Page Text
________________
Shri Mahavir Jain Aradhana Kendra
www.kobatirth.org
११२
Acharya Shri Kailassagarsuri Gyanmandir
भगवई - ६/-/३/२८३
(२८३) कति णं भंते कम्मप्पगडीओ पत्रत्ताओ गोयमा अट्ठ कम्मप्पगडीओ पत्रत्ताओ तं जहा - नाणावर णिज्जं दरिसणावरणिजं [वेदणिज्जं मोहणिज्जं आउगं नामं गोयं] अंतराइयं नाणावरणिजस्सं णं भंते कम्मस्स केवतियं कालं बंधद्विती पत्रत्ता गोयमा जहण्णेणं अंतोमुहुत्तं उक्कोसेणं तीसं सागरोवमकोडाकोडीओ तिण्णि य वाससहस्साई अबाहा अबाहूणया कम्पट्ठितीकम्पनिसेओ [ दरिसणावरणिजं जहणेणं अंतोमुहुत्तं उक्कोसेणं तीसं सागरोवमकोडाकोडीओ तिण्णि य याससहस्साई अबाहा अबाहूणिया कम्मट्टिती- कम्पनिसेओ] वेदणिज्जं जहन्नेणं दो समया उक्कोसेणं [तीसं सागरोवमकोडाकोडीओ तिण्णि य वाससहस्साई अवाहा अबाहूणिया कम्मट्टितीकम्मनिसेओ] मोहणिज्जं जहन्नेणं अंतोमुहुत्तं उक्कोसेणं सत्तरिसागरोवमकोडाकोडीओ सत्त य वाससहस्साणि अबाहा अबाहूणिया कम्मट्टिती-कम्मनिसेओ, आउगं जहनेणं अंतोमुहुत्तं उक्कोसेणं तेत्तीस सागरोवमाणि पुव्वकोडितिभागमन्महियाणि कम्पट्ठिती-कम्पनिसेओ, नाम- गोयाणं जहनेणं अट्ठ मुहुत्ता उक्कोसेणं वीसं सागरोदमकोडाकोडीओ दोण्णि य बाससहस्साणि अबाहा बाहूणिया कम्पती- कम्पनिलेओ, अंतराइयं [जहन्नेणं अंतोमुहुत्तं उक्कोसेणं तीसं सागरोवमकोडाकोडीओ तिणिय वाससहस्साइं अबाहा अबाहूणिया कम्पट्ठिती- कम्पनिसेओ] | २३५1-235 (२८४) नाणावरणिज्जं णं भंते कम्प किं इत्थी बंधइ पुरिसो बंधइ नपुंसओ बंधइ नोइत्थी नोपुरिसो नोनपुंसओ बंधइ गोयमा इत्थी वि बंधइ पुरिसो वि बंधइ नपुंसओ वि बंधइ नोइत्थी नोपुरिसो नोनपुंसओ सिय बंधइ सिय नो बंधइ एवं आउगवज्जाओ सत्त कम्पप्पगडीओ आउगं णं मंते कम्मं किं इत्थी बंधइ पुरिसो बंधइ नपुंसओ बंधइ नोइत्थी नोपुरिसो नोनपुंसओ बंधइ गोयमा इत्थी सिय बंधइ सिय नो बंधइ [ पुरिसो सिय बंधइ सिय नो बंधइ नपुंसओ लिय बंधइ सिय नो बंधइ नोइत्थी नोपुरिसो नोनपुंसओ न बंधइ नाणावरणिजं णं भंते कम्पं किं संजए बंधइ अस्संजए बंधइ संजया संजए बंधइ नोसंजए नोअसंजए नोसंजयासंजए बंधइ गोयमा संजए सिय बंधइ सिय नो बंध अस्संजए बंधइ संजयासंजए वि बंधइ नोसंजए नोअस्संजए नो संजयासंजए न बंधइ एवं आउगबजाओ सत्त वि आउगे हेट्ठिल्ला तिष्णि मयणाए उवरिल्ले न बंधइ
नाणावरणियं णं भंते कम्मं कि सम्मदिट्ठी बंधइ मिच्छदिट्ठी बंधइ सम्मामिच्छदिट्ठी बंधइ गोयमा सम्मदिट्ठी सिय बंधइ सिय नो बंधइ मिच्छदिट्ठी बंधइ सम्मामिच्छदिट्ठी बंधइ एवं आउगबजाओ सत्त वि. आउने हेट्ठिल्ला दो भयणाए सम्मामिच्छादिट्ठी न बंधइ नाणावरणियं णं भंते कम्मं किं सण्णी बंधइ असण्णी बंधइ नोसण्णी नोअसण्णी बंधइ गोयमा सण्णी सिय बंधइ सिय नी बंध असण्णी बंधइ नोसण्णीनो असण्णी न बंधइ एवं वेदणिज्जाउगवज्जाओ छ कम्मप्पगडीओ वेदणि हेट्ठिल्ला दो बंधंति उवरिल्ले भयणाए आउगं हेट्ठिल्ला दो भयणाए उवरिल्ले न बंधइ नाणावरणिज्जं णं भंते कम्पं किं भवसिद्धिए बंधइ अभवसिद्धिए बंधइ नोभवसिद्धिए नो अभवसिद्धिए बंधइ गोयमा भविसिद्धिए भयणाए अभवसिद्धिए बंधइ नोभवसिद्धिए नोअमवसिद्धिए न बंघइ एवं आउगवज्जाओ सत्त वि आउगं हेट्ठिल्ला दो मयणाए उदरिल्ले न बंधइ नाणावरणिजं णं भंते कम्पं किं चक्खुदंसणी बंध अचक्खुदंसणी बंधइ ओहिदंसणी बंधइ केवलीदंसणी बंधइ गोयमा रेट्ठिल्ला तिणि भयणाए उवरिल्ले न बंधइ एवं वेदणिजवज्जाओ सत्त वि वेदणिज्जं हेट्ठिला तिणि बंधति केवलीदंसणी भयणाए नाणावरणिजं णं भंते कम्मं किं पजत्तए बंधइ अपजत्ते बंधइ नीपजत्तए नो अपजत्तए बंधइ गोयमा पज्जत्तए भयणाए अपजत्तए बंधइ नोपजत्तए नो अपजत्तए न बंधइ एवं
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |