Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
तायं सतं - उद्देसो-२ सयक्कतुं सहस्सक्खं वजपाणि पुरंदरं (दाहिणड्ढलोगाहिवइ बत्तीसविमाणसयसहस्साहिवई एरावणवाहणं सुरिंदं अश्यंबरवत्यधरं आलइय- मालमउड नव-हेम-चारुचित्त-चंचलकुंडल-विलिहिज्ज माणगंडं भासुरबोदि पलंबवणमालं दिव्वेणं वण्णेणं जाव] दस दिसाओ उनोवेमाणं पभासेमाणं सोहम्मे कप्पे सोहम्मवडेंसए विमाणो समाए सुहम्माए सक्कंसि सीहासणंसि जाव दिव्वाइं भोगभोगाई पुंजमाणं पासइ पासिता इमेयारुवे अज्झस्थिए चिंतिए पस्थिए मणोगए संकप्पे समुप्पज्जित्या-केस णं एस अपत्थियपत्थए दुरंतपंतलक्खणे हिरिसिरिपरिवजिए हीणपुण्णचाउद्दसे जं णं ममं इमाए एयाखवाए दिव्वाए देविड्डीए दिव्वाए देवजुतीए दिव्ये देवाणुभावे लद्धे पत्ते अभिसमग्णागए उर्षि अप्पुलस्सुए दिव्याई भोगभोगाई भुंजमाणे विहरइ-एवं संपेहेइ संपेहेत्ता सामाणियपरिसोववण्णए देवे सद्दावेइ सदावेत्ता एवं वयासीकेस णं एस देवाणुप्पिया अपत्थियपत्यए जाव दिव्बाई भोगभोगाई भुंजमाणे विहरइ तए णं ते सामाणियपरिसोचवण्यागा देवा चमरेणं असुरिंदेणं असुररण्णा एवं वुत्ता समाणा हट्टतुट्ठ [चितमाणंदिया नंदिया पीइमणा परमसोमणस्सिया हरिसवसविसप्पमाण] हियया करपलपरिग्गहियं दसनहं सिरसावत्तं मत्थए अंजलिं कटु जएणं विजएणं वद्धाति वद्धावेत्ता एवं वयासीएस णं देवाणुप्पिया सक्के देविंदे देवराया जाव दिव्बाई भोगभोगाइं भुंजमाणे विहरइ तए णं से चमरे असुरिंदे असुरराया तेसिं सामाणियपरिसोववण्णगाणं देवाणं अंतिए एयमटुं सोचा निसम्म आसुरुत्ते रुठे कुविए चंडिक्किए मिसिमिसेमाणे ते सामाणियपरिसोववण्णगे देवे एवं वयासी-अण्णे खलु भो से सकके देविंदे देवराया अण्णे खलु भो से चमरे असुरिदे असुरराया महिड्ढीए खलु भो से सक्के देविंदे देवराया अप्पिड्ढीए खलु भो से चमरे असुरिंदे असुरराया तं इच्छामि णं देवाणुप्पिया सक्कं देविदं देवरायं सयमेव अन्चासाइत्तए ति कट्ट उसिणे उसिणभूए जाए याचि होत्था
तए णं से चमरे असुरिंदै असुरराया ओहिं पउजइ फउंजित्ता ममं ओहिणा आमोएइ आभोएत्ता इमेयास्ये अज्झथिए [चिंतिए पत्यिए मणोगए संकप्पे] समुप्पज्जित्या-एवं खलु समणे भगवं महावीरे जंबुद्दीवे दीवे भारहे वासे सुंसुमारपुरे नयरे असोगसंडे उजाणे असोग. वरपायवस्स अहे पुढयिसिलावट्टयंसि अट्ठमभत्तं पगिण्हित्ता एगराइयं महापडिमं उपसंपजिताणं विहरत्ति तं सेयं खलु मे समणं भगवं महावीरं नीसाए सक्क देविदं देवरायं सयमेव अच्चासाइत्तए ति कटु एवं संपेहेइ संपेहेत्ता सयणिज्जाओ अब्मुढेइ अदमुद्रेता देवदूसं परिहेइ परिहत्ता जण सभा सुहम्मा जेणेव चोप्पाले पहरणकोसे तेणेव उवागच्छद उवागच्छित्ता फलिहरयणं परामुसइ एगे अबीए फलिहरयणमायाए महया अमरिसं यहमाणे चमरचंचाए रायहाणीए मझमझेणं निग्गच्छइ निगच्छित्ता जेणेव तिगिछिकूडे उप्पायपव्वए तेणेव उवागच्छइ उवागच्छित्ता वेउव्यियसमुग्धाएणं समोहण्णइ समोहणित्ता जाव उत्तरवे- उब्वियं स्वयं विकुवइ विकुब्वित्ता ताए उक्किट्ठाए तुरियाए चवलाए चंडाए जइणाए छेयाए सीहाए सिग्धाए उद्धयाए दिव्वाए देवगईए तिरियं असंखेजाणं दीव-समुदाणं मझमझेणं वीइ'वयमाणे-वीईवयमाणे जेणेव जंबुद्दीवे दीये जेणेव भारहे वासे जेणेव सुंसुमारपुरे नगरे जेणेव असोयसंडे उज्जाणे जेणेव असोयवरपायवे जेणेव पुढविसिलावट्टए जेणेव ममं अंतिए तेणेव उवागच्छइ उवागछित्ता मर्म तिक्युत्तो आयाहिण-पयाहिणं करेइ करेत्ता वंदइ नमसइ
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |