Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२९४
भगवई - १४ /-/ १ / ५९९
निरवसेसं जाव वैमाणिया नेरइया णं भंते किं अनंतरखेदोववन्नगा परंपरखेदोववन्नगा अनंतरपरंपर-खेदाणुववन्नगा गोयमा नेरइया अनंतरखेदोवयनमा वि परंपरखेदोववन्गा वि अनंतर परंपर-खेदाणुववन्नगा वि एवं एएणं अभिलावेणं ते चेव चत्तारि दंडगा भाणियव्वा सेवं भंते सेवं भंते त्ति जाव विहरइ । ५०११-502
चोदसमे सते पढमो उद्देसो समतो -: बी ओउ द्दे सो :
(६००) कतिविहे णं भंते उम्मादे पत्रत्ते गोचमा दुविहे उम्मादे पत्रत्ते तं जहा जक्खाएसे य मोहणिस्स य कम्मस्स उदएणं तत्थ णं जे से जक्खाएसे से णं सुहवेयणतराए चेव सुहविमोयणतराए चेव तत्य णं जे से मोहणिजस्स कम्मस्स उदराणं से णं दुहवेयणतराए चेब दुहविमोयणतराए चैव नेरइयाणं भंते कतिविहे उम्पादे पत्रत्ते गोयमा दुविहे उम्पादे पन्नत्ते तं जहा
खाए य मोहणिस्स य कम्मस्स उदएणं से केणद्वेणं भंते एवं बुच्चइ-नेरइयाणं दुविहे उम्पादे पन तं जहाजक्खाएसे य मोहणिज्जस्स य कम्मस्स उदएणं गोयमा देवे वा से असुभे पोग्गले पक्खियेज्जा से णं तेसिं असुभाणं पोग्गलाणं पक्खिवणयाए जक्खएसं उम्पादं पाउणेज्जा मोहणिज्जस्स वा कम्मस्स उदएणं मोहणिज्जं उम्मायं पाउणेज्जा से तेणणं जाव उदएणं
असुरकुमाराणं भंते कतिविहे उम्मादे पत्ते [ गोयमा दुविहे उम्पादे पत्रत्ते तं जहा - जक्खाएसे य मोहणिजस्स कम्मस्स य उदएणं से केणट्टेणं भंते एवं बुधइ- असुकुमाराणं दुविहे उम्मादे पनते तं जहा जक्खाएसे य मोहणिजस्स य कम्मस्स उदएणं गोयमा देवे वा से महिड्ढियतराए असुमे पोग्गले पक्खिवेज्जा से णं तेसिं असुभाणं पोग्गलाणं पक्खिवणयाए जखाए उम्पादं पाउणेज्जा मोहणिजस्स वा [ कम्मस्स उदएणं मोहणिज्जं उम्मायं पाणिना । तेणणं जाव उदएणं एवं जाव थणियकुमारारणं पुढविक्काइयाणं जाव मणुस्साण-एएसिं जहा नेरइयाणं वाणमंतर-जोइस- वैमाणियाणं जहा असुरकुमाराणं १५०२॥ -503
(६०१ ) अस्थि णं भंते पचणे कालवासी वुट्ठिकार्य पकरेति हंता अत्थि जाहे णं भंते सक्के देविंदे देवराया वुट्टिकायं काउकामे भवइ से कहमियाणिं पकरेति गोयमा ताहे चेव णं से सक्के देविंदे देवराया अभितरपरिसए देवे सद्दावेइ तए णं ते अभिंतरपरिगा देवा सद्दाविया समाणा मज्झिमपरिसए देवे सद्दायेति तए णं ते मज्झिमपरिसगा देवा सद्दाविया सभाणा बाहिरपरिसए देवे सद्दावेति तए णं ते बाहिरपरिसगा देवा सद्दाविया समाणा बाहिरबाहिरणे देवे सद्दावेति तए णं ते बाहिरबाहिरगा देवा सद्दाविया समाणा आभिओगिए देवे सद्दावेति तए णं ते आभिओगिया देवा सद्दाविया समाणा बुट्ठिकाइए देवे सद्दावेति तए णं ते बुट्ठिकाइया देवा सद्दाविया समाणा वुट्ठिकार्य पकरेति एवं खलुं गोयमा सक्के देविंदे देवराया वुट्ठिकायं पकरेति अत्थि णं भंते असुरकुमारा वि देवा वुट्ठिकार्यं पकति हंता अस्थि किंपत्तियं णं भंते असुरकुमारा देवा वुट्ठिकार्यं पकरेति गोयमा जे इमे अरहंता भगवंतो, एएसि णं जम्भणमहिमासु वा निक्खमणमहिमासु वा नाणुष्पायमहिमासु वा परिनिव्वाणमहिमासु वा एवं खलु गोयमा असुरकुमारा देवा वुट्ठिकार्य पकरेति एवं नागकुमारा वि एवं जाव धणियकुमारा याणमंतर जोइसिय-वेमाणिया एवं चैव । ५०३। - 604
(६०२) जाहे णं भंते ईसाणे देविंदे देवराया तमुक्कायं काउकामे भवति से कहमियाणिं पकरेति गोयमा ताहे चैव णं से ईसाणे देविंदे देवराया अब्मिंतरपरिसए देवे सद्दावेति तए णं ते
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |