Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पमं सतं - उदेसोणस्स वा अंतिए एगमवि आरियं धप्पियं सुवयणं सोच्चा निसम्म देसं उवरमइ देसं नो उबरमइ देसं पच्छक्खाइ देसं नो पञ्चक्खाइ से तेणं देसोवाम देसपञ्चक्खाणेणं नो नेरइयाउयं पकरेति जाव देवाउयं देवेसु उववजति से तेगडेणं जाब देवाउयं किन्त्रा देवेसु उबवनति ।६५1-65
((८७) पुरिसे णं मंते कच्छसि या दहंसि वा उदगंसि वा दवियंसि वा बलयंति या नूमंसि वा गहणंसि वा गहणविदुगंसि वा पव्वयंसि वा पव्वयविदुग्गसि वा वर्णसि वा वणविदुगंसि वा मियवित्तीए मियसंकप्पे मियपणिहाणे मियवहाए गंता एते मिय ति काउं अण्णयरस्स मियस्स वहाए कूडपासं उद्दाति ततो णं भंते से पुरिसे कतिकिरिए गोयमा सिय तिकिरए सिय वउकिरिए सिय पंचकिरिए से केणद्वेणं भंते एवं वुच्चइ-सिय तिकिरिए सिय चउकिरिए सिय पंचकिरिए गोयमा जे भविए उद्दवणयाए-नो बंधणयाए नो मारणयाए-तावं च णं से पुरिसे काइयाए अहिगरणियाए पाओसियाए-तिहिं किरियाहिं पुढे जे भविए उद्दवणताए वि बंधणताए वि-नो मारणताए-तावं च णं से पुरिसे काइयाए अहिगरणियाए पाओसियाए पारितावणियाए-चउहि किरियाहिं पुढे जे भविए उद्दवणताए वि बंधणताए वि मारणताए वि तावं च णं से पुरिसे काइयाए अहिगरणियाए पाओसियाए पारितावणियाए पाणातिवायकिरियाएपंचहि किरियाहिं पुढे से तेगडेणं गोयमा एवं बुच्चइ-सिय तिकिरिए सिय चउकिरियए सियं पंचकिरिए ।६६।-86
(८) पुरिसे णं भंते कच्छंसि वा जाव वणविदुग्गंसि वा तणाई ऊसविय-ऊसविय अगणिकायं निसिरइ-तावं च णं भंते से पुरिसे कतिकिरिए गोयमा सिय तिरिरिए सिय चउकिरिए सियं पंचकिरिए से केणटेणं भंते एवं वुच्चइ-सिय तिकिरिए सिय चउकिरिए सिय पंचकिरिए गोयमा जे भविए उस्सवणयाए - [नो निसिरणवाए नो दहणयाए-तावं च णं से पुरिसे काइयाए अहिगरणियाए पाओसियाए-तिहिं किरियाहिं पुढे जे भविए उस्सवणयाए वि निसिरणयाए वि नो दहणयाए-तायं च णं से पुरिसे काइयाए अहिगरणियाए पाओसियाए पारितावणियाए-चउहि किरियाहि पुढे जे भविए उस्सवणयाए वि निसिरणयाए वि दहणयाए वि तावं च णं से पुरिसे काइयाए अहिगरणियाए पाओसियाए पारितावणियाए पाणातिवायकिरियाए] - पंचहि किरियाहिं पुढे से तेणटेणं गोयमा एवं वुच्चइ-सिय तिकिरिए सिय चउकिरिए सिय पंचकिरिए ।६७/67
(८१) पुरिसे णं भंते कच्छंसि वा जाव वणविदुग्गसि वा मियवित्तीए मिथसंकप्पे मियपणिहाणे मियवहाए गंता एते मिय त्ति काउं अन्नतरस्स मियस्स बहाए उसु निसिरति ततो गं भंते से पुरिसे कतिकिरिए गोयमा सिय तिकिरिए सिय चउकिरिए सिय पंचकिरिए से केपट्टेणं मंते एवं बुच्चइ-सिय तिकिरिए सिय चउकिरिए सिय पंचकिरिए गोयमा जे भविए निसिरणयाए-नो विद्धंसणयाए नो मारणयाए तायं च णं से पुरिसे काइयाए अहिगरणियाए पाओसियाए-तिहिं किरियाहिं पुढे जे भविए निसिरणताए वि विद्धसणताए विनो मारणयाएतावं च णं से पुरिसे काइयाए अहिंगरणियाए पाओसियाए पारितावणियाए चउहि किरिवाहि पुढे जे भविए निसिरणयाए वि विद्धंसणयाए वि पारणताए वि-तावं च णं से पुरिसे काइयाए अहिगरणियाए पाओसियाए पारितावणियाए पाणातिवायकिरियाएपंचहिं किरियाहिं पुढे से तेणडेणं गोयमा एवं बुच्चइ-सिय तिकिरिए सिय चउकिरिए सिय पंचकिरिए ।६८1-68
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |