Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सतं ११, उसो १०
२३९
अविलंबियाए रायहंससरिसीए गईए जेणेव बलस्स रण्णो सयणिजे तेणेव उवागच्छइ उवागच्छित्ता बलं रायं ताहिं इट्ठाहिं कंताहिं पियाहिं मणुष्णाहिं मणामाहिं ओरालाहिं कल्लाणाहिं सिवाहिं थनाहिं मंगल्लाहिं सस्सिरीयाहिं मिय-महुर- मंजुलाहिं गिराहिं संलवमाणी-संलवमाणी पडिबोहेइ पडिबोहेत्ता बलेणं रण्णा अमगुण्णाया समाणी नाणामणिरयणभत्तिचितंसि महासांसि निसीयति निसीयिता आसत्था बीसत्था सुहासणवरगया बलं रायं ताहिं इट्ठाहिं कंताहिं जाव मिय-महुरमंजुलाहिं गिराहिं संलयमाणी संलवमाणी एवं क्यासी एवं खलु अहं देवाणुपिया अत्र तंसि तारिसगंसि सयणिज्जुंसि सालिंगणयट्टिए तं चैव जाव नियगवयणमइवयंतं सीहं सुविणे पासित्ताणं पडिबुद्धा तणं देवाणुप्पिया एयस्स ओरालस्स जाव महासुविणस्स के मन्ने कलाणे फलवित्तिविसेसे भविस्सइ
तणं से बले राया प्रभावईए देवीए अंतियं एयमहं सोच्चा निसम्मं हट्ट [चित्तमाणंदिए नंदिए पीइमाणे परमसोमणस्सिए हरिसवसविसप्पमाण हियए धाराहयनीवसुरभिकुसुमचंचुमालइयतणुए ऊसवियरोमकूवे तं सुविणं ओगिण्हइ ओगिण्हित्ता ईहं पविसइ पविसित्ता अपणो साभाविएणं मइपुव्वएणं बुद्धिविण्णाणेणं तस्स सुविणस्स अत्येग्गहणं करेइ करेत्ता प्रभावई देवि ताहिं इट्ठाहिं कंताहिं जाव मंगल्लाहिं मिय-महुर- सस्सिरीयाहिं वग्गूहिं संलवमाणे संलवमाणे एवं वयासी-ओराले णं तुमे देवी सुविणे दिट्ठे कल्लाणे णं तुमे देवी सुविणे दिले जाव सस्सिरीए गं तुमे देवी सुविणे दिट्टे आरोग्ग-तुट्ठिदीहाउ-कल्लाणं- मंगल्लाकारए णं तुमे देवी सुविणे दिट्टे अत्थलाभो देवागुप्पिए भोगलाभोदेवाणुपप्पिए पुत्तलाभोदेवाणुप्पिए रज्जलाभोदेवाणुप्पिए एवं खलु तुमं देवागुप्पिए नवहं मासाणं बहुपडिपुण्णाणं अद्धमाण य राइंदियाणं वीइकूकंताणं अम्हं कुलके कुलदीवं कुलपव्वयं कुलवडेंसयं कुलतिलगं कुलकित्तिकरं कुलनंदिकरं कुलजसकर कुलाधारं कुलपायदं कुलविवद्धकरं सुकुमालपाणिपायं अहीणपडिपुण्णपंचिंदियसरीरं [लक्खणवंजण-गुणोववेय माणुम्माण प्यमाण- पडिपुण्ण-सुजाय सव्वंगसुंदरंगं] ससिसोमाकारं कंतं पियदंसणं सुरूवं देवकुमारसमप्पभं दारगं पयाहिति से वि य णं दारए उम्मुक्कबालभावे विष्णयपरिणयमेत्ते जोव्वणगमणुप्पत्ते सूरे वीरे विक्कंते वित्थिष्ण- विउलबल-वाहणे रज्जवई राया भविस्सइ तं ओराले णं तुमे देवी सुविणे दिट्ठे जाव आरोग्ग-तुट्ठि [ दीहाउ-कल्लाण] - मंगलकारए तुमे देवी सुविणे दिड्ढे त्ति कट्टु पभावत्ति देवि ताहिं इट्ठाहिं जाव वग्गूहिं दोघं पि तचं पि अणुबूहति
तणं सा पभावती देवी बलस्स रण्णो अंतियं एवमहं सोचा निसम्म हट्ठट्ठा करयल [परिग्गहियं दसनहं सिरसावत्तं मत्यए अंजलिं को एवं वयासी एवमेय देवाणुप्पिया तहमेयं देवाणुप्पिया अवितहमे देवाणुप्पिया असंदिद्धमेयं देवाणुप्पिया इच्छिमेयं देवाणुपिया पडिच्छियमेयं देवाणुप्पिया इच्छिय-पडिच्छ्रयमेयं देवाणुप्पिया से जहेयं तुब्मे वदह त्ति कट्टु तं सुविणं सम्पं पडिच्छइ पडिच्छित्ता बलेणं रण्णा अब्मणुण्णाया समाणी नाणामणिरयणभत्तिचित्ताओ भद्दा - सणाओ अब्इ अब्युट्टेत्ता अतुरियमचवल [मसंभंताए अविलंबियाए रायहंससरिसीए] गईए जेव सए सणिजे तेणेव उवागच्छइ उवागच्छिता सयणिज्जुंसि निसीयति निसीयिता एवं क्यासीमा मे से उत्तमे पहाणे मंगले सुविणे अण्णेहिं पावसुमिणेहिं पडिहम्मिस्सइ त्ति कट्टु देवगुरुजणसंबद्धाहिं पसत्याहिं मंगल्लाहिं धम्नियाहिं कहाहिं सुविणजागरियं पडिजागरमाणी- पडिजागरमाणी विहरइ तए णं से बले राया कोडुंबियपुरिसे सद्दावेइ सद्दावेत्ता एवं बयासी खिप्पाभेव भो
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |