Page Text
________________
Shri Mahavir Jain Aradhana Kendra
www.kobatirth.org
३०२
Acharya Shri Kailassagarsuri Gyanmandir
भगवई - १४ /-/ २ / ६२६
तए णं ते परिव्वाया झीमोदगा समाणा तण्हाए पारम्भमाणा - पारम्यमाणा उदगदातारमपस्समाणा अण्णमण्णं सद्दार्वेति सद्दावेत्ता एवं वयासी एवं खलु देवाणुप्पिया अम्हं इमीसे अगामियाए छिण्णावायाए दीहमद्धाए अडवीए कंचि देसंतरमणुपत्ताणं से पुव्वग्गमहिए उदए अणुपुवेणं परिभुंजमाणे झीणे तं सेयं खलु देवाणुप्पिया अम्हं इमीसे अगामियाए छिण्णावायाए दीहमद्धाए अडवीए उदगदातारस्स सव्वओ समंता मग्गण-गवेसणं करित्तए त्ति कट्टु अष्णमण्णस्स अंतिए एयमठ्ठे पडिसुणेति पडिसुणेता तीसे अगामिया छिण्णावायाए दीहमद्धाए अडवीए उदगदातारस्स सव्वओ समंता मग्गण - गवेसणं करेति करेत्ता उदमदातारमलभमाणा दोघं पि अण्णमण्णं सद्दायेति सद्दावेत्ता एवं वयासी- इहण्णं देवाणुप्पिया उदगदातारो नत्थि तं नो खलु कप्पइ अम्हं अदिष्णं गिव्हित्तए अदिण्णं साइज्जित्तए तं मा णं अम्हं तयलोवे भविस्सइ तं सेयं खलु अम्हं देवाणुप्पिया तिदंडए य कुंडियाओ य कंचणियाओ य करोडियाओ य भिसियाओ य छण्णालए यअंकुसए य केसरियाओ य पवित्तए य गणेत्तियाओ य छत्तए य वाहणाओ य धाउरत्ताओ य एते एडित्ता गंगं महानई ओगाहित्ता वालुयासंधारए संथरित्ता संलेहणा-झूसियाणं भत्तपाणपडियाइक्खियाणं पाओवगयाणं कालं अणवकंखमाणाणं विहरितए ति कट्टु अण्णमण्णस्स अंतिए एयम पडिसुर्णेति पडिसुणैत्ता तिदंडए य कुंडियाए य कंचणियाओ य करोडियाओ य भिसियाओ य छण्णालए य अंकुसए य केसरियाओ य पवित्तए य गणेत्तियाओ य छत्तय वाहणाओ य धाउरत्ताओ य एते एडेंति एडेत्ता गंगं महानई ओगाहेति ओगाहेत्ता वालुयासंधरए संघरंति संघरिता बालुयसंधारयं दुरुहंति दुरुहित्ता पुरत्याभिमुहा संपलियंकनिसण्णा करयलपरिग्गहियं सिरसावत्तं मत्थए अंजलिं कट्ट एवं वयासी
नोत्यु णं अरहंताणं जाव सिद्धिगइनामधेयं ठाणं संपत्ताणं नमोत्थुणं समणस्स भगवओ महावीरस्स जाव संपाविउकामस्स नमोत्यु णं अम्मइस्स परिव्वायगस्स अम्हं धम्मायरियस्स घम्मोवदेसगस्स पुवि णं अम्हेहिं अम्मडस्स परिव्वायगस्स अंतिए थूलए पाणाइवाए पञ्चखाए जावजीवाए थूलए परिग्गहे पचक्खाए जावजीबाए सव्वे मेहुणे पञ्चखाए जावज्जीवाए धूलए परिग्गहे पक्खाए जावजीवाए इयाणि अम्हे समणस्स भगवओ महावीरस्स अंतिए सव्वं पाणाइवायं पञ्चक्खामो जावजीवाए सव्वं मुसावायं पञ्चक्खामो जावजीवाए सव्वं परिग्गहं पञ्चक्खामो जावजीवाए सव्वं कोहं माणं मायं लोहं पे दोसं कलहं अब्भक्खाणं पेसुण्णं परपरिवाय अरइरइ मावामोसं मिच्छादंसणसल्लं अकरणिज्जं जोगं पच्चक्खामो जावज्जीबाए सव्वं असणं पाणं खाइमं साइमं चउव्विहं पि आहारं पञ्चक्खामो जावजीवाए
पिय इमं सरीरं इटुं कंतं पियं मणुण्णं मणामं पेजं वेसासियं संमयं बहुमयं अणुमयं मंडकरंडग-समाणं माणं सीयं माणं उन्हं मा णं खुहा मा णं पिवासा मा णं वाला मा णं चोरा मा णं दंसा मामा मा वाइय-पित्तिय-सिंभिय-सन्निवाइय विविहा रोगायंका परीसहोवसग्गा फुसंतु त्ति कट्टु एयंति णं चरिमेहिं ऊसासनीसासेहिं बोसिरामि त्ति कट्टु संलेहणा-झूसिया भत्तपाण -पडियाइक्खिया पाओवगया कालं अणवक्खंखमाणा विहरंति तए णं ते परिव्वाया बहूणं भत्ताई अणसणाए छेदेंति छेदित्ता आलोइय-पडिक्कंता समाहिपत्ता कालमासे कालं किच्चा बंभलोए कप्पे देवत्ताए उववण्णा तर्हि तेसिं गई तहिं तेसिं ठिई तहिं तेसिं उबवाए पत्रत्ते तेसि णं भंते देवाणं केवतियं कालं ठिई पत्ता गोयमा दससागरोवमाई टिई पत्रत्ता अस्थि णं मंते तेसिं देवाणं इड्ढी इ
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |