Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
१५८
नायापप्पकहामो - 91-194/२१२ पुरं च णं अवस्सविप्पजहियव्वस्स नो वण्णहेउँ वा नो रूवहेउं वा नो बलहेउं वा नो वियसहेउं वा आहारं आहारेइ नन्नत्य एगाए सिद्धिगमण-संपावणट्टयाए से णं इहभवे चेव बहूणं समणाणं बहूणं समणीणं वहूणं सावयाणं वहूणं सावियाण य अच्चणिज्जे जाव चाउरंत संसारकतारं वीईवइस्सइजहा व से सपुत्ते धणे सत्यवाहे एवं खलु जंबू समणेणं भगवया महावीरेणं जाव संपत्तेणं अद्वारसमस्स नायज्झयणस्स अयमढे पन्नत्ते । त्ति बेमि | १४६।-140
पढमे सुरक्वंपे अडासमं अजायणं तपतं.
| एगूणवीसइमं अज्झयणं-पुंडरीए । (२१३) जइ णं भंते समणेणं भगवया महावीरेणं जाय संपतेणं अट्ठारसमस्स नायन्झयणस्स अयमढे पत्रत्ते एगूणवीसइसस्स णं भंते नायज्झयणस्स के अढे पन्नत्ते एवं खलु जंबू तेणं कालेणं तेणं समएणं इहेव जंबुद्दीवे दीवे पुब्विविदेहे सीयाए महानईए उत्तरिल्ले कूले नीलवंतस्स वासहरपव्वयस्स दाहिणेणं उत्तरिल्लस्स सीयामुहवणसंडस्स पच्चस्थिमेणं एगसेलगस्स वक्खारपव्वयम्स पुरथिमेणं एत्थ णं पुक्खलावई नाम विजए पन्नत्ते तस्य णं पुंडरीगिणी नामं रावहाणी पत्रता-नवजोयणवित्यिण्णा दुवालस जोयणायामा जाय पञ्चक्खं देवलोगभूया पासाईया दरिसणीया अभिरूवा पडिरूवा तीसे णं पुंडरीगिणीए नयरीए उतरपुरस्थिमे दिसीभाए नलिनिवने नाम उजाणे तत्थ णं पुंडरीगिणीए रायहाणीए महापउमे नामं राया होत्या तस्स णं पउमावई नामं देवी होत्या तस्स णं महापमस्स रण्णो पुता पउमावईए देवीए अतया दुबे कुमारा होत्था तं जहा-पुंडरीए य कंडरीए य-सुकुमालपाणिपाया पुंडरीए जुवराया तेणं कालेणं तेणं समएणं येरागमणं महापउमे राया निगए धम्मं सोचा पुंडरीयं रज्जे ठवेत्ता पच्चइए पुंडरीए राया जाए कंडरीए जुवराया महापउमे अणगारे चोद्दसपुव्वाई अहिजइ तए णं घेरा बहिया जणययविहारं विहरति तए णं से महापउमे बहूणि वासाणि सामण्णपरियागं पाउणिताजाव सिद्धे ।१४७:141
(२१४) तए णं घेरा अण्णया कयाइ पुणरवि पुंडरीगिणीए रायहाणीए नलिन नि वने उजाणे समोसढा पुंडरीए राया निगए कंडरीए महाजणसदं सोचा जहा महाबलो जाव पज्जुवासइ थेरा धम्म परिकहेति पुंडरीए समणोवासए जाए जाव पडिगए तए णं कंडरीए[घेराणं अंतिए धर्म सोचा निसमं हट्टतुढे उठाए उद्वेइ उद्वेत्ता थेरे तिक्खुतो आयाहिण-पयाहिणं करेइ करेत्ता वंदइ नमसइ वंदित्ता नमंसित्ता एवं पयासी-सद्दहामिणं मंते निग्गंथं पावयणंजाव से जहेयं तुटमे वयह जं नवरं-पुंडरीयं रायं आपुच्छामि [तओ पच्छा मुंडे भवित्ता णं अगाराओ अणगारियं] पव्यामि अहासुहं देवाणुप्पिया तए णं से कंडरीए थेरे चंदइ नमसइ वंदित्ता नमंसित्ता थेराणं अंतियाओ पडिनिक्खमइ तमेव चाउग्धंट आसरहं दुहइ [महयामड-चडगर-पहकरेण पुंडरीगिणीए नयरीए मझमझेणं जेणामेव सए भवणे तेणामेव उवागच्छइ उदागछित्ता चाउग्धंटाओ आसरहाओ) पचोरूहइ पचोरूहित्ता जेणेय पुंडरीए राया तेणेय उयागच्छइ उवागछित्ता करयल [परिग्गहियं दसनह सिरसावत्तं मत्थए अंजलिं कट्ट एवं वयासी-एवं खलु देवाणुप्पिया मए थेराणं अंतिए धम्मे निसंते से [वि य मे धमे इच्छिए पडिछिए अभिरूइए तं इच्छामि णं देवाणुप्पिया तुओहिं अब्मणुग्णाए समाणे घेराणं अंतिए मुंडे भवित्ता णं अगाराओ अणगारियं] पव्वइत्तए तए णं से पुंडरीए राया कंडरीयं एवं वयासी मा णं तुम पाउया इयाणि मुंडे [पवित्ता णं अगाराओ अणगारिय] पव्वायाहि अहं णं तुमं महारायाभिसेएणं अभिसिंचामि तए णं से कंडरीए पुंडरीयस्स
For Private And Personal Use Only
| SR No. | 009732 |
| Book Title | Agam 06 Nayadhammakahao Angsutt 06 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 182 |
| Language | Prakrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 4 MB |