Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
मी सतं - मेसोभासिस्सामीति गिलाइ से जहानामए कट्ठसगडिया इ वा पत्तसगडिया इ वा पत्त-तिल-भंडगसगडिया इ वा एरंडकट्ठसगडिया इ वा इंगालसगडिया इ वा उहे दिण्णा सुक्का समाणी ससई गच्छइ ससई चिट्ठइ एवामेव खंदए अणगारे ससई गच्छाइ ससई चिट्ठइ उवचिए तवेणं अवचिए मंस-सोणिएणं हुयासणे विव भासरासिपडिच्छण्णे तवेणं तेएणं तव-तेयसिरीए अतीव-अतीव उदसोमेमाणे-उवसोभेमाणे चिट्ठइ ।९२१-92
(११५) तेणं कालेणं तेणं समएणं रायगिहे नगरे समोसरणं जाव परिसा पडिगया तए णं तस्स खंदयस्स अणगारस्स अण्णया कयाइ पुव्यरत्तावरत्तकालसयंसि धम्मजागरियं जागरमाणस्स इमेयारूवे अज्झथिए चिंतिए [पत्थिए मणोगए संकप्पे] समुप्पजित्था एवं खलु अहं इमेणं एयारवेणं ओरालेणं विउलेणं पयत्तेणं पग्गहिएणं कल्लाणेणं सिवेणं धनेणं मंगल्लेणं सस्सिरीएणं उदग्गेणं उदत्तेणं उत्तमेणं उदारेणं महाणुभागेणं तवोकम्पेणं सुक्के लुक्खे निम्मंसे अहि-चम्मावणद्धे किडिकिड़ियाभूए] किसे धमणिसंतए जाए जीवंजीवेणं गच्छापि जीवंजी. वेणं चिट्ठामि मासं भासित्ता वि गिलामि भासं भासमाणे गिलामि भासं भासिस्सामीति गिलामि से जहानामए कट्ठसगडिया इ वा पत्तसगडिया इ वा पत्त-तिल-भंडगस-गडिया इ वा एरंडकट्ट. सगडिया इ वा इंगालसगडिया इ वा-उण्हे दिण्णा सुक्का समाणी ससदं गच्छइ ससई चिट्ठ) एवामेव अहं पि ससइं गच्छापि ससई चिट्ठामि तं अस्थि ता में उठाणे कम्मे बले वीरिए पुरिसक्कार-परक्कमे तंजावता मे अस्थि उठाणे कम्मे बले वीरिए पुरिसक्कार-परक्कमे जाव य मे धमायरिए धम्मोवदेसए समणे मगवं महावीरे जिणे सुहत्थी विहरइ तावता मे सेयं कल्लं पाउप्पभायाए रयणीए फुल्लुप्पलकमलकोमलुम्मिलियम्मि अहपंडुरे पभाए रत्तासोयप्पाकासे किं- सुव-सुयमुह-गुंजद्धरागसरिसे कमलागरसंडबोहए उठ्ठियम्मि सूरे सहस्सरस्सिम्मि दिणयरे तेय- सा जलंते समणं भगवं महावीरं वंदिता नमं सित्ता [नचासने नातिदूरे सुस्सूसमाणे अभिमुहे विणएणं पंजलियडे] पजुवासित्ता समणेणं भगवया महावीरेणं अब्यणुण्णरए समाणे सवमेव पंच महव्ययाणि आरोवेत्ता समणा या समणीओ प खामेता तहारूवेहिं येरेहिं कडाईहिं सद्धिं विपुलं पव्वयं सणियं-सणियं दुरुहित्ता मेहघणसंनिगासं देवसत्रिवातं पुढवीसिलापट्टयं पडिलेहिता दभसंथारगं संबरित्ता दभसंथारोवगयस्स संलेहणाझूसणाझूसियस्स भत्तपाणपडियाइखियस्स पाओवगयस्स कालं अणवकंखमाणस्स विहरित्तए ति कट्ट एवं संपेहेइ संपेहेत्ता कल्लं पाउप्पभायाए एयणीए जाव उट्टियम्मि सूरे सहस्सरस्सम्मि दिणयरे तेयसा जलंते जेणेव समणे भगवं महावीरे तिणेव उवागच्छइ उवागच्छित्ता समणं भगवं महावीरं तिखुत्तो आयाहिण पयाहिणं करेइ करेत्ता बंदइ नमसइ वंदित्ता नमंसिता नछासन्ने नातिदूरे सुस्सूमाणे नमंसमाणे अभिमुहे विणएणं पंजलियडे] पजुवासइ खंदयाइ समणे भगवं महावीरे खंदयं अणगारं एवं वयासी-से नूणं तव खंदया पुवरत्तावरत्त [कालसमयंसि धम्मजागरियं] जागरमाणस्स इमेयारूवे अजत्यिए [वितिए पत्थिए मणोगए संकपे] समुष्पग्जित्था-एवं खलु अहं इमेणं एयारूवेणं तवेणं ओरालेणं विउलेणं तं वेव जाव कालं अणयकंखमाणस्स विहरितए त्ति कट्ट एवंसंपेहेसि संपेहेत्ता कल्लं पाउप्पभायाए रयणीए जाव उद्धिम्मि सूरे सहस्सरस्सिम्मि दिणयरे तेयसा जलंते जेणेव ममं अंतिए तेणेय हव्यमागए से नूगं खंदया अडे समढे हंता अत्यि अहासुहं देवाणुप्पिया मा पडिबंधं ।२३1-93
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |