Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
तइपं सतं - उद्देसोभित्ता सयमेव दारुमयं पडिगहगं गहाय तामलित्तीए नयरीए उच्च-नीय-मझिमाई कुलाई घरसमुदाणस्स भिकखायरियाए अडित्ता सुद्धोदणं पडिग्गाहेत्ता तं तिसत्तक्खुत्तो उदएणं पक्खालेत्ता तओ पच्छा आहारं आहारितए ति कट्ट एवं संपेहेइ संपेहेत्ता कल्लं पाउप्पमायाए रय- णीए जाव उट्टियम्मि सूरे सहस्सरस्सिम्मि दिणयरे तेयसा जलते सयमेव दारुमयं पडिगहगं करेइ करेत्ता विउत्तं असण-पाण-खाइम-साइमं उवक्खडावेइ उवक्खडावेता ततो पच्छा पहाए कयवलिकम्मे कवकोउय-मंगल-पायच्छिते सुद्धप्पावेसाई मंगल्लाइं वत्याई पवर परिहिए अप्पमहग्धाभरणालंकियसरीरे भोयणवेलाए भोयणमंडवंसि सुहासण वरगए तेणं मित्त-नाइय - नियग - सयण - संबंधि-परिजणेणं सद्धिं तं विउलं असण-पाण-खाइम-साइमं आसादेमाणे वीसादेमाणे परिभाएमाणे परिभुंजेमाणे विहरइ जिमियभुत्तुत्तरागए वि य णं समाणे आयंते चोक्खे परमसुइन्भूए तं मित्त नाइ-नियग-सयण-संबंधि-परियणं विउलेणं असण-पाण-खाइम-साइमेणं वत्य-गंधमलालंकारेणं य सक्कारेइ सप्माणेइ तस्सेव मित्त[नाइ-नियग-सयण-संबंधि | परियणस्स पुरओ जेद्वपुत्तं कुटुंबे ठावेइ ठावेत्ता तं पित्त-नाइनियग-सयण-संबंधि] परियणं जेट्ठपुत्तं च आपुच्छइ आपुच्छित्ता मुंडे भवित्ता पाणामाए पब्बजाए पव्यइए पब्बइए वि य णं समाणे इमं एयारुवं अभिागहं अभिगिण्हइ-कप्पइ मे जावजीवाए छटुंछट्टेणं जाव आहारित्तए ति कट्ट इमं एयारूवं अभिग्गहं अभिगिण्हित्ता जावजीचाए छटुंछडेणं अनिखित्तेणं तवोकम्मेणं उड्ढं वाहाओ पगिझिय-पगिझिय सूराभिमुहे आयावणभूमीए आयावेमाणे विहरइ छट्ठस्स वि य णं पारणयंसि आयावणभूमीओ पच्चोरूभइ पच्चीरूभिता सयमेव दारुमयं पडिग्गहगं गहाय तामलित्तीए नयरीए उच्चनीय पज्झिमाई कुलाई घरसमुदाणस्स मिक्खायरियाए अडइ अडित्ता सुद्धोयणं पडिग्गाहेइ पडिग्गाहेत्ता तिसत्तक्खुत्तो उदएणं पक्खालेइ पक्खालेत्ता तओ पच्छा आहारं आहारेई से केणट्रेणं भंते एवं दुच्चइपाणामा पब्बजा गोयमा पाणामाए णं पव्वज्जाए पब्वाइए समाणे जं जत्थं पासइ-इंदं या खंदं या रुई वा सिवं बा वेसपणं वा अजं वा कोट्टकिरियं या रायं वा [ईसर या तलवरं वा माइंबियं या कोडुंबियं वा इव्यं या सेट्टि वा सेणावई या] सत्यवाहंवा काकं वा साणं वा पाणं या उच्चं पासइ उच्चं पणामं करइ नीयं पासइ नीयं पणामं करेइ जं जहा पासइ तस्स तहा पणामं करेइ से तेणटेणं गोयमा एवं वुच्चइ पाणापा पव्वज्जा तए णं से तामली मोरियपुत्ते तेणं ओरालेणं विपुलेणं पयत्तेणं पग्गहिएणं वालतवोकम्मेणं सुक्के लुक्खे [निम्मंसे अद्वि-चम्मावणद्धे किडिकिडियाभूए किसे] धमणिसंतए जाए यावि होत्था तए णं तस्स तापलिस्स बालतविस्स अण्णया कयाइ पुवरत्तावरत्तकालसमयंसि अणिचजागरियं जागरमाणस्स इमेयारूवे अन्झस्थिए [चिंतिए पत्यिए मणोगए संकप्पे] समुप्पजित्था-एवं खलु अहं इमेणं ओरालेणं विपुलेणं [पयत्तेणं पग्गहिएणं कल्लाणेणं सिवेणं धन्नेणं मंगल्लेणं सस्सिरीएणं] उदग्गेणं उदत्तेणं उत्तमेणं महाणुभागेणं तवोकम्मेणं सुक्के लुक्खे जाव धमणिसंतए जाए तं अस्थि जा मे उट्ठाणे कम्मे बले वीरिए पुरिसक्कार-परक्कमे तावता मे सेयं कल्लं पाउप्पभायाए रयणीए जाव उठ्ठियम्मि सूरे सहस्सरस्सिम्मि दिणयरे तेयता जलते तापलित्तीए नगरीए दिट्ठाभट्टे य पासंडत्थे य गिहत्ये य पुव्वसंगतिए य परियासंगतिए य आपुच्छित्ता तापलित्तीए नगरीए मज्झमझेणं निग्गच्छित्ता पादुगकुंडिय-मादीयं उवगरणं दारुमयं च पडिग्गहगं एगंते एडित्ता तामलित्तीए नगरीए उत्तर
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |