Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
नायाधम्मकहाओ - 91-19२०
दोहलस्स बहूर्हि आएहि य उवाएहि य जाव उपपत्तिं अविंदमाणे ओहवमणसंकप्पे जाप झियामि तुमं आगयं पि न याणामि तं एतेणं कारणेणं अहं पुत्ता ओहयमणसंकप्पे जाव झियामि तएणं से अभए कुमारे सेणियस्स रण्णो अंतिए एवपटं सोचा निसम्म हट्टतुट्ठ-चित्तपाणंदिए जाब हरिसवस-विसप्पमाणहियए सेणियं रायं एवं वयासी मा णं तुमे ताओ ओहयमणसंकप्पा जाव झियायह अहं णं तहा करिस्सामि जहा णं मम चुल्लमाउयाए धारिणीए देवीए अयमेयारूवस्स अकालदोहलस्स पोरहसंपत्ती भविस्सइ त्ति कटु सेणियं रायं ताहिं इटाहिं जाव समासासेइ तए णं से सेणिए राया अभएणं कुमारेणं एवं वुत्ते समाणे हट्ट-तुट्ठ-चित्तमाणदिए जाव हरिसवस- विसप्पमाणहियए अभयं कुमारे सक्कारेइ समाणेइ पडिविसजेइ १५:15
(२१) तए णं से अभए कुमारे सकारिए सम्माणिए पडिविसज्जिए समाणे सेणियस्स रण्णो अंतियाओ पडिनिक्खमइ पडिनिक्खपिता जेणापेय सए भवणे तेणामेव उयागच्छइ उवागछित्ता सीहासणे निसपणे तएणं तस्स अभयास कुमारस्स अयमेबाम्बे अज्झथिए जाय समुप्पज्जित्या-नो खलु सक्का माणुस्सएणं उवाएणं मम चुल्लमाउयाए धारिणीए देवीए अकालदोहलमणोरहसंपत्तिं करित्तए नन्नत्थ दिव्वेणं उवाएणं अस्थि णं पज्झ सोहम्म- कप्पवासी पुब्बसंगइए देवे महिढीए महजुइए महापरक्कमे महाजसे मह चले महाणुभावे] महासोक्खे तं सेवं खलु ममं पोसहसालाए पोसहियस्त बंभचारिस्स उपुक्कमाणसु-वण्णस्स ववगयमालावण्णगविलेवणस्स निक्खित्तसत्यमुलस्स एगस्स अवीवस्स दभसंथारो- बगयस्स अट्ठमाभत्तं पगिण्हेित्ता पुव्वसंगइयं देवं मणसीकरमाणस्स विहरित्तए तए णं पुव्यसंगइए देवे मम चुलभाज्याए धारइणीए देवीए अयमेवारूवं अकाल मेहेसु दोहलं विणेहिति-एवं संपेहेइ संपेहेत्ता जेणेव पोसहसाला तेणामेव उवागच्छइ उवागच्छित्ता पोसहसालं पमज्जइ पमजित्ता उच्चारपासवणभूमि पडिलेहेइ पडिलेहेत्ता दटभसंथारगं दुरुहइ दुरिहित्ता अट्ठमभतं पगिण्हइ पगिण्हित्ता पोसहसालाए पोसहिए बंभचारो जाव पव्वसंगइयं देवं मणसीकरेमाणे-मणसीकोमाणे चिट्ठइ तए णं तस्स अभयकुमारस्स अट्ठमभत्ते परिणममाणे पुव्वसंगइयस्स देवस्स आसणं चलइ तए णं से पुव्वसंगइए सोहम्मकप्पवासी देवे आसणं चलियं पासइ पासित्ता ओहिं पउंजइ तए णं तस्स पुव्वसंगइयरस देवरस अयमेयारूवे अज्झस्थिए जाव समुप्पज्जित्था एवं खलु मम पुवसंगइए जंबुद्दीवे दीवे भारहे वासे दाहिणड्ढभरहे रायगिहे नयो पोसहसालाए पोसहिए अभए नामं कुमारे अट्ठमभत्तं पगिणिहत्ता णं ममं मणसीको- माणे- मणसीकरेमाणे चिट्टा तं सेयं खलु मम अभयस्स कुमारस्स अंतिए पाउभवित्तए-एवं संपेहेइ संपेहेत्ता उत्तरपुरस्थिमं दिसीमागं अवक्कमइ अवक्कमित्ता वेउच्चियसमुग्धाएणं समोहण्णाइ समोहणित्ता संखेनाइं जोयणाई दंडं निसिरइ तं जहा-रयणाई वइराणं वेरुलियाणं लोहियखाणं मसारगल्लाणं हंसगटभाणं पुलगाणं सोगंधियाणं जोईरसाणं अंकाणं अंजणाणं रययाणं जायरूवाणं अंजणपुलागाणं फलिहाणं रिट्ठाणं अहाबायरे पोग्गले परिसाडेइ परिसाडेता अहासुहुमे पोग्गले परिगिण्हइ परिगिण्हेित्ता अभयकुमारमणुकंपमाणे देवे पुबभवजणिच-नेह-पीइ-बहुमाणजायसोगे तओ विमाणवर- पुंडरीयाओ रयणुत्तमाओ धरणियल-गमण-तुरिय-संजणिय-गमणपयारो वाघुण्णिव-विमल कणग-पयरग-वडिसगमउडुक्कडाडोवदंसणिजो अणेगमणि-कणगरयणपहकर पिमंडिय भत्तिचित्त - विणि - उत्तग- मणुगुणजणियहारेसो पिंखोलमाणवरललिययकुंडलुञ्जलियवयणगुणजणियसोम्मरूवो उदिओ विद कोमुदीनिसाए सणिच्छरंगारकुञ्जलियमज्झाभागत्यो
For Private And Personal Use Only
| SR No. | 009732 |
| Book Title | Agam 06 Nayadhammakahao Angsutt 06 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 182 |
| Language | Prakrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 4 MB |