Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
३०९
सतं - १५
दिव्वाई पाउब्याई तं जहा वसुधारा बुट्ठा दसद्धवण्णे कुसुमे निवातिए चेलुक्खेवे कए आहयाओ देवदुंदुभीओ अंतरा वि य णं आगासे अहो दाणे अहो दाणे त्ति घुट्टे तए णं रायगिहे नगरे सिंघाडग जाब पहेसु बहुजणो अण्णमण्णस्स एवमाइक्खइ एवं भासइ एवं पण्णवेइ एवं परूवेइ-धत्रे णं देवापिया विजये गाहावई कयत्थे णं देवाणुप्पिया विजये गाहावई कयपुण्णे णं देवाणुपिया विजये गाहावई कयलक्खणे णं देवाणुपिया विजये गाहावई कया णं लोया देवाणुप्पिया विजयस्स गाहावइस्स सुद्धे णं देवाणुप्पिया माणुस्सए जम्मजीवयफले विजयस्स गाहायइस्स जस्स णं गिहंसि तहारूवं सेधू साधुरूवे पडिलाभिए समाणे इमाई पंच दिव्वाइं पाउल्सूयाई तं जहा- वसुधारा चुट्ठा जाव अहो दाणे अहो दागे त्ति घुट्टे तं धन्ने कयत्थे कयपुष्णे कयलक्खणे कया णं लोया सुलद्धे माणुस्सए जम्मजीवियफले विजयस्स गाहावइस्स विजयस्स गाहावइस्स
तणं से गोसाले मंखलिपुत्ते बहुजणस्स अंतिए एयमहं सोचा निसम्मं समुप्पन्न संसए समुप्पन्नकोउहल्ले जेणेव विजयस्स गाहाचइस्स गिहे तेणेव उवागच्छइ उवागच्छित्ता पासइ विजयस्स गाहावइस्स गिहंसि वसुहारं वुद्धं दसद्धवण्णं कुसुमं निवडियं ममं च णं विजयस्त गाहावइस्स गिहाओ पडिनिक्खममाणं पासइ पासित्ता हट्ठतुट्टे जेणेव ममं अंतिए तेणेव उवागच्छइ उवागच्छित्ता ममं तिक्खुत्तो आवाहिण-पयाहिणं करेइ करेत्ता ममं वंदइ नमसइ वंदित्ता नपुंसित्ता ममं एवं वयासी तुणं भंते ममं धम्मावरिया अहण्णं तुय्मं धम्मंतेवासी तए णं अहं गोयमा गोसालरस मंखलिपुत्तस्स एयमहं नो आढामि नो परिजाणामि तुसिणीए संचिट्ठामि तए णं अहं गोयमा रायगिहाओ नगराओ पडिनिक्खमामि पडिनिक्खिमित्ता नालंदं बाहिरियं मज्झमज्झेणं निगच्छामि निग्गच्छित्ता जेणेव तंतुवायसाला तेणेव उवागच्छामि उवागच्छित्ता दोच्चं मासाखमणं उपसंपजित्ताणं विहरामि तए णं अहं गोयमा दोच्च-मासखमणपारणगंसि तंतुवायसालाओ पडिनिक्खमामि पंडिनिक्खमित्ता नालंदं बाहिरियं मज्झमज्झेणं निगच्छामि निग्गच्छित्ता जेणेव रायगिहे नगरे जाव अडमाणे आणंदस्स गाहावइस्स गिहं अनुष्पविडे तए णं से आनंदे गाहावई ममं एजमाणं पासइ [पासित्ता हट्ठतुट्ठचित्तमाणंदिए नंदिए पीइमणे परमणसोमणस्सिए हरिसवसविसमाहियए खिम्पामेव आसणाओ अब्युट्टेइ अब्भुट्टेत्ता पायपीढाओ पचोरूहइ पचोरुहित्ता पाउयाओ ओमुयइ ओमुइत्ता एगसाडियं उत्तरासंगं करेइ करेत्ता अंजलिमउलियहत्थे ममं सत्तपयाइं अनुगच्छइ अनुगच्छित्ता ममं तिक्खुतो आयाहिण-पयाहिंण करेइ करेत्ता ममं बंदइ नमसइ वंदित्ता नर्मसित्ता ममं विउलाए खञ्जगविहीए पडिला भेस्सामित्ति तुट्टे पडिलामेभाणे वि तुट्टे पडिलाभित्ते वि तुट्ठे
तए णं तस्स आनंदस्स गाहावइस्स तेणं दव्वसुद्धेणं दायगसुद्धेणं पडिगाहगसुद्धेणं तिविहेणं तिकरणसुद्धेणं दाणेणं मए पडिलाभिए समाणे देवाउए निबद्धे संसारे परितीकए गिहंसि य से इमाई पंच दिव्वाई पाउब्याई तं जहा वसुधारा बुट्टा दसद्धवण्णे कुसुमे नियातिए चेलुक्खेदे कए आहायाओ देवदुंदुभीओ अंतरा वि य णं आगासे अहो दाणे अहो दाणे त्ति घुट्टे तए णं रायगिहे नगरे सिंघाडग-तिग- चउक्क- चच्चर - चउम्मुह नहापह-पहेसु बहुजणी अण्णमण्णस्स एवमाइक्खइ एवंभास एवं पण्णवेइ एवं परूवेइ-धन्ने णं देवाणुप्पिया आनंदे गाहावई कयत्थे णं देवाणुप्पिया आनंदे गाहावई कयपुणे णं देवाणुप्पिया आनंदे गाहावई कयलक्खेणं णं देवाणुप्पिया आनंदे गाहावई कया णं लोया देवाणुप्पिया आनंदस्स गाहाबइस्स सुलद्धे णं देवाणुपिया माणुस्सए
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |