Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
स-११, गोसो-११ जणवूह वा जाव जणसत्रियायं वा सुणमाणस्स वा पासमाणस्स वा एवं जहा जमाली तहेव चिंता तहेव कंचुइग्न-पुरिसं सदावेति [सद्दावेता एवं वयासी-
किणं देवाणुप्पिया अज्ज हथिणापुरे नयरे इंदमहे इ वा जाव निगच्छति तए णं से कंचुइ-पुरिसे महब्बलेणं कुमारेणं एवं वुत्ते समाणे हडतुडे धम्मघोसस्स अणगारस्स आगमणगहियविणिच्छए करयलपरिग्गहियं दसनहं सिरसावत्तं मत्यए अंजलिं कटु महब्बलं कुमारं जएणं विजएणं वद्धावेइ वद्धावेत्ता एवं वयासी-नो खलु देवाणुप्पिया अज्ज हस्थिणापुरे नगरे इंदमहे इ वा जाव निग्गच्छंति एवं खलु देवाणुप्पिया अन्ज विमलस्स अरहओ पओप्पए धम्मघोसे नामं अणगारे हत्यिणापुरस्स नगरस्स बहिया सहसंबवणे उज्जाणे अहापडिरूवं
ओग्गहं ओगिण्हिता संजमेणं तवसा अप्पाणं भावमाणे विहरइतएणं एते बहवे उग्गा भोगा जाव निग्गच्छंति तएणं से महब्बले कुमारे] तहेव रहवरेणं निग्गच्छति धम्मकहा जहा केसिसामिस्स सो वि तहेव अम्मापियरं आपुल्छइ नवरं-धमघोसस्स अणगारस्स अंतियं मुंडे भवित्ता अगाराओ अणगारियं पव्वइतए तहेवं वुत्तपिवुत्तिया नवरं-इमाओ य ते जाया विउलरायकुलबालियाओ कलाकुसलसव्वकाललालिय-सुहोचियाओ सेसं तं चेव जाव ताहे अकामाई वेव महब्बलकुमारं एवं वयासी-तं इच्छामो ते जाया एगदिवसमवि रज्जसिरिं पासित्तए
तए णं से मबब्बले कुमारे अम्मापिउ-वयणमणुयत्तमाणे तुसिीए संचिट्ठइ तए णं से बले रायर कोडुंबियपुरिसे सद्दावेइ एवं जहा सिवभद्दस्स तहेव सयाभिसेओ भाणियब्बो जाव अभिसिंचति करयलपरिग्गहियं दसनहं सिरसावतं मत्थए अंजलि कट्ठ महब्बलं कुमारं जएणं विजएणं वद्धावेति वद्धावेत्ता एवं वयासी-भण जाया किं देमो किं पयच्छामो सेसं जहा जमालिस्स तहेव जाव-तए णं से महब्बले अणगारे धम्मघोसस्स अणगारस्स अंतियं सामाइयमाइयाई चोइस पुयाई अहिज्जइ अहिन्जित्ता बहूहिं चउत्य-छिट्टट्ठम-दसम-दुवालसेहिं मासद्ध-मासखमणेहिं] विचितेहिं तवोकम्मेहिं अप्पाणं भावमाणे बहुपडिपुण्णाई दुवालस वासाई सामण्णपरियागं पाउणइ पाउणिता मासियाए संलेहणाए अत्ताणं झूसित्ता सहि भत्ताई अणसणाए छेदेत्ता आलोइयपडिक्कंते समाहिपते कालमासे कालं किया उड्ढं चंदिम सूरिय-[गहगण-नक्खत्त-तारारूवाणं बहूई जोयणाई बहूई जोयणसाइं बाई जोयणसहस्साई बहूई जोयणसयसहस्साइं बहूओ जोयणकोडीओ बहूओ जोयणकोडाकोडीओ उद्धं दूरं उप्पइत्ता सोहम्मीसाण-सणंकुमार-माहिंदे कप्पे वीइंवइता) बंगलोए कप्पे देवत्ताए उववन्ने तत्य णं अत्यंगतियाणं देवाणं दस सागरोवमाई ठिती पत्रत्ता तत्य णं महबलस्स वि देवस्स दस सागरोवमाइंठिती पन्नत्ता से णं तुमं सदसणा वंभलोगे कप्पे दस सागरोवमाई दिब्वाइं भोगभोगाई भुंजमाणे विहरिता तओ देवलोगाओ आउक्खएणं भवक्खएणं ठिइक्खएणं अनंतरं चयं चइत्ता इहेव वाणियग्गामे नगरे सेहिकुलसि पुत्तत्ताए पञ्चायाए।४३01-491
(५२४) तए णं तुमे सुदंसणा उम्मुक्कबालभावेणं विण्णय-परिणयमेत्तेणं जोवणगमाणुप्पत्तेणं तहारूवाणं थेराणं अंतियं केवलियन्नत्ते घम्मे निसंते सेवि य धम्मे इच्छिए पडिछिए अभिरूइए तं सुहणं तुमं सुदंसणा इदाणिं पिकरेसि से तेणडेणं सुदंसणा एवं बुच्चइ-अत्यि णं एतेर्सि पलिओवमसागरोक्माणं खएति या अवचएति या तए णं तस्स सुदंसणस्स सेट्ठिस्स सपणस्स भगवओ महावीरस्स अंतियं एयमढे सोचा निसम्म सुभेणं अज्झवसाणेणं सुषेणा परिणामेणं लेसार्हि विसुज्झमाणीहिं तयावरणिज्जाणं कम्माणं खओवसमेणं ईहापूह-मागण-गवेसणं
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |