Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
रू-११, उदेसो-९
२२९ क्कवालिणं तवो कम्पेणं उड्डे बहाओ पगिझिय पगिज्झय सूराभिमुहस्स आयायणभूमीए आयावेमाणस्सं] विहरित्तए ति कट्ठ एवं संपेहेइ संपेहेत्ता कल्लं पाउप्पभायाए रयणीए जाव उठ्ठियन्मि सूरे सहस्सरस्सिम्मि दिणयरे तेयसा जलंते सुबहं लोही लोह कडाह-कडच्छुयं तंबियं तावसमंडग] घडावेत्ता कोडुबियपुरिसे सद्दावेइ सद्दावेत्ता एवं वयासी खिप्पामेव भो देवाणुप्पिया हत्थिणापुरं नगर समितरबाहिरियं आसिय-सम्मलिओवलितं जाव सुगंधवरगंधगंधियं गंधवट्टिभूयं करेह व कारवेह य करेत्ता य कारवेत्ता य एयपाणत्तियं पञ्चप्पिणह ते वि तमाणत्तियं पञ्चप्पिणंति
तए णं से सिवे राया दोन पि कोइंबियपुरिसे सहावेइंसहावेत्ता एवं बयासी-खिप्पामेव भो देवाणुप्पिया सियमद्दस्स कुमारस्स महत्थं महग्धं महरिह विउलं रायाभिसेयं उवट्ठवेह तए णं ते कोडुबियपुरिसा तहेव उवट्ठति तए णं से सिवे राया अणेगगणनायग-दंडनायग-जाव संधिपालसद्धिं संपरिबुडे सिवम कुमारं सीहासणवरंसि पुरत्याभिमुहं निसियावेइ निसियावेत्ता अट्ठसएणं सोवणियाणं कलसाणं जाव अट्ठसएणं भोमेशाणं कलसाणं सब्बिड्डीए जाव दुंदुहि-निग्धोसणाइयरवेणं महया-महया रायाभिसेगेणं अभिसिंचइ अभिर्सिचित्ता पम्हलसुकुमालाए सुरभीए गंधकासाईए गायाई लूहेति लूहेता सरसेणं गोसीसचंदणेणं गायाई अलिपति एवं जहेव जमालिस्स अलंकारो तहेव जाव कप्परूक्खगं पिव अलंकिय-विभूसियं करेइ करेत्ता करयल परिग्गहियं दसनहं सिरसावत्तं मत्यए अंजलि कह सिवभई कुमारं जएणं विजएणं यद्धायेइ बद्धावेत्ता ताहिं इटाहिं कंताहिं पियाहिं जाय परमाउं पालयाहिं इठ्ठजणसंपरिबुडे हथिणापुरस्स नगरस्स अपणेसि च बहूणं गामागर-नगर- खेडकब्बड-दोणमुहमंडब-पट्टण-आसम-निगम-संवाहसण्णिवेसाणं आहेवच्चं पोरेवच्चं सामित्तं भट्टित्तं महत्तरगत्तं आणा-ईसर-सेणावचं कारेमाणे पालेमाणे महयाहय-नट्ट-गीय-वाइय-तंती-तलताल-तुडिय-घण-मुइंग-पडुप्पवाइयरवेणं विउलाइंभोगभोगाई भुंजमाणे] विहराहि ति कटु जयजयस पउंजति तए णं से सिवभद्दे कुमारे राया जाते महया हिमवंत-महंत-पलय-मंदर-महिंदसारे चण्णओजावरजंपसासेमाणे बिहरह
तए णं से सिवे राया अग्णया कयाइ सोभणसि तिहि करण-दिवस-महत्त-नक्खतंसि विपुलं असण-पाण-खाइम-साइमं उवक्खडावेति उवक्खडावेत्ता मित्तनाइ-नियम-[सयण-संबंधि]परिजणं रायाणो य खत्तिए य आमंतेति आमंतेत्ता तओ पच्छा न्हाए [कयबलिकम्मे कयकोउयमंगल-पायच्छिते सुद्धप्पावेसाई मंगल्लाई क्त्याइं पवर परिहिए अप्पमहग्धामरणालंकिय] सरीरे भोयणवेलाए भोयणमंडवंसि सुहासणवरगए तेणं मित्त-नाइ-नियग-सयण-संबंधि-परिजणेणं राएहि य खत्तिएहि सद्धिं विपुलं असण-पाण-खाइम-साइम [आसादेपाणे वीसादेमाणे परिभाएमाणे परिमुंजेमाणे विहाइ जिमियभुत्तरागए वि यणं समाणं आयंते चोक्खे परमसुइब्मूए तं मित्तनाइ-नियग-सयण-संबंधि-परिजयं विउलेणं असण-पाण-खाइम-साइमेणं वत्थ-गंध-मल्लालंकारेण य सक्कारेइ सम्माणेइ सक्कारेत्ता सम्माणेत्ता तं मित्त-नाइ-नियग-सयण-संबंधि-परिजणं रायाणो य खत्तिए स सिवमदं च रायाणं आपुच्छइ आपुच्छित्ता सुबहुं लोही-लोहकडाह-कडच्छुवं तंबियं तावस भंडगं गहाय जे इमे गंगाकूलगा वाणपत्था तावसा भवंति तं चेव जाव तेसिं अंतियं मुंडे भवित्ता दिसापोक्खियतावसत्ताए पव्वइए पव्वइए वि य णं समाणे अयपेयारूवं अभिग्गहं अपिगिण्हति-कप्पइ मे जावजीवाए छटुं तं चेव जाव अभिग्गहं अभिगिण्हित्ता पढम छट्ठक्खमणं
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |