Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ताइयं सतं • उद्देसो-२ देवरण्णा महया अवमाणेणं अवमाणिए समाणे चमरचंचाए रायहाणीए सभाए सुहम्माए चमरंसि सीहासणंसि ओहयमणसंकप्पे चिंतासोयसागरसंपविढे करयलपल्हत्थमुहे अट्टज्झाणोवगए भूमिगयादिट्ठीए झियाति तए णं चमरं असुरिदं असुररायं सामाणिपरिसोववण्णया देवा ओहयभणसंकप्पं जाव झियायमाणं पासंति पासित्ता करयलपरिग्गहियं दसनहं सिरसावत्तं मत्थए अंजलि कटुं जएणं विजएणं वद्धावेति वद्धावेत्ता एव वयासी-किं णं देवाणुप्पिया ओहयमणसंकया चिंतासोयसागरसंपविट्ठा करयलपल्हत्युमुहा अट्टज्झाणोवगया भूमिगयदिट्ठीया झियायह तए णं से चमरे असुरिंदे असुरराया ते सामाणियपरिसोववण्णए देवे एवं वयासी-एवं खलु देवाणुप्पिया मए समणं भगवं महावीरं नीसाए सकूके देविंदे देवराया सयमेव अचासाइए तए णं तेणं परिकुविएणं समाणेणं ममं वहाए वजे निसढे तं भद्दण्णं भवतु देवाणुप्पिया समणस्स भगवओ महावीरस्स जस्सम्मिह पभावेणं अकिटे सव्वहिए अपरिताविए इहमागए इह समोसढे इह संपत्ते इहेव अज्ज उवसंपिजता णं विहरामि तं गच्छामो णं देवाणुप्पिया समणं भगवं महावीरं वंदामो नमसामो जाव पञ्जुवासामो त्ति कष्ट चउसडीए सामाणियसाहस्सीहिं जाव सब्बिड्ढीए जाव जेणेव असोगवरपायवे जेणेव ममं अंतिए तेणेव उवागच्छइ उवागच्छिता ममं तिक्खुत्तो आयाहिण-पयाहिणं करेत्ता बंदेत्ता नमंसिता एवं वयासि-एवं खलु भंते मए तुब्भं नीसाए सक्के देविंदे देवराया सयमेव अचासाइए [तए णं तेणं परिकुविएणं समाणेणं ममं वहाए वजे निसट्टे] तं भद्दण्णं भवतु देवाणुप्पियाणं जस्सम्हि पभावेणं अकिडे [अव्वहिए अपरिताविए इहमागए इह समोसढे इह संपत्ते इह अज्ज उयसंपजित्ता णं] विहरामि तं खामेमि णं देवाणुप्पिया खमंतु णं देवाणुप्पिया खंतुमरिहंति णं देवाणुप्पिया नाइ भुजो एवं करणयाए ति कट्ट ममं वंदइ नमसइ वंदित्ता नमंसिता] उतरपुरस्थिमं दिसीभागं अवक्कमइ अवकमिता जाव बत्तीसइबद्धं नट्टविहिं उवदंसेइ उवदंसेत्ता जामेव दिप्ति पाउटभूए तामेव दिसि पडिगए एवं खलु गोयमा चमरेणं असुरिदेणं असुररण्णा सा [दिव्या देविड्डी दिव्या देयजुती दिव्ये देवाणुभागे लद्धे पत्ते] अभिसमण्णागए ठिई सागरोवमं महाविदेहे वासे सिज्झिहिइ जाव अंतं काहिए।१४७1-147
(१७७) किंपत्तियं णं भंते असुरकुमारा देवा उड्ढे उप्पयंति जाव सोहम्मो कप्पो गोयमा तेसिं णं देवाणं अहुणोववण्णाण वा चरिमभवत्याण वा इमेयारूवे अज्झथिए ।चिंतिए पत्थिए मणोगए संकप्पे] समुप्पाइ-अहो णं अम्हेहिं दिव्या देविड्ढी जाव अभिसमण्णागए जारि-सिया णं अम्हेहिं दिव्या देविड्ढी जाव अभिसमण्णागए तारिसिया णं सक्केणं देविदेणं देवरण्णा दिव्या देविड्ढी जाव अभिसमण्णागए जारिसिया णं सकेणं देविदेणं देदरण्णा जाव अभिसमण्णागए तारिसिया णं अम्हेहि वि जाव अभिसमण्णागए तं गच्छामो णं सकस्स देविंदस्स देवरण्णो अंतियं पाउब्मयामो पासामो ताव सक्कस्स देविंदस्स देवरण्णो दिव्वं देबिड्ढि जाव अभिसमण्णागयं पासउ ताव अम्ह वि सक्के देविंदे देवराया दिव्वं देविड्दि जाव अभिसमण्णागयं तं जाणामो ताव सक्कस्स देविंदस्स देवरण्णो दिव्यं देविड्ढि जाव अभि-समण्णागयं जाणउ ताव अम्ह वि संक्के देविंदे देवराया दिव्वं देविड्ढि जाव अभिसमण्णागयं एवं खलु गोयमा असुरकुमारादेवा उड्ढं उप्पयंति जाव सोहम्मो कप्पो सेवं भंते सेवं भंतेत्ति।१४८1-148
• तइए सते बीजओ उद्देसो सफ्तो.
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |