Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सुयक्खंपो-१, अअयणं-१४
१०७ उकिकट्ठा उक्किट्ठसरीरा तए णं सा पोट्टिला दारिया अण्णया कयाइ पहाया सव्दालंकारविभूसिया वेडिया-चक्कवालसंपरिवुडा उप्पि पासायवरगया आगासतलगंसि कणगतिदूसएणं कीलमाणीकीलमाणी विहरइ इमं च णं तेयलिपुत्ते अमचे पहाए आसखंधवरगए महया- पड- चडगरआसवाहणियाए निन्जायमाणे कलायस्स मूसियारदारगस्स गिहस्स अदूरसामंतेणं वीईवयइतएणं से तेयलिपुत्ते अपच्चे मूसियारदारगस्स गिहस्स अदूरसामंतेणं वीईवयमाणे वीईववमाणे पोट्टिलं दारियं उप्पिं आगासतलगंसि कणग-तिंदूसएणं कीलमाणिं पासइ पासित्ता पोट्टिलाए दारियाए सवे य जोवणे य लावण्णे व अज्झोववण्णे कोडुबियपुरिसे सद्दावेइ सद्दावेत्ता एवं वयासी-एस णं देवाणुप्पिया कस्स दारिया कि नामधेजा वा तएणं कोडुबियपुरिसा तेयलिपुत्तं एवं वयासी
एस णं सामी कलायस्स मूसिरादारयस्स धूया भद्दए अत्तया पोटिला नामं दारिया-रूवेणं [जोब्बणेण य लावण्मेणं य उकिकट्ठा उक्किट्ठ सरीरातएणं से तेवलिपुत्ते आसवाहणियाओ पडिणियत्ते समाणे अभितरठाणिज्जे पुरिसे सद्दावेइ सद्दावेत्ता एवं वयासी-गच्छह णं तुम्भे देवाणुप्पिया कलायस्स मूसियारदारयस्स धूयं भदाए अत्तयं पोट्टिलं दारियं मम भारियत्ताए वरेह तए णं ते अभितरठाणिज्जा पुरिसा तेयलिणा एवं वुत्ता समाणा हतुट्टा करयल [परिग्गहियं दसनह सिरसावत्तं मत्थए अंजलिं कटु एवं सामी तहत्ति आणाए विणएणं वयणं पडिसुणेति पडिसुणेत्ता तेयलिस्स अंतियाओ पडिनिक्खमंति पडिनिक्खमित्ता] जेणेय कलायस्स मूसियारदारयस्स गिहे तेणेव उवागया तए णं से कलाए मूसियारदारए ते पुरिसे एजमाणे पासइ पासित्ता हतुढे आसाणाओ अदभुद्वेइ अब्भुढेत्ता सत्तकृपयाई अनुगच्छइ अनुगच्छित्ता आसणणं उवणिमंतेइ उवणिमंतेत्ता आसत्थे वीसत्थे सुहासणवरगए एवं वयासी-संदिसंतुणं देवाणुप्पिया किमागमणपओपणं तए णं ते अभितरठाणिज्जा पुरिसा कलायं मूसिरावदारयं एवं वयासी-अम्हे णं देवाणुप्पिया तव धूयं भद्दाए अत्तयं पोट्टिलं दारियं तेयलिपुत्तस्स भारियत्ताए बरेमो तं जइ णं जाणसि देवाणुप्पिया जुतं वा पत्तं वा सलाहणिजं वा सरिसो वा संजोगो वा दिजउणं पोट्टिला दारिया तेयलिपुत्तस्स तो भण देवाणप्पिया किं दलामो सुकं तए णं कलाए मूसियादारए ते अभितरठाणिज्जे पुरिसे एवं वयासी-एस चेवणं देवाणुप्पिया मम सुंके जण्णं तेयलिपुत्ते मम दारियानिमित्तेणं अनुग्गहं करेइ ते अभितरठाणिज्जे पुरिसे विपुलेणं असणपाण- खाइम- साइमेणं पुप्फ-वत्थ-गंध-मल्लालंकारेणं सकारेइ सम्माणेइ सकारत्ता सम्माणेत्ता पडिविसजेइ तए णं ते अदिभतरठाणिजा पुरिसा कलायस्स मूसियारदारयस्स गिहाओ पडिनियतंति जेणेव तेबलिपुत्ते अमच्चे तेणेव उवागच्छंति उवाछित्ता तेयलिपुत्तं अमचं एयमढें निवेइंति तए णं कलाए मूसियारदारए अण्णया कपाइं सोहणंसि तिहि- करणनक्खत्त-महत्तंसि पोट्टिलंदारियं ण्हायं सव्वालंकारविभूसियं सीयं दुरुहेता मित्त- [नाइ-नियगसयण-संबंधि-परियणणं सद्धिं] संपरिबुडे साओ गिहाओ पडिनिक्खमइ पडिनिक्खमित्ता सविड्ढीए तेयलिपुरं नयर मझमझेणं जेणेव तेयलिस्स गिहे तेणेव उवागच्छइ पोट्टिलं दारियं तेवलिपुत्तस्स सयमेव भारियताए दलयइ तए णं तेयलिपुत्ते पोट्टिलं दारियं भारियत्ताए उवणीये पासइ पासिता हद्वतुट्टे पोट्टिलाए सद्धि पट्टयं दुरुहइ दुरुहिता सेयापीएहिं कलेसेहिं अप्पाणं मझावेइ मज्जावेत्ता अग्निहोमं कारेइ कारेत्ता पाणिग्गहणं करेइ करेत्ता पोट्टिलाए भारियाए मित्त-नाइ[नियग-सयण-संबंधि]-परियणं विउलेणं असणपाण-खाइम-साइमेणं पुष्फ वत्थ- [गंध-मल्लालंकारेणं सक्कारेइ सम्माणेइ सक्कारेत्ता सप्माणेत्ता पडिविसज्जेइ तए णं से तेयलिपुत्ते पोट्टिलाए
For Private And Personal Use Only
| SR No. | 009732 |
| Book Title | Agam 06 Nayadhammakahao Angsutt 06 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 182 |
| Language | Prakrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 4 MB |