्छामि णं अम्मयाओ तुभेहिं अभणुण्णाए समाणे समणस्स [भगवओ महावीरस्स अंतिए मुंडे भवित्ता णं अगाराओ अणगारियं] पव्वइतए तए णं तं मेहं कुमारं अम्मापियरो एवं वयासी-इमाओ ते जाया सरिसियाओ सरित्तयाओ सरिव्ययाओ सरिसलादण्ण-रूव-जोरण-गुणोववेयाओ सरिसेहितो रायकुलेहितो अणिलियाओ भारियाओ तं भुंजाहिं णं जाया एयाहिं सद्धि विउले माणुस्सए कामभोगे पच्छा भुत्तभोगे सपणस्स जाव पव्वत्ससि
तएणं से मेहेकुमारे अम्मापियरं एवं वयासी-तहेव णं तं अप्पयाओ जंणं तुमे ममं एवं वपह-इमाओ ते जाया सरिसियाओ सरितयाओ सरिव्वयाओ सरिसलावण्ण-रूव-जोव्यण- गुणोववेयाओ सरिसेहितो रायकुलेंहितो माणुस्सए कामभोगे पच्छा भुत्तभोगे समणस्स भगवओ महावीरस्स अंतिए मुंडे भविता अगाराओ अणगारियं] पव्यइस्ससि एवं खलु अम्मयाओ माणुस्सगा कामभोगे असुई वंतासवा पित्तासवा खेलासवा सुक्कासवा सोणियासवा दुरुय- उस्सासनीसास दुरुय-मुत्त-पुरीप्त-पूय-बहुपडिपुन्ना उच्चार-पासवण- खेल- सिंधाणग-वंत-पित्तसुक्कसोणियसंभवा अधुवा अणितिया अरासिया सडण-पडण-विद्धंसणधम्मा पच्छा पुरं च णं अवस्सविप्पजहणिज्जा से के णं जाणइ अम्मयाओ [के पुचि गमणाए के पच्छा गमणाए एवं चेव जाव! इपव्यइतइ तए णं तं मेहं कुमारं अम्मापियरो एवं वयासी-इसे य ते जाया अजय- पञ्जयपिउपजयागए सुबहू हिरणे य सुवण्णे य कसे व दूसे य पणि- मोतिय- संख-सिल- प्यवाल
For Private And Personal Use Only
| SR No. | 009732 |
| Book Title | Agam 06 Nayadhammakahao Angsutt 06 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 182 |
| Language | Prakrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 4 MB |