Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सुयक्ांघो १, अज्झषणं - १४
१११
तेयलिपुत्तस्स पुव्वि इट्ठा कंता पिया मणुण्णा मणामा आसि इयाणिं अणिट्ठा (अनंता अम्पिया अण्णा अमणामा जाया नेच्छइ णं तेयलीपुत्ते मम नामगोयमवि सवणयाए किं पुण दंसणं था! परिभोगं वा तं सेयं खलु ममं सुव्ययाणं अजाणं अंतिए पव्वइत्तए - एवं सेपेहेइ संपेहेत्ता कलं पाउप्पभायाए स्वणीए जाव उट्टियम्मि सूरे सहस्सरस्सिम्मि दिणयरे तेयसा जलते जेणेव तेयलिपुत्ते तेणेव उवागच्छइ उवागच्छिता करयल । परिग्गहियं सिरसावत्तं मत्थए अंजलिं कट्टु ] एवं वयासीएवं खलु देवाणुपिया मए सुव्वयाणं अज्जाणं अंतिए धमे निसंते से वि य मे धम्मे इच्छिए पडिच्छिए अभिरूइए तं इच्छामि णं तुम्मेहिं अव्मणुण्णाया पव्वइत्तए तए णं तेयलिपुत्ते पोट्टिलं एवं वयासी एवं खलु तुमं देवाणुम्पिए मुंडा पव्वइया समाणी कालमासे कालं किच्चा अण्णयकरेसु देवलोएसु देवत्ताए उबवजिहिसि तं जइ णं तुमं देवाणुष्पिए ममं ताओ देवलोगाओ आगम्मं केवलिपन्नत्ते धम्मे बोहेहि तो हं विसङ्गेमि अह णं तुमं ममं न संबोहेसि तो ते न विसज्जैमि
तणं सा पोट्टिला तेयलिपुत्तस्स एयमङ्कं पडिसुणेइ तए गं तेयलिपुत्ते विउलं असणं पाणं खाइमं साइमं उवक्खडावेइ उवक्खडावेत्ता मित्त-नाइ जाव आमंतेइ जाव सक्कारेइ सम्माणेइ सक्कारेता सम्भात्ता पोट्टिलं हायं (सव्वालंकारविभूसिवं, पुरिससहरसवाहिणीयं सीयं दुरुहित्ता मित्त-नाइ-[नियग-सयण-संबंधि- परियणेणं सद्धि] संपरिबुडे सव्विड्ढीए जाव दुंदुहिनिग्धोसनाइय-रवेणं तेयलिपुरं मज्झमझेणं जेणेव सुब्वयाणं उवस्सए तेणेव उवागच्छइ उवागच्छित्ता सीयाओ पच्चोरुहइ पच्चोरुहित्ता पोट्टिलं पुरओ कट्टु जेणेव सुब्वया तेणेव उवागच्छइ उवागच्छित्ता वंदइ नमसइ वंदित्ता नमंसित्ता एवं व्यासी एवं खलु देवाणुप्पिया मम पोट्टिला भारिया इड्डा कंता पिया मण्णा मणामा एस णं संसारभउच्विग्गा [भीया जाव इच्छइ देवाणुपियाणं अंतिए मुंडा भविता अगाराओ अणगारियं] पव्वइत्तए पडिच्छंतु णं देवाणुप्पिया सिस्सिणिभिक्खं अहासुहं मा पडिबंधं करेहि तए णं सा पोट्टिला सुव्वयाहिं अजाहिं एवं बुत्ता समाणी हड्डा उत्तरपुरत्थिमं दिसीमागं अवक्कमइ अवक्कमित्ता सयमेव आभरणमल्लालंकारं ओमुयइ ओमुइत्ता सयमेव पंचमुट्ठियं लोयं करेइ जेणेव सुब्वयाओ अजाओ तेणेव उवागच्छइ चंदइ नमसइ वदित्ता नर्मसत्ता एवं बयासी - आलिते णं अज्जा लोए एवं जहा देवाणंदा जाव एक्कारस अंगाई अहिजइ बहूणि वासाणि सामण्णपरियागं पाउणइ पउणित्ता मासियाए संलेहणाए अत्ताणं झोसेत्ता सट्ठि मताई अणसणेणं छेएत्ता आलोइच-पडिक्कता समाहिपत्ता कालमासे कालं किया अण्णयरेसु देवलीएसु देवत्ताए उबवण्णा १०६ 1-100
(१५३) तए णं से कणगरहे राया अण्णया कयाइ कालधम्मुणा संजुत्ते यावि होत्या तए णं तेईसर- [ तलवर-माइंबिय कोडुंबिय -इटम सेट्ठि-सेणावइ-सत्यावाह-पभिइणी रोयमाणा कंदमाणा विलयमाणा तस्स कणगरहस्स सरीरस्स महया इड्ढी सक्कार-समुदएणं] नीहरणं करेंति कोत्ता अण्णमण्णं एवं बयासी-एवं खलु देवाणुप्पिया कणगरहे राया रज्जे य जाव मुछिए पुत्ते वियंगित्या अम्हे णं देवापिया रायाहीणा रायाहिट्टिया रायाहीणका अयं च णं तेयली अपच्चे कणगरहस् रण सव्वासु सव्वभूमियासु लद्धपच्चए दिनवियारे सव्वकजवड्ढावए यावि होत्या तं सेवं खलु अम्हं तेयलिपुत्तं अमचं कुमारं जाइत्तए त्ति कट्टु अण्णमण्णस्स एयम पडिसुणेति पडिसुणेत्ता जेणेव तेयलिपुत्ते अमचे तेणेव उवागच्छंति उवागच्छित्ता तेयलिपुत्तं एवं वयासी एवं खलु देवाप्पिया कणगरहे राया रजे य जाव मुच्छिए पुत्ते वियंगित्या अम्हे णं देवाणुप्पिया रायाहीणा
For Private And Personal Use Only
| SR No. | 009732 |
| Book Title | Agam 06 Nayadhammakahao Angsutt 06 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 182 |
| Language | Prakrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 4 MB |