Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
३१६
भगवई - १५/-1-1६४५ अडवीए किंचि देसं अनुप्पत्ताणं समाणाणं से पुव्यगहिए उदए अनुपुयेणं परिमुञ्जमाणे-परिभुञ्जमाणे झीणे तं सेयं खलु देवाणुप्पिया अम्हं इमीसे अगामियाए जाव अडवीए उदगस्स सब्बओ समंता मग्गण-गवेसणं करेत्तए ति कटु अण्णमण्णस्स अंतिए एयमलु पडिसुणेति पडिसुणेत्ता तीसे णं अगामियाए जाव अडवीए उदगस्स सव्वओ समंता मागण-गवसणं करेति उदगस्स सव्वओ समंता मागण-गवेसणं करेपाणा एगं महं वणसंडं आसाति-किण्हं किण्होमासं जाव महामेहनिकुरंबभूयं पासादीयं दरिसणिज्नं अभिरूवं पडिरूवं तस्सणं वणसंडस्स बहुमज्झदेसभाए एत्थणं महेगं वमीयं आसादेति तस्स णं वम्मीचस्स चत्तारि वपूओ अड्भुग्गयाओ अभिनिसदाओ तिरिये सुसंपग्गहियाओ अहे पन्नगद्धरूवाओ पनगद्धसंठाणसंठियाओ पासादियाओ [दरिसणिजाओ अभिरुवाओ] पडिरूवाओ तए णं ते वणिया हतुवा अण्णमण्णं सद्दावेति सदावेत्ता एवं वयासीएवं खल देवाणुप्पिया अम्हे इमीसे अगामियाए अिणोहियाए छिनावायाए दीहमद्धाए अडवीए उदगस्स] सव्वओ समंता मग्गण-गवेसणं करेमाणेहिं इमे वणसंडे आसादिए-किण्हे किण्होभासे इमस्स णं वणसंडस्स बहुमज्झदेसभाए इमे वम्मीए आसादिए इमस्सणं यम्मीयस्स चत्तारि वप्पूओ अमुग्गयाओ अभिनिसढाओ तिरियं सुसंपग्गहियाओ अहे पनगद्धरूवाओ पन्नगद्धसंठाणसंठियाओ पासादियाओ दरिसणिजाओ अभिरूवाओ] पडिरूवाओ तं सेयं खलु देवाणुप्पिया अम्हें इमस्स वम्मीयस्स पढमं वप्पु भिंदित्तए अयियाइं ओरालं उदगरयणं अस्सादेस्सामो तए ण ते वणिया अण्णमण्णस्स अंतियं एयमढे पडिसुणेति पडिसुणेत्ता तस्स वम्मीयस्स पढमं वपुं भिदंति ते णं तत्थ पत्यं जच्चं तणुयं फालियवण्णाभं ओरालं उदगरयणं आसादेति तए णं ते वणिया हद्रुतुट्ठा पाणियं पिबंति पिबित्ता वाहणाइं पजेतिं पजेत्ता मायणाई भरेति भरेत्ता दोच्चं पि अण्णमण्णं एवं वदासी-एवं देवाणप्पिया अम्हेहिं इमस्स बम्मीयस्स पढमाए वप्पूए मित्राए ओराले उदगरयणे अस्सादिए तं सेयं खलु देवाणुप्पिचा अम्हं इमस्स वम्मीयस्स दोच्चं पि वपुंभिंदित्तए अवियाई एत्थ ओरालं सुवण्णरयणं अस्सादेसामो
तए णं ते वणिया अण्णमण्णस्स अंतियं एयमढें पडिसुणेति पडिसुणेत्ता तस्स वम्मीयस्स दोच्चं पि वप्पु भिंदंति ते णं अच्छं जस्सं तावणिज्जं महत्थं महग्धं महरिहं ओरालं सुवण्णरवणं अस्सादेति तए णं ते वणिया हट्टतुट्टा भायणाई भरेति मरेत्ता पवहणाई मरेति भरेत्ता तच्चं पि अण्णमण्णं एवं वयासी-एवं खलु देवाणुप्पिया अम्हे इमस्स यम्मीयस्स पढमाए यपूए भित्राए ओराले उदगरयणे अस्सादिए दोच्चाए वप्पूए भित्राएओराले सुवण्णरयणे अस्सादिए तं सेयं खलु देवाणुप्पिया अहं इमस्स वम्मीयस्स तचं पि वपुं भिंदित्तए अवियाई एत्थं ओरालं मणिरयणं अस्सादेस्सामो तए णं ते वणिया अण्णमण्णस्स अंतियं एयमढें पडिसुणेति पडिसुणेत्ता तस्स वम्मीयस्स तच्चं पि वपुंभिदंति ते णं तस्य विमलं निम्मलं नित्तलं निक्कलं महत्यं महग्धं अहरिहं ओरालं मणिरयणं अस्सादेति तए णं ते वणिया हद्वतुट्ठा मायणाई मरेंति मरेत्ता पवहणाइं भरेति भरेत्ता चउत्थं पि अण्णमण्णं एवं वयासी-एवं खलु देवाणुप्पिया अम्हे इमस्स वम्मीयस्स पढमाए वपूए भिन्नाए ओराले उदगरयणे अस्सादिए दोच्चाए वपूए भित्राए ओराले सुवण्णरयणे अस्सादिए तच्चाए वप्पूए भित्राए ओराले मणिरयणे अस्सादिए तं सेयं खलु देवाणप्पिया अहं इमस्स वम्मीयस्स चउत्थं पि वपुं भिंदित्तए अवियाई उत्तमं महग्धं महरिहं ओरालं वइररयणं अस्सादेस्सामो तए णं तेसिं वणियाणं एगे वणिए हियकामए सुहकामए पत्थकामए आणुकंपिए
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |