Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पढयं सतं - उदेसो-३
(४३) से नूणं भंते अप्पणा चेव उदीरेति अप्पणा चेव गरहति अप्पणा चेव संवरेति हंता गोयमा अप्पणा चेव (उदीरेति अप्पणा चैव गरहति अप्पणा चेव संवरेति] जं णं भंते
अप्पणा चेव उदीरेति अप्पणा चेव गरहति अप्पणा चेव संयरेति तं किं- उदिणं उदीरेति अनुदिणं उदीरेति अनुदिण्णं उदीरणामवियं कम्यं उदीरेति उदयणंतरपच्छा- कडं कम्मं उदीरेति गोयमा नो उदिण्णं उदीरेति नो अनुदिण्णं उदीरेति अनुदिणं उदीरणा- भवियं कम्मं उदीरेति नो उदयाणंतरपच्छाकडं कम्मं उदीरेति जंणं भंते अनुदिण्णं उदीरणा- भवियं कम्मं उदीरेति तं कि उदाणेणं कम्मेणं बलेणं वीरिएणं परिसकूकार-परक्कमेणं अनुदिण्णं उदीरणावियं कम्मं उदीरेति उदाहु तं अनुट्ठाणेणं अकम्मेणं अवलेणं अवीरिएणं अपुरिसक्कार परक्कमेणं अनुदिण्णां उदीरणाभवियं कम्मं उदीरेति गोयमा तं उट्ठाणेणं वि कम्मेण वि बलेणं वि वीरिएण वि पुरिसक्कार परक्कमेण वि अणुदिपणं उदीरणा-भवियं कम्मं उदीरेति नो तं अनुहाणेणं अकम्मेणं अबलेणं अवीरिएणं अपुरिसक्कारपरक्कमेणं अनुदिण्णं उदीरणा भवियं कम्म उदीरेति एवं सति अस्थि उट्ठाणेइ वा कम्मेइ वा बलेइ वा वीरिएइ वा पुरिस- कारपरक्कमेइ वा से नूणं मंते अप्पणा चेव उवसामेइ अप्पणा चेव गरहइ अप्पणा चैव संदरेइ हंता गोयमा अप्पणा चेव उवसामेइ अप्पणा चैव गरहइ अप्पणा चेव संवरेइ जंणं भंते अप्पणा चेव उवसामेइ अप्पणा वेद गरहति अप्पणा चेव संवोति तं किं उदिण्णं उवसामेइ अणुदिण्णं उवसामेइ अनुदिण्णं उदीरणाभवियं कम उवसामेइं उदयणंतरपच्छकडं कम्मं उवसामेइ गोयमा नो उदिण्णं उवसामेइ अनुदिग्णं उवसामेइ नो अनुदिणं उदीरणाभवियं कम्मं उवसामेइ नो उदयाणंतरपाकाकडं कम्यं उवसामेइ
जंणं ते अनुदिण्णं उवसामेइ तं किं उहाणेणं कम्पेणं बलेणं वीरिएणं पुरिसक्कारपरक्मेणं अनुदिण्णं उवसामेइ उदाहुं तं अनुट्ठाणेणं अक्कमेणं अबलेणं अवीरिएणं अपुरिसक्कार- परक्कमेणं अनुदिण्णं उवसामेइ गोयमा तं उट्ठाणण वि कम्मेण वि बलण वि वीरिएण वि पुरिसक्कारपरक्कमेण वि अनुदिणं उवसामेइ नो तं अनुहाणेणं अक्कमेणं अबलेणं अवीरिएणं अपुरिसक्कारपरक्कमेणं अनुदिण्ण उवसामेइ एवं सति अत्यि उडाणेण था कमेइ वा बलेइ वा वीरिएइ वा पुरिसक्कारपरक्कमेइ वा से नूणं भंते अप्पणा चेव वेदेति अप्पणा चेव गरहति हंता गोयमा अप्पणा चेव वेदेति अप्पणा चेव गरहति जंणं भंते अप्पणा चैव वेदेति अप्पणा चेव गरहति तं किं- उदिण्णं वेदेति अनुदिण्णं येदेति अनुदिण्णं उदीरणापयियं कम्मं वेदेति उदयाणंतरपच्छाकडं कम्मं वेदेति गोयमा उदिण्णं वेदेति नो अनुदिण्णं वेदेति नो अनुदिण्णं उदीरणाभवियं कम्मं येदेति नो उदयाणंतरपच्छाकडं कम्म वेदेति जंणं भंते उदिण्णं वेदेति तं कि उट्ठाणेणं कम्मेणं बलेणं पीरिएणं पुरिसक्कार-परक्कमेणं उदिण्णं वेदेति उदाहु तं अनुट्टाणेणं अकम्मेणं अबलेणं अवीरिएणं अपरिसक्कारपरक्कमेणं उदिण्णं वेदेति गोपमा तं उट्ठाणेण वि कम्मेण वि बलेण वि वीरिएण वि पुरिसक्कार-परक्कमेणं वि उदिण्णं वेदेति नो तं अनुहाणेणं अकम्मेणं अबलेणं अवीरिएणं अपुरिसक्कारपरक्कमेणं उदिण्णं वेदेति एवं सति अत्यि उड्डाणेइ वा कम्मेइ वा वीरिएइ या पुरिसक्कार-परक्कमेइ वा से नूर्ण भंते अप्पणा चेव निझरेति अप्पणा चेव गरहति हंता गोयमा अपणा चेव निजरेति अप्पणा घेव परहति ज णं भंते अप्पणा चैव निझरेति अप्पणा चेव गरहति तं कि- उदिण्णं निजरेति
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |