Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पवयं सतं - उद्देसो-२३
२०१ नाणादेस-विदेसपरिपिंडियाहिं सदेवनेवस्थगहियवेसाहिं इंगित-चिंतित-पत्थिय वियाणियाहिं कुसलाहिं विणीयाहिं चेडियातचक्कवाल-वरिसधर-धेरकंचुइन महत्तरगवंधपरिक्खत्ता अंतेउराओ निग्गच्छति निपच्छित्ता जेणेव वाहिरिया उवट्ठाणसाला जेणेय धम्मिए जाणप्पवरे तेणेव उवागच्छइ उवागच्छिता धम्मियं जाणप्पवरं दुरूढा
तए णं से उसमदत्ते माहणे देवाणंदाए माहणीए सद्धिं धम्मियं जाणप्पवरं दुरूढ समाणे नियगपरियालसंपरिबुडे माहणकुंडग्गामं नगरं मझंपज्झेणं निग्गच्छइ निग्गच्छित्ता जेणेव बहुसालए वेइए तेणेव उवागच्छइ उवागछित्ता छत्तादीए तित्थकरातिसए पासइ पासित्ता धम्मियं जाणप्पवरं ठवेइ ठवेत्ताधम्मियाओ जाणप्पवराओ पधोरूहइ पच्चोरूहिता समणं भगवं महावीर पंचविहेणं अभिगमेणं अभिगच्छाति तं जहा-सच्चित्ताणं दव्वाणं विओसरणयाए अचित्ताणं दवाणं अविओसरणयाए एगसाडिएणं उत्तरासंगकरणेणं चक्षुप्फासे अंजलिप्यग्गहेणं मणसो एगत्तीकरणेणंजेणेव सपणे भगवं महावीरे तेणेव उवागच्छइ उवागछित्ता तिक्षुत्तोआयाहिण-पयाहिणं कोइकरेताबंदइनमसइवंदित्तानमंसित्तातिविहाए पञ्जुवासणाएपज्जुवासइ।३७९।-380
(४६१) तए णं सा देवाणंदा माहणी धमियाओ जाणप्पवराओ पच्चोरूहति पन्नोसहित्ता वहूहिं खुजाहिं जाव चेडियाचक्कवाल बरिसघर-थेरकंचुइज्ज-महत्तरगवंदपरिक्खित्ता सपणं भगवं महावीरं पंचविहेणं अभिगमेणं अभिगच्छइ तं जहा-सचित्ताणं दव्वाणं विओसरणयाए जाव मणस्स एगत्तीभावकरणेणं जेणेव सपणे भगवं महावीरे तेणेव उवागच्छइ उवागछित्ता समणं भगवं महावीरं तिक्खुत्तो आयाहिण-पयाहिणं करेइ करेत्ता बंदइ नमसइ वंदित्ता नमंसित्ता उसभदत्तं माहण पुरओ कट्ट ठिया वेव सपरिवारा सुस्सूसमाणी नमसमाणी अभिमुहा विणएणं पंजलिकडा पञ्जवासइ तएणंसा देवाणंदा माहणी आगयपण्हया पप्पुयलोयणा संवरियवलयवाहा कंचुपरि-विखत्तिया धाराहयकलंदगं पिव समूसदियरोमकूवा समणं भगवं महावीरं अणिमिसाए दिट्ठीएदेहमाणी-देहमाणी चिट्ठव भंतेति मगवं गोयमे समणं भगवं महावीरं चंदइ नसंसइ वंदित्ता नमंसित्ता एवं वयासी-किंणं भंते एसा देवाणंदा माहणी आगयपण्हया जाव रोमकूया देवाणुप्पियं अणिमिसाए दिट्ठीए देहमाणी-देहमाणी चिट्ठइ गोयमादि, समणे भगवं महावीरे भगवं गोयमं एवं ययासी-एवं खलु गोयमा देवाणंदा माहणी ममं अम्मगा अहण्णं देवाणंदाए माहणीए अत्तए तण्णं एसा देवाणंदा माहणी तेणं एव्यपुत्तसिणेहरागेणं आगयपण्हया पप्पुयलोयणा संवरियवलयबाहा कंचुयपरिक्खित्तिया धाराहयकलंबगं पिव समूसवियरोमकूवा ममं अणिमिसाए दिट्ठीए देहमाणीदेहमाणी चिट्ठइ।३८०1-381
(६२) तए णं सपणे भगवं महावीरे उसमदत्तस्स माहणस्स देवाणंदाए माहणीए तीसे य महतिमहालियाए इसिपरिसाए [मुणिपरिसाए जइपरिसाए देयपरिसाए अणेगसयाए अणेगसयचंदाए अणेगसयवंदपरियालाए ओहबले अइबले महत्वले अपरिमियबल-चीरिय-तेय माहप्पकंति-जुत्ते सारय-नवत्यणिय-महुरगंभीर-कोंचनिग्धोस-दुंदुभिस्सरे उरे वित्यडाए कंठे वट्टियाए सिरे समाइण्णाए अगरलाए अमम्मणाए सुब्वत्तक्खर-सण्णिवाइयाए पुण्णरत्ताए सव्वभासाणुगामि- जीए सरस्सईए जोयणणीहारिणा सरेण अद्धमागहाए भासाए मासइ-धम्म परिकहेइ] जाव परिसा पडिगया तए णं से उसमदत्ते माहणे सपणस्स भगवओ महावीरस्स अंतियं धम्म सोचा निसम्म हतुढे उट्ठाए उट्टेइ उठेत्ता समणं भगवं महावीरं तिक्खुत्तो जाव वंदित्ता नपंसित्ता एवं
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |