Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२६२
पगवई - १२/१४/५३८ गो जाव असखेज्जगसंजोगो एते सव्वे जहेब असंखेडाणं मणिया तहेव अनंताणं वि माणियब्वं नवरं-एक्कं अनंतगं अपहियं माणियव्वं जाव अहवा एगयओ संखेना संखेजपएसिया खंघा एगयओ अनंतपएसिए खंधे पवई अहवा एगयओ संखेज्जा असंखेजपएसिया खंधा एगयओ अनंतपएसिए खंधे भवइ अहवा संखेज्जा अनंतपएसिया खंधा भवंति असंखेजगहा कत्रमाणे एगयओ असंखेज्जा परमाणुपोग्गला एगयओ अनंतपएसिए खंधे भवइ अहवा एगयओ असंखेना दुपएसिया खंधा एगयओ अनंतपएसिए खंधे भवइ जाय अहया एगयओ असंखेजा संखेजपएसिया खंधा एगयओ अनंतपएसिए संधे भवइ अहवा एगयओ असंखेजा असंखेनपएसिया खंधा एगयओ अनंतपएसिए खंधे भवइ अहवा असंखेज्जा अनंतपएसिया खंधा भवंति अनंतहा कजमाणे अनंता परमाणुपोग्गला भवंति।४४४1-445
(५३९) एएसि णं भंते परमाणुपोग्गलाणं साहणणा-भेदाणुवाएणं अनंताणंता पोग्गलपरियट्टा समणुगंतव्वा भवंतीति मक्खाया हंता गोयमा एएसि णं परमाणुपोग्गलाणं साहण्णा भेदाणुवाएणं अनंताणता पोग्गलपरियट्टा समणुगंतव्या भवंतीति मक्खावा कइविहे णं भंते पोग्गलपरियष्टे पन्नत्ते गोयमा सत्तविहे पोग्गलपरियट्टे पत्रत्तं तं जहा-ओरालियपोग्गलपरियट्टे देउब्बियपोगल्लपरियट्टे तेयापोग्गलपरियट्टे कम्मापोग्गलपरियट्टे मणपोग्गलपरियट्टे वइपोग्गलपरियट्टे आणापाणुपोग्गलपरियट्टे नेरइयाणं मंते कतिविहे पोग्गलपरियट्टे पन्नत्ते गोयमा सत्तविहे पोग्गलपरियट्टे पन्नत्ते तं जहा-ओरालियपोग्गलपरियट्टे वेउब्बियपोग्गलपरियडे जाव आणापाणु पोग्गलपरियट्टे एवं जाव वेमाणियाणं एगमेगस्स णं भंते नेरइयस्स केवइया ओरालिय-पोग्गलपरियट्टा अतीता अनंता केवइया पुरेक्खड़ा कमस्सइ अस्थि कस्सइ नत्थी जस्सस्थि जहण्णेणं एक्को वा दो या तिणि वा उक्कोसेणं संखेज्जा वा असंखेजा वा अनंता या एगमेगस्स णं भंते असुरकुमारस्स केवइया ओरालियपोग्गलपरियट्टा [अतीता अनंता केवइया पुरेखड़ा कस्सइ अस्थि कस्सइ नस्थि जस्सत्यि जहण्णणं एकको वा दो वा तिणि वा उकोसेणं संखेज्जा वा असंखेजा वा अनंताया एवंजाव वेमाणियस्स
एगमेगस्स णं भंते नेरइयस्स केवइया वेउब्बियपोग्गलपरियट्टा अतीता, अनंता एवं जहेव ओरालियपोग्गलपरिवटा तहेव वेउब्बियपोग्गलपरियट्टावि भाणियव्वा एवं जाव वेमाणियस्स एवं जाव आणापाणुपोग्गलपरियट्टा एते एगत्तिया सत्त दंडगा भवंति नेरइयाणं केवइया ओरालियपोग्गलपरियट्टा अतीता अनंता केवइया पुरेक्खडा अनंता एवं जाव वेमाइणियाणं एवं वेउब्बियापोग्गलपरियट्टावि एवं जाव आणापाणुपोग्गलपरियडा वेमाणियाणं एवं एए पोहतिया सत्त चउच्चीसति दंडगा एगमेगस्स णं भंते नेरइयस्स नेरइयत्ते केवतिया ओरालियपोग्गलपरियट्टा अतीता नस्थि एक्को वि केवतिया पुरेक्खड़ा नत्थि एकको वि एगमेगस्स णं भंते नेरइयस्स असुरकुमारत्ते केवतिया ओरालियपोग्गलपरियट्टा अतीता एवं चेव एवं जाव यणिवकुमारत्ते एगमेगस्स णं भंते नेरइयस्स पुदविक्काइयत्ते केवतिया ओरालियपोग्गलपरियट्टा अतीता अनंता केवतिया पुरेक्खडा कस्सइ अस्थि कस्सई नत्यि जस्सत्यि जहण्णेणं एकको वा दो वा तिणि वा उकोसेणं संखेज्जा वा असंखेज्जा वा अनंता वा एवं जाव मणुस्सत्ते वाणमंतर-जोइसियवेमाणियत्ते जहा असुकुमारते एगमेगस्स णं भंते असुरकुमारस्स नेरइयत्ते केवतिया ओरालियपोग्गलपरियट्टा एवं जहा नेरइयस्स वत्तचया मणिया तहा असुरकुमारस्स वि भाणियब्वा जाव
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |