Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२२६
भगवई - ११/-/ १/४९८
मिच्छादिट्ठी वा मिच्छदिट्टिणी वा ते णं भंते जीवा किं नाणी अण्णाणी गोयमा नो नाणी अण्णाणी वा अण्णाणिणो वा ते णं भंते जीया किं मणजोगी वइजोगी कायजोगी गोयमा नो मणजोगी नो वइजोगी कायजोगी या कायजोगिणो वा ते णं भंते जीवा किं सागारीवउत्ता अणागारोवउत्ता गोयमा सागारोवउत्ते वा अणागारोवउत्ते वा अट्ठ मंगा तेसि णं भंते जीवाणं सरीरगा कतिवण्णा कतिगंधा कतिरसा कतिफासा पन्नत्ता गोयमा पंचवण्णा पंचरसा दुगंधा अट्ठफासा पन्नत्ता ते पुण अप्पणा अवण्णा अगंधा अरसा अफासा पन्नत्ता ते णं भंते जीवा किं उस्सासगा निस्सासगा नोउस्सासनिस्सासमा गोयमा उस्सासए वा निस्सासए वा नोउस्सासनिस्सासए वा उस्सासए य निस्सासए य अहया उस्सासए य नो उत्सासनिस्सासए य अहवा निस्सासए य नोउस्सासनिस्सासए य अहवा उस्सासए य निस्सासए य नोउस्सासनिस्सासए - अट्ठ भंगा एते छव्दीसं भंगा भवंति ते पणं भंते जीवा किं आहारगा अणाहारगा गोयमा आहारए वा अणाहारए वा अट्ठ मंगा ते णं भंते जीवा किं विरया अबिरया विरयाविरया गोयमा नो विरया नो विरयाविरया अविरए वा अविरया वा
ते णं भंते जीवा किं सकिरिया अकिरिया गोयमा नो अकिरिया सकिरिए वा सकिरिया वा ते णं मंते जीवा किं सत्तविहबंधगा अट्ठविहबंधगा गोयमा सत्तविहबंधए वा अट्ठविहबंधए या अड्ड भंगा ते णं भंते जीवा किं आहारसण्णोवउत्ता भयसण्णोवउत्ता मेहुणसण्णोवउत्ता परिग्गहसष्णोवउत्ता गोयमा आहारसण्णोवउत्ता असीती भंगा, ते णं भंते जीवा किं कोहकसाई माणसाई मायाकसाई लोभकसाई असीती मंगा, ते णं भंते जीवा किं इत्थवेदगा पुरिसवेदगा नपुंगवेदगा गोयमा नो इत्थिवेदगा नो पुरिसवेदगा नपुंसगवेदए वा नपुंसगवेदगा वा ते णं भंते जीवा किं इत्थवेदबंधगा पुरिसवेदबंधगा नपुंसगवेदबंधगा गोयमा इत्थिवेदबंधए वा पुरिसवेदबंध वा नपुंगवेद वा खव्वीसं मंगा, ते णं भंते जीवा किं सण्णी असण्णी गोयमा नो सण्णी अण्णीवा असण्णिणो वा, ते णं भंते जीवा किं सइंदिया अणिंदिया गोयमा नो अनिंदिया सइदिए या सइंदिया या से णं भंते उप्पलजीवेत्ति कालओ केवच्चिरं होइ गोयमा जहणणेणं अंतोमुहुत्तं उक्कोसेणं असंखेखं कालं
भंते उप्पली पुढविजीवे पुणरवि उप्पलजीवेत्ति केवतियं कालं सेवेचा केवतिय कालं गतिरागति करेज्जा गोयमा भवादेसेणं जहण्येणं दो मवग्गहणाई उक्कोसेणं असंखेखाई भवग्गहणाई कालादेसेणं जहणेणं दो अंतोमुहुत्ता उक्कोसेणं असंखेखं कालं एवतियं कालं सेवेज एयतियं कालं गतिरागतिं करेजा से णं भंते उप्पलजीवे आउजीवे पुष्णरवि उप्पलजीवेत्ति केवतियं कालं सेवेज्जा केवतियं कालं गतिरागतिं करेजा एवं चेव एवं जहा पुढविजीवे मणिए तहा जाव चाउजीवे भाणियच्चे से णं भंते उप्पलजीचे सेसवणस्सइजीवे से पुणरवि उप्पलजीवेत्ति केयतियं कालं सेवेज्जा केवतियं कालं गतिरागतिं करेा गोयमा भवादेसेणं जहणेणं दो भवग्गहणाई उक्कोसेणं अनंताई भवग्गहणाई कालादेसेणं जहण्णेणं दो अंतोमुहुत्ता उक्कोसेणं अनंतं कालं तरुकालं एयतियं कालं सेवेज्जा एवतियं कालं गतिरागति करेज्जा से णं भंते उप्पलजीवे बेइंदियजीवे पुणरवि उप्पलजीवेत्तिं केवतियं कालं सेवेज्जा केवतियं कालं गतिरागतिं करेजा गोयमा भवादेसेणं जरुणेणं दो भवग्गहणाई उक्कोसेणं संखेज्जाई भयग्गहणाई कालादेसेणं जहणेणं दो अंतोमुहुत्ता उक्कोसेणं संखेचं कालं एयतियं कालं सेवेज्जा एवतियं कालं गतिरागति करेजा एवं तेइंदियजीवे एवं चउरिदियजीवे वि से णं भंते उप्पलजीवे पंचिंदियतिरिक्खजोणि
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |