Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
३२८
भगवई - १५/-1-1६५५ सरीरा उवक्खडिया तेहिं नो अट्ठो अत्यि से अण्णे पारियासिए मजारकडए कुक्कुडमंसए तमाहराहि एएणं अट्ठो तए णं से सीहे अणगारे समणेणं भगवया महावीरेणं एवं वुत्ते समाणे [हतुहचित्तमाणदिए नंदिए पीइमाणे परमसोमणस्सिए हरिसवसविसप्पमाणा) हियए समण भगवं महावीरं वंदड़ नमसइ यंदित्ता नमंसित्ता अतुरियमचलमसंभंतं मुहपोतियं पडिलेहेति पडिलेहेता [भायणवस्थाई पडिलेहेति पडिलेहेता भायणाई पमज्जइ पमज्जिता मायणाई उग्गाहेइ उग्गाहेत्ता जेणेव समणे भगवं महावीरे तेणेव उवागच्छइ उवागच्छित्ता समणं भगवं महावीरं यंदइ नमंस वंदित्ता नमंसित्ता समणस्स भगवओ महावीरस्स अंतियाओ साणकोट्ठगाओ चेइयाओ पडिनि
खमति पडिनिक्खमित्ता [अतुरियमचवलमसंभंतं जुगंतरपलोयणाए दिट्ठीए पुरओ रियं सोहेमाणे-सोहेमाणे जेणेव मेढियगामे नगरे तेणेव उवागच्छइ उवागच्छित्ता मेंढियगामं नगरं मझमझेणं जेणेव रेवतीए गाहावइणीए गिहे तेणेव उवागच्छइ उवागच्छित्ता रेवतीए गाहावतिणीए गिहं अनुप्पविटे
तए णं सा रेवती गाहावतिणी सीहं अणगारं एजमाणं पासति पासित्ता हतुवा खिप्पामेव आसणाओ अब्बटेइ अब्मुढेत्ता सीहं अणगारं सत्तट्ठ पयाई अनुगच्छइ अनुगछित्ता तिक्खुत्तो आयाहिणं पयाहिणं करेति करेत्ता वंदति नमंसति वंदित्ता नमंसिता एवं वयासी-संदिसंतु णं देवाणुप्पिया किमागमणप्पपयोयणं तए णं से सीहे अणगारे रेवति गाहावइगि एवं वयासी-एवं खलु तुमे देवाणुप्पिए समणस्त भगवओ महावीरस्स अट्ठाए दुवे कवोय-सरीर, उवक्खडिया तेहिं नो अट्ठो अस्थि ते अण्णे पारियासिए पजारकडए कुक्कुडमंसए एयमाए राहिं तेणं अट्ठो तए णं सा रेवती गाहावइणी सीहं अणगारं एवं वयासी-केस णं सीहा से नाणी वा तवस्सी वा जेणं तय एस अढे मम ताव रहस्सकडे हव्बमक्खाए जओ णं तुमं जाणासि [तए णं से सीहे अणगारे रेवइ गाहावइणिं एवं वयासी-एवं खलु रेवई ममं धम्मायरिए भगवं महावीरे उप्पन्ननाणदसणधरे अरहा जिणे केवली तीयपच्चुप्पन्नमणागयवियाणए सवण्णु सव्वदरिसी जेणं मम एस अट्टे तव ताव रहस्सकडे हव्वमक्खए जओ णं अहं जाणामि तए णं सा रेवती गाहावतिणी सीहरस अणगारस्स अंतियं एयमढे सोधा निसम्म हट्ठता जेणेव भतधरे तेणेव उवागच्छइ उवागछित्ता पत्तगं मोएति मोएता जेणेव सीहे अणगारे तेणेव उवागच्छइ उवागच्छिता सीहस्स अणगारस्स पडिग्गहंसितं सव्वं समं निस्सरति तए णं तीए रेवतीए गाहायतिणीए तेणं दव्वसुद्धेणं [दायगसुद्धेणं पडिगाहगसुद्धणं तिविहेणं तिकरणसुद्धणं! दाणेणं सीहे अणगारे पडिलाभिए समाणे देवाउए निबद्धे संसारे परित्तीकए गिर्हसि य से इमाई पंच दिव्वाई पाउब्भूयाई तं जहा-वसुधारा बुट्ठा दसद्धवण्णे कुसुमे निवातिए चेलुक्खेये कए आहायाओ देवदुंदुभीओ अंतरा वियणं आगासे अहो दाणे अहो दाणे त्ति पुढे तए णं रायगिहे नगरे सिंघाडग-जाव-पहेसु बहुजणो अण्णमण्णस्स एवमाइक्खइ एवं मासइ एवं पण्णवेइ एवं पसवेइ धत्रा णं देवाणुप्पिया रेवई गाहावईणी कयत्या णं देवाणुप्पिया रेवई गाहावइणी कयपुण्णा णं देवाणुप्पिया रेवई गाहावइणी कयलक्खणा णं देवाणुप्पिया रेवई गाहावइणी कया णं लोया देवाणुप्पिया रेवतीए गाहावतिणीए सुलद्धे णं देवाणुप्पिया माणुस्सए जम्मजीवियफले रेवतीए गाहावतिणीए जस्स णं गिहंसि तहारूवे साधू साधुरूवे पडिलाभिए समाणे इमाई पंच दिव्याई पाउदभूयाइं तं धन्ना कयत्था कयपुण्णा कयलक्खणा कया णं लोया सुलद्धे माणुस्सए जम्मजीवियफले रेवतीए गाहावतिणीए रेवतीए
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |