Page Text
________________
Shri Mahavir Jain Aradhana Kendra
www.kobatirth.org
५८
Acharya Shri Kailassagarsuri Gyanmandir
भगवई - ३ //१/१५२
वेउव्वियसमुग्धाएणं समोहण्णइ पभू णं गोयमा चपरस्स असुरिंदरस असुररण्णो एगमेगे सामाणियदेवे केवलकप्पं जंबुद्दीव दीवे बहूहिं असुरकुमारेहिं देविहिं देवीहि य. आयणं वितिकिण्णं उवत्थड थडं फुडं अवगाढावगाढे करेत्तए अदुत्तरं च णं गोयमा पभू चमरस्स असुरिंदरस असुररणो एगमेगे सामाणि देवे तिरियमसंखेने दीव-समुद्दे बहूहिं असुरकुमारेहिं देवेहिं देवीहि य आइण्णे वितिकिण्णे उवत्थडे संथडे फुडे अवगाढावगाढे करेत्तए अदुत्तरं च णं गोयमा पभू चमरे असुरिंदे असुरराया तिरियमसंखेज्जे दीव-समुद्दे बहूहिं एसुरकुमारेहिं देवेहिं देवीहि य आइण्णे वितिकिण्णे उवत्यडे संथडे फुडे अवगाढावगाढे करेत्ताए एस णं गोयमा चपरस्स असुरिंदस्स असुररण्णो अयमेयारूवे विसए विषयमेत्ते बुइए नो चेव णं संपत्तीए विकुव्विसु वा विकुव्वति वा विकुव्वस्सति वा जइ णं भंते चमरे असुरिंदे असुरराया एमहिड्ढीए जाव एवइयं च णं पभू विकुव्वितए चमरस्स णं भंते असुरिंदम्स णं भंते असुरिंदस्स असुररण्णो सामाणिया देवा केमहिड्दीया जाव केवइयं च णं पभू विकुव्वित्तए गोयमा चमरस्स असुरिंदरस असुररण्यो सामाणिया देवा महिड्ढीया महजुतीया महाबला महायसा महासोक्खा महाणुभागा ते णं तत्य साणं- साणं भवणाणं साणं- साणं सामाणियाणं साणं-साणं अग्गमहिसीणं जाव दिव्वाई भोगभोगाई भुंजमाणा विहरंति एमहिड्ढीया जाव एवइयं च णं पभू विकुव्वित्तए से जहानामे - जुवती जुवाणे हत्येणं हत्थे गेण्हेज्जा चक्कस्स वा नाभी अरगाउत्ता सिया एवामेव गोयमा चमरस्स असुरिंदस्स असुररण्णो एगमेगे सामाणियदेवे वेउव्वियसमुग्धाएणं समोहण्णइ जाव दोघं पि वेउव्वियसमुग्धाएणं समोहरणइ पभू णं गोयमा चमरम्स असुरिंदरस असुरपणी एगमेगे सामाणियदेवे केवलकप्पं जंबुद्दीवं दीवं बहूहि असुरकुमारेहिं देवेहिं देवीहि य आइण्णं वितिकिण्णं उवत्थडं संथडं फुडं अवगाढाव - गाढं करेत्तए अदुत्तरं च णं गोयमा पभू चपरस्स असुरिंदस्स असुररण्णो एगमेगे सामाणियदेवे तिरियमसंखेजे दीव-समुद्दे बहूहिं असुरकुमारेहिं देवेहिं देवीहि य आइण्णे वितिकिण्णे उवथडे संथडे फुड़े अवगाढावगाढे करेत्तए एस णं गोयमा चमरस्स असुरिंदस्स असुररण्णो एगमेगस्स सामाणियदेवस्स अयमेयारूचे विसए विसयमेत्ते बुइए नो चेव णं संपत्तीए विकुबिसु वा विकुव्वंति वा विकुव्वत्संति वा । १२५१-125
(१५३) जइ णं भंते चमरस्स असुरिंदरस असुररण्णो सामाणियदेवा एमहिड्ढीया जाव एवतियं च णं पभू विकुव्वित्तए चमरस्स णं भंते असुरिंदरस असुररण्णो तावतीसया देवा केमहिड्ढीया तावत्तीसया जहा सामाणिया तहा नेयव्वा लोयपाला तहेव नवरं संखेज्जा दीवसमुद्दा भाणियव्या जइ णं भंते चमरस्स असुरिंदस्स असुररण्णो लोगपाला देवा एमहिड्ढीया
एवतियं चणं भू विकुव्वित्तए चमरस्स णं असुरिंदस्स असुररण्णो अग्गमहिसीओ देवीओ केमहिड्ढियाओ जाव केवइयं च णं पभू विकुव्वित्तए गोयमा चमरस्स णं असुरिंदरस असुररणो अग्गमहिसीओ देवीओ महिड्डियाओ जाव महाणुभागाओ ताओ णं तत्थ साणं- साणं भवणाणं साणं साणं सामाणिया साहस्सीणं साणं-साणं महत्तरियाणं साणं- साणं परिसाणं जाव एमहिड्ढीयाओ अण्णं जहा लोगपालाणं अपरिसेसं सेवं भंते सेवं भंते त्ति ।१२६/-126
( १५४ ) भगवं दोघे गोयमे समणं भगवं महावीरं वंदइ नमसइ वंदित्ता नमसित्ता जेव तचे गोयमे वायुभूती अणगारे तेणेव उवागच्छइ उवागच्छित्ता तचं गोयमं वायुभूति
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |