Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
३२२
पगबई - १५/-1-1६५१ पयाई पधोसक्कइ पचोसक्कित्ता समणस्स भगवओ महावीरस्स वहाए सरीरगंसि तेयं निसिरतिसे जहानामे वाउककलिया इ वा वायमंडलिया इ वा सेलंसि वा कईसि वा धंभंसि वा थमंसि वा आवारिजमाणी वा निवारिजमाणी वा साणं तत्थ नो कमति नो पक्कमति एवामेव गोसालस्स वि मंखलिपुत्तस्स तवे तेए समणस्स भगवओ महावीरस्स वहाए सरीरगंसि निसिढे समाणे से णं तत्य नो कमति नो एक्कमति अंचियंचि करेति करेत्ता आयाहिण-पयाहिण करेति करेता उड्ढे वेहासं उप्पइए से णं तत्थ नो कमति नो पक्कमति अंचियंचि करेति करेत्ता आयाहिण-पयाहिणं करेति करेता उड्ढं वेहासं उप्पइए से णं तओ पडिहए पडिनियत्तमाणे तमेव गोसालस्स मंखलिपुत्तस्स सरीरगं अणुडहपाइणे अणुडहमाणे अंतो-अंतो अनुष्पविद्वे
तए णं से गोसाले मंखलिपुत्ते सएणं तेएणं अण्णाइडे समाणे समणं भगवं महावीरं एवं वयासी तुमं णं आउसो कासवा ममं तवेणं तेएणं अण्णाइटे समाणो अंतो छण्हं पासाणं पित्तज्जरपरिगयसरीरे दाहवक्कंतीए छउमत्थे चेव कालं करेस्ससि तए णं समणे भगवं महावीरे गोसालं पंखलिपुत्तं एवं वयासी-नो खलु अंह गोसाला तव तवेणं तेएणं अण्णाइट्ठे समाणे अंतो छण्हं [मासाणं पित्तज्जरपरिगयसरीरे दाहवक्कंतीए छउमत्ये चेव] कालं करेस्सामि अहणं अण्णाई सोलस वासाइं जिणे सुहत्यी विहरिस्सामि तुमं णं गोसाला अप्पणा चेव सएणं तेएणं अण्णाइट्टे समाणे अंतो सत्तरतस्स पित्तज्जरपिरगयसरीरे दाहवक्कंतीए छउपत्ये चेव कालं करेस्ससि तए णं सावत्थीए नगरीए सिंघाडग-जाव-पहेसु बहुजणो अण्णमण्णस्स एवमाइक्खइ जाव एवं परूवेइ-एवं खलु देवाणुप्पिया सावत्थीए नगरीए बहिया कोट्ठए चेइए दुवे जिणा संलवंति एगे वदंति तुमं पुब्बि कालं करेस्समि एगे वदंति तुमं पुब्दि कालं करेस्ससि तत्थ ण के पुण सम्मावादी के मिच्छावादी तत्व णं जे से अहप्पहाणे जणे से वदंति-समणे भयवं महावीरे सम्मावादी गोसाले मंखलिपुत्ते मिच्छावादी, अजोति समणे भगवं महावीरे समणे निगं आमंतेता एवं वयासी-अञ्जो से जहानामए तणरासीइ वा कट्ठरासीइ वा पत्तरासी इवा तयारासी इवा तुसरासीइ वा मुसरासी इ वा गोमयरासी इवा अवकररासी इ या अगणिझामिए अगणिझूसिए अगणिपरिणामिए हयतेए गयतेए नट्ठतेए भट्टतेए लुत्ततेए विणढ़तेए जाए एवामेव गोसाले पंखलिपुत्ते ममं वहाए सरीरगंसि तेयं निसिरित्ता हयतेए गयतेए निट्ठतेए भट्ठतेए लुततेए विणट्ठतेए जाए तं छंदेणं अज्जो तुडो गोसालं मंखलिपुत्तं धम्मियाए पडिचोयणाए पडिचोएह धमियाए पडिसारणाए पडिसारेह धम्मिएणं पडीयारेणं पडोयारेह अढेहि य हेऊहि य पसिणेहि य वागरणेहि य कारणेहि य निप्पट्ठपसिणवागरणं करेह तए णं ते समणा निगंधा समणेणं भगवया महावीरेणं एवं वुत्ता समाणा समणं भगवं महावीरं वंदति नमसंति वंदित्ता नमंसित्ता जेणेव गोसाले मंखलिपुत्ते तेणेव उवागच्छंति उवागच्छित्ता गोसालं मंखलिपुतं धम्मियाए पडिचोयणाए पडिचोएंति धम्मियाए पडिसारणाए पडिसारेति धम्मिएणं पडोयारेणं पडोयारेति अद्वेहि य हेऊहि य [कारणेहि य निप्पट्ठपसिण] वागरणं करेंति
___ तए णं से गोसाले मंखलिपुत्ते समणेहि निग्गंधेहि धम्मियाए पडिचोयणाए पडियोइजमाणे जाव निप्पट्ठपसिणवागरणे कीरमाणे आसुरुत्ते रुढे कुविए चंडिक्किए मिसिमिसेमाणे नो संचाएति समणाणं निणंयाणं सरीरगस्स किंचि आबाहं वा वाबाहं या उप्पाएताए छविच्छेदं वा करेत्तए तए णं ते आजीविया घेरा गोसालं मंखलिपुत्त समणेहिं निग्गंथेहिं धम्मियाए पडिचोयणाए पडि
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |