Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
३५८
घगवई. १८/२/७२७ अभिस्वइए तए णं अहं देवाणुप्पिया संसारभयुब्बिग्गे जाव पव्वयामि तं तुभे णं देवाणुप्पिया किं करेह किं ववसह किं भे हियइच्छिए किं भे सामत्ये तए णं तं नेगमट्ठसहस्सं पि कत्तियं सेटिं एवं वयासी-जइ णं तुमे देवाणुप्पिया संसारभयुब्बिग्गा जाव पब्ब यह अम्हं देवाणुपिया के अण्णे आलंबे वा आहारे वा पडिबंधे वा अम्हे विणं देवाणुप्पिया संसारभयुब्बिग्गा भीया जम्मणमरणाणं देवाणुप्पिएहिं सद्धिं मुणिसुब्वयस्स अरहओ अंतियं मुंडा भवित्ता अगाराओ अणगारियं पव्वयाओ तए णं से कत्तिए सेट्टी तं नेगमट्ठसहस्सं एवं बयासी-जदि णं देवाणुप्पिया संसारभयुविग्गा भीया जम्मणमरणाणं मए सद्धिं मुणिसुव्ययस्स जाव पन्चयहं तं गच्छह णं तुमे देवाणुप्पिया सएसु गिहेसु विपुलं असणं पाणं खाइमं साइमं उवक्खडावेह मित्त-नाइ-(नियगसयण-संबंधि-परियणं आमंतेह तं मित्त-जाव विउलेणं असण-पाण-खाइम-साइमेणं वत्थ-गंधमल्लालंकारेण य सक्कारेह सम्माणेह तस्सेव मित्त-जाव पुरओ) जेट्टपुत्ते कुटुंबे ठावेह ठावेत्ता तं मित्त-जाव जेटुपुत्ते आपुच्छह आपुच्छित्ता पुरिससहस्सवाहिणीओ सीयाओ दुहति दुहित्ता मित [नाइ-नियग-संबंधि]-परिजणेण जेद्वपुत्तेहि य समणुगम्पमणमाग्गा सब्बिड्डीए जाव दुंदुहिनिग्घोसनादियरवेणं अकालपरिहीणं चेव मम अंतियं पाउभवए तए णं तं नेगमट्ठसहस्सं पि कतियस्स सेट्ठिस्स एयमढे विणएणं पडिसुणेति पडिसुणेत्ता जेणेव साई-साई गिहाई तेणेव उवागच्छति उवाच्छित्ता विपुलं असणं [पाणं खाइमं साइपं उवक्खडावेति उवक्खडावेत्ता पित्तनाइ जाय तस्सेय मित्त नाइ-नियग-सयण-संबंधि-परियणस्स] पुरओ जेट्टपुत्ते कुटुंबेठावेति ठावेत्ता तं मित्त-नाइ-जाव जेदुपुत्ते य आपुच्छइ आपुच्छिता पुरिससहस्सवाहिणीओ सीयाओ दुरुहति दुरुहित्ता मित-नाइ-नियग-सयण-संबंधि] परिजणेणं जेट्टपुत्तेहि य समणुगम्ममाणमागा सब्बिड्डीए जाव दुंदुहि-निग्घोसनादियरवेणं अकालपरिहीणं चेव कत्तियस्त सेट्ठिस्स अंतियं पाउब्भवति
तएणं से कत्तिए सेट्टी विपुलं असणं पाणं खाइमं साइमं उवक्खडावेति जहा गंगदत्त जाव सीयं दुरुहति दुहिता पित्त-नाइ-नियग-सयण-संबंधि)-परिजणेणं जेट्टपुत्तेणं नेगमट्ठसहस्सेणं य समणुगम्ममाणमग्गे सचिड्ढीए जाव दुंदुहिनिग्धोसनादियरवेणं हरियणापुरं नगरं मझमज्झेणं निगच्छइ जहा गंगदतो जाव आलिते णं भंते लोए पलिते णं भंते लोए आलित-पलित्ते णं भंते लोए जाव आणुगामियत्ता भविस्सति तं इच्छामि णं भंते नेगमट्ठसहस्सेण सद्धि सयमेव पव्यावियं जाव धम्ममाइक्खियं तए णं मुणिसुव्वए अरहा कत्तियं सेट्टि नेगमट्ठसहस्सेणं सद्धिं सयमेव पच्चायेति जाव धम्ममाक्खइ-एवंदेवाणुप्पिया गंतव्यं एवं चिट्ठियव्वं जाव संजमियव्वं तए णं से कत्तिए सेट्ठी नेगमट्ठसहस्सेणं सद्धिं मुणिसुब्वयस्स अरहओ इमं एयारूवं धम्मियं उवदेसं सम्म पडिवजइ तमाणाए तहा गच्छति जाव संजमेति तए णं से कत्तिए सेट्ठी नेगमट्ठस्सहस्सेणं सद्धिं अणगारे जाए-ईरियासमिए जाव गुत्तवंभयारी तए णं से कतिए अणगारे मुणिसुब्बयस्स अरहओ तहारूवाणं थेराणं अंतियं सामाइयमाइयाई चोद्दस पुब्वाइं अहिजइ अहिज्जित्ता बहहिं चउत्य छट्टम दसमदुवालसेहिं मासद्धमासखमणेहिं विचित्तेहिं तयोकम्मेहि अप्पाणं भावेमाणे बहुपडिपुण्णाई दुवालस वासाइं सामण्णपरियागं पाउणइ पाउणिता मासियाए संलेहणाए अताणं झोसेइ झोसेत्ता सहि भत्ताई अणसणाए छेदेति छेदेत्ता आलोइय-पडिक्कंते समाहिपते कालमासेकालं किचा सोहम्मे कप्पे सोहम्मयडेंसए विमाणे उववायसभाए देवसयणिज्जसि (देवदूसंतरिए अंगुलस्स
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |