Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२५०
भगवई - १२/- /१/५२९
भावे माणा विहरंति तस्स णं संखस्स समणोवासगस्स उप्पला नाम भारिया होत्या- सुकुमालपाणिपाया जाव सुरूवा समष्णोवासिया अभिगयजीवाजीवा जाव अहापरिग्गहिएहिं तवोकम्पेहिं अप्पाणं मावेमाणी विहरइ तत्य णं सावत्धीए नगरीए पोक्खली नामं समणो वासए परिवसईअड्ढे अभिगयजीवाजीवे जाव अहापरिग्गहिएहिं तवोकम्मेहिं अप्पाणं भावेमाणे विहरइ तेणं कालेणं तेणं समएणं सामी समोसढे परिसा जाव पजुवासइ तए णं ते समणोवालगा इमीसे कहाए लट्ठा समाणा जहा आलभियाए जाव पजुवासंति तए णं समणे भगवं महावीरे तेसिं समणोवासगाणं तीसे य महतिमहालियाए परिसाए धम्मं परिकहेइ जाद परिसा पडिगया तए णं ते समगोवासगा समणस्स भगवओ महावीरस्स अंतियं धम्मं सोचा निसम्मं हट्ठतुट्टा समणं भगवं महावीरं वंदंति नमंसंति वंदित्ता नमंसित्ता पसिणाई पुच्छंति पुच्छित्ता अट्ठाई परियादियंति परियादियित्ता उट्ठाए उट्ठेति उट्ठेत्ता समणस्स भगवओ महावीरस्स अंतियाओ कोट्टयाओ चेइयाओ पडिनिक्खमंति पडिनिक्खमित्ता जेणेव सावत्थी नगरी तेणेव पहारेत्य गमणाए । ४३६। -437
(५३१) तए णं से संखे समणोवासए ते समणोवासए एवं बयासी तुपे णं देवाणुप्पिया विपुल असणं पाणं खाइमं साइमं उवक्खडावेह तए णं अम्हे तं विपुलं असणं पाणं खाइमं साइमं असा माणा विस्साएमाणा परिभाएमाणा परिभुंजेमाणा पक्खियं पोसहं पडिजागरमाणा बिहारसामो तए णं ते समणोवासगा संखस्स समणोवासगस्स एयमहं विणएणं पडिसुणेति ते णं तस्स संखस्स समणोवासगस्स अयमेयारूवे अज्झथिए [चिंतिए पत्थिए मणोगए संकप्पे समुप्पज्जित्थानो खलु मे सेयं तं विपुलं असणं पाणं खाइमं साइमं अस्साएमाणस्स बिस्साएमाणस्स परिमाएमाणस्स परिभुंजेमाणस्स पक्खियं पोसहं पडिजागरमाणस्स विहरित्तए सेयं खलु मे पोसहसालाए पोसहियस्स बंभचारिस्स ओमुक्कमणि-सुवण्णस्स वबगयमाला वण्णग- विलेवणस्स निक्खित्तसत्य - मुसलस्स एगस्स अबिइयस्स दब्मसंधारोवगयस्स पक्खियं पोसहं पडिजागरमाणस्स विहरितए ति कट्टु एवं संपेहेई संपेहेत्ता जेणेव सायत्थी नगरी जेणेव सए गिहे जेणेव उप्पाला समणोवासिया तेणेव उवागच्छइ उवागच्छिता उप्पलं समगोवासियं आपुच्छर आपुच्छित्ता जेणेव पोसहसाला तेणेव उवागच्छइ उवागच्छित्ता पोसहसालं अणुपविस्सइ अणुपविस्सित्ता पोसहसालं पमज्जइ पमजित्ता उच्चारपासवणभूमि पडिलेहेइ पडिलेहेत्ता दम्भसंधारगं संथरइ संधरित्ता दब्भसंथारगं दुरूह दुरिहिता पोसहसालाए पोसहिए बंभचारी जाव पक्खियं पोसहं पडिजागरमाणे विहरइ तए णं ते समणोवासगा जेणेव सावत्थी नगरी जेणेव साई-साइं गिहाई तेणेव उवागच्छंति उवागच्छित्ता विपुलं असणं पाणं खाइमं साइमं उवक्खडावेति उवक्खडावेत्ता अण्णमण्णं सद्दावेति सद्दावेत्ता एवं वयासी एवं खलु देवाणुप्पिया अम्हेहिं से विउले असण- पाण- खाइम - साइमे उवक्खाविए संखे य णं समणोवासए नो हव्वमागच्छ तं सेयं खलु देवाणुप्पिया अम्हं संखं समणोवासगं सद्दावेत्तए
तणं से पोक्खली समणोवासए ते समणोवासए एवं वयासी -अच्छह णं तुब्ने देवाणुप्पिया सुनिव्य-वीसत्था अहष्णं संखं समणोवासगं सद्दावेमि त्ति कट्टु तेसिं समणोवास गाणं अंतियाओ पडिनिक्खमइ पडिनिक्खमित्ता सावत्थीए नगरीए मज्झंमज्झेणं जेणेव संखस्स समणोवासगस्स गिहे तेणेव उवागच्छइ उवागच्छिता संखस्स समणोवासगस्स गिहं अणुपविट्टे तए णं सा उप्पला समणोवासिया पोक्खलिं सष्णोवासयं एमाणं पासइ पासित्ता हट्ठतुड्डा आसणओ
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |