Page Text
________________
Shri Mahavir Jain Aradhana Kendra
www.kobatirth.org
२०
Acharya Shri Kailassagarsuri Gyanmandir
भगवई - १/-/५/६२
कोहोवउत्ता य लोमोदउत्ते य अहवा कोहोवउता य लोभोवउत्ता य अहवा कोहोबत्ता य माणोवउत्ता य मायोवउत्ते य कोहोवउत्ता य माणोवउत्ते य मायोवउत्ता य कोहोवउत्ता य माणोयउत्ता य मायोवउत्ते य कोहोवउत्ता य माणोवउत्ता व मायोवउत्ता य कोहोवउत्ता य माणोवउत्ते य लोभोवउत्ते य कोहोबत्ता य माणोवउत्ते य लोभोवउत्ता य कोहोवत्ता माणोवउत्ता य लोभोवउत्ते य कोहोवउत्ता य माणोवउत्ता य लोभोवउत्ता य कोहोबत्ता य मायोवउत्ता य लोभोवउत्ते य कोहोवउत्ता मायोवउत्ते य लोभोवउत्ता य कोहोवउत्ता य मायोवउत्ता य लोभोवउत्ते य कोहोयता य मायोवउत्ता य लोभोवउत्ता य कोहोवउत्ता य माणोवउत्ते य मायोवउत्ते य लोभोवउत्ते य कोहोवउत्ता य माणोवउत्ते य मायोवउत्ते य लोमो वउत्ता य कोहोबउत्ता य पाणोवउत्ते य पायोवउत्ता य लोभोवउत्ते य कोहोवउत्ताय माणोवउत्ते य मायोवउत्ता य लोभोकउत्ता य कोहोवउत्ता य माणोवउत्ता य मायोवउत्ते य लोभोवउत्ता य को - होवउत्ता य माणोवउत्ता य पायोउत्ताय य लोभोवडते व कोहोवउत्ता य मानोवउत्ता य पायो- वउत्ता य लोभोवउत्ता य इमीसे णं भंते रयणप्पभाए पुढवीए तीसाए निरयावासस्यसहस्सेसु एगमेगंसि निरयावासंसि समयाहियाए जहणद्वितीए बट्टमाणा नेरइया किं-कोहो- वउत्ता माणोवउत्ता मायोवउत्ता लोभोवउत्ता गोयमा कोहोवउत्ते यमाणोवउत्ते य मायोवउत्ते य लोभोवउत्ते य कोहोवउत्ता य माणोवउत्ता य मा- योवउत्ता य लोभोवउत्ता य अहवा कोहोवउत्ते य माणोवउत्ते य अहवा कोहोवउत्ते य पाणोवउत्ता य एवे असीतिभंगा नेयव्या एवं जाव संखेज्जसमणाहियाए ठितीए असंखेज्जसमयाहियाए ठितीए तप्पाउग्गुक्कोसियाए ठितीए सत्तावीसं भंगा भाणियव्वा । ४५ । -45
(६३) इमिसे णं भंते रयणप्पभाए पुढवीए तीसाए निरयावासस्यसहस्सेसु एगमेगंसि निरयावासंसि नेरइयाणं केवइया ओगाहणाठाणा पत्रत्ता गोयमा असंखेज्जा ओगाहणाठाणा पत्ता तं जहा जहण्णिया ओगाहणा पदेसाहिया जहष्णिया ओगाहणा दुपदेसाहिया जहण्णिया ओगाहणा जाव असंखेजपएसाहिया जहण्णिया ओगाहणा तप्पाउग्गुक्कोसिया ओगाहणा इमीसे णं भंते रयणप्पभाए पुढवीए तीसाए निरयावाससयसहस्सेसु एगमेगंसि निरयावासंसि जहण्णियाए ओगाहणाए बट्टमाणा नेरइया किं कोहोबत्ता असीइभंगा भाणियव्वा जाव संखेापदेसाहिया जहण्णिया ओगाहणा असंखेज्जपदेसाहिए जहण्णियाए ओगाहणाए वट्टमाणाणं तप्पाउग्गुक्कोसियाए ओगाहणाए वट्टमाणाणं सत्तावीसं भंगा इमीसे णं भंते रयणप्पभाए पुढवीए [तीसाए निरयावाससयसहस्सेसु ] एगमेगंसि निरयावासंसि नेरइयाणं कइ सरीरया पत्रत्ता गोयमा तिष्णि सरीरया पत्रत्ता तं जहा चेउव्विए तेयए कम्मे इमीसे णं भंते रयणप्पभाए जाव वेउव्वियसरीरे वट्टमाणा नेरइया कि कोहो वउत्ता सत्तावीसं भंगा एएणं गमेणं तिण्णि सरीरया भाणियव्वा इमीसे णं भंते रयणप्पभाए जाव नेरइयाणं सरीरया किसंघयणा पत्ता गोयमा छण्हं संघयणाणं असंघयणी नेवट्ठी नेव छिरा नेव न्हारूणि जे पोग्गला अणिट्ठा अकंता अथिया असहा अमणुण्णा अमणामा एतेसिं सरीरसंघयत्ताए परिणमंति इमीसे णं भंते रयणप्पभाए जाव छण्हं संधयणाणं असंघयणे वट्टमाणा नेरइया किं कोहोबत्ता सत्तावीसं भंगा इमीसे णं भंते रयणप्पभाए जाव नेरइयाणं सरीरया किंसंठिया पत्रत्ता गोयमा दुविहा पत्रत्ता तं जहा- मवधारणिजा य उत्तर देउच्विया य तत्य णं जे ते भवधारणिज्जा ते हुंडसंठिया पत्रत्ता तत्थ जे ते उत्तरवेउब्विया ते वि हुंडसंठिया पन्नत्ता इमीसे णं भंते रयणप्पभाए जाव हुंडठाणे
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |