Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
१०६
भगवई - ५/-/८/२६२
कालओ भावओ वि एएसि णं भंते पोग्गलाणं दव्वादेसेणं खेत्तादेसेणं कालादेसेणं भावादेसेणं सपएसाणं अपएसाण य कयरे कयरेहिंतो (अप्पा या बहुया वा तुल्ला वा ! विसेसाहिया वा नारयपुत्ता सव्वत्थोवा पोग्गला भावादेसेणं अपएसा कालादेसेणं अपएसा असंखेजगुणा दव्यादेसेणं अपएसा असंखेज्जगुणा खेत्तादेसेणं अपएसा असंखेजगुणा खेत्तादेसेणं चेव सपएसा असंखेखगुणा दव्यादेसेणं सपएसा विसेसाहिया कालादेसेणं सपएसा विसेसाहिया भावादेसेणं सपएसा विसेसाहिया तए णं से नारयपुते अणगारे नियंठिपुत्तं अणगारं वंदइ नमसइ वंदिता नर्मसित्ता एयमहं सम्म विणएणं भुखो - भुजो खामेत्ति खामेत्ता संजमेणं तवसा अप्पाणं भावेमाणे विहरइ । २२०1-220
(२६३) भंतेत्ति भगवं गोयमे समणं भगवं महावीरं वंदइ नमसइ वंदित्ता नमसित्ता एवं वयासी-जीवाणं भंते किं वर्द्धति हायंति अवट्टिया गोयमा जीवा नो वड्ढति नो हायंति अवट्टिया नेरइया णं भंते किं वदंति हायंति अवट्ठिया गोयमा नेरइया वड्ढति वि हायंति वि अवट्टिया वि जहा नेरड्या एवं जाव वैमाणिया सिद्धा णं भंते पुच्छा गोयमा सिद्धा बड्ढति नो हायंति अवट्ठिया वि जीवाणं भंते केवतियं कालं अवट्टिया गोवमा सव्वद्धं नेरड्या णं भंते केवतियं कालं वर्द्धति गोवमा जहन्नेणं एवं समयं उक्कोसेणं आयलियाए असंखेज्जइभागं एवं हायंति वि नेरइया णं भंते केवतियं कालं अवट्टिया गोयमा जहण्णेणं एवं समयं उक्कोसेणं चउवीसं मुहुत्ता एवं सत्तसु वि पुढवी वड्ढति हायंति भाणियव्वं नवरं अवट्ठिएसु इमं नाणत्तं तं जहा- रयणप्पभाए पुढबीए अडयालीसं मुहुत्ता सक्करप्पभाए चोद्दस राइंदिया वालुयष्पभाए मासं पंकप्पभाए दो मासा धूमप्पभाए चत्तारि मासा, तमाए अट्ठ मासा तमतमाए बारस मासा असुरकुमारा वि वड्ढति हायंति जहा नेरइया अवट्टिया जहन्नेणं एक्कं समयं उक्कोसेणं अट्ठचत्तालीसं मुहुत्ता एवं दसविहा वि एगिंदिया बड्ढति वि हायंति वि अवट्टिया वि एएहिं तिहि वि जहनेणं एक्कं समयं उक्कोसेणं आवलियाए असंखे भागं बेइंदिया वदंति हायंति तहेब अवट्टिया जहनेणं एक्कं समयं उक्कोसेणं दो अंतोमुहुत्ता एवं जाव चउरिंदिया अवसेसा सव्वे बड्ढति हायंति तहेव अवलियाणं नाणत्तं इमं तं जहा - संमुच्छिमपंचिंदियतिरिक्खजोणियाणं दो अंतोमुहुत्ता गम्भवक्कंतियाणं चउव्वीसं मुहुत्ता संमुच्छिममणुस्साणं अडचततालीसं मुहुत्ता गम्भवक्कंतियमणुस्साणं चउवीसं मुहुत्ता वाणमंतर - जोतिसिय- सोहम्मीसाणेसु अट्ठचत्तालीसं मुहुत्ता सणकुमारे अट्ठारस, राइंदियाई चत्तालीस य मुहुत्ता माहिंदे चउवीसं राइंदियाइ बीस य मुहुत्ता बंभलोए पंचचतालीस राइदियाई लंतए नउई राइंदियाई महासुक्के सट्ठि राइदिवसयं सहस्सारे दो राईदियसयाई आणय- पाणयाणं संजा मासा आरणयाणं संखेजाई वासाई एवं गेवेजदेवाणं विजय- वेजयंत- जयंत अपराजियाणं असंखेज्जाइ वाससहस्साइं सव्वट्टसिद्धे पलि ओवमस्स संखेइभागो एवं भाणियव्वं वर्द्धति हायंति जहनेणं एक्कं समयं उक्कोसेणं आवलियाए असंखेज्जइभागं अवट्ठियाणं जं भणिय सिद्धाणं भंते केवइयं कालं वड्ढति गोयमा जहण्णेणं एक्कं समयं उक्कोसेणं अड्ड समया केइयं कालं अवट्टिया गोयमा जहन्नेणं एक्कं समयं उक्कोसेणं छम्मासा जीवा णं भंते किं सोवचया सावच्या सोवचय- सावचया निरुवचयनिरवच्या गोयमा जीवा नो सोवचया नो साबच्या नो सोवचय-सावचया निरुवचय- निरवचया एगिंदिया ततियपदे सेसा जीदा चउहिं वि पदेहिं भाणियव्या सिद्धा णं भंते पुच्छा गोयमा सिद्धा सोवचया नो सावचया नो सोवचय- सावचया निरुवचय-निरवचया जीवा णं भंते केवतियं कालं निरुवचय-निरवच्या गोयमा सव्यद्धं नेरइया णं भंते केवत्तियं
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |