Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सुयक्खंयो-२, अज्झयणं-४
९५
पाणाइवाए [मुसाबाए अदिन्नादाणे मेहुणं परिग्गहे ] कोहे [माणे मायाए लोहे पेज दोसे कलहे अभक्खाणे पेरणे परपरिवाए अरइरईए मायामोसे] मिच्छादंसणसल्ले, आचार्य आह-तत्थ खलु भगवया चहए दिट्ठते पण्णत्ते से जहानामए वहए सिवा गाहावइस्स वा गाहावइपुत्तस्स वा रण्णो वा रायपुरिस्स वा खणं गिदाए पविसिस्सामि खणं लद्दूण वहिस्सामित्ति पहारेमाणे से किं णु हु नाम से वहए तस्स वा गाहावइस्स तस्स वा गाहाबइपुत्तस्स तस्स वा रणो तस्स वा रायपुरिसस खणं निदाए पविसिस्सामि खणं लघूणं वहिस्सामित्ति पहारेमा - णे दिया वा राओ वा सुत्ते वा जागरमाणे वा अमित्तभूए मिच्छासंटिए णिच्चं पसढ - विओवाचचितदंडे भवइ, एवं वियागरेमाणे समियाए विवागरे चोयए-हंता भवइ आचार्य आह-जहा से बहए तरस वा गाहावइस्स तस्स वा गाहाबइपुत्तरस तस्स वा रण्णो तस्स वा रायपुरिसस्स खणं णिदाए पविसिस्सामि खणं लद्दूणं वहिस्सामित्ति पहारेमाणे दिया वा राओ वा सुत्ते वा जागरमाणे वा अमित्तभूए मिच्छासंटिए णिचं पसढ - विओवाय-चित्तदंडे एवामेव बाले वि सव्वेसिं पाणाणं [सव्वेसिं भूयाणं सव्वेसिं जीवाणं] सव्वेसिं सत्ताणं दिया वा राओ वा सुत्ते वा जागरमाणे वा अमित्तभूए मिच्छासंठिए णिच्चं पसढ - विओवाय-चित्तदंडे तं जहा-पाणाइवाए जाव मिच्छादंसणसल्ले एस खलु भगवया अक्खाए असंजए अविरए अप्पडिहयपच्चक्खायपावकम्मे सकिरिए असुंवडे एगंतदंडे एगंतवाले एगंतसुते यावि भवइ से बाले अवियारमणवयण - काय वक्के सुविणमणि न पस्तइ पावे य से कम्मे कजइ जहा से वहए तस्स वा गाहावइस्स [तस्स वा गाहाबइपुत्तस्स तस्य वा रण्णो] तस्स वा रायपुरिसस्स पत्तेयं - पत्तेयं चित्तं समादाय दिया वा राओ वा सुत्ते वा जागरमाणे या अमित्तभूए मिच्छासंटिए णिच्चं पसद - विओवाच चित्तदंडे भवइ एवामेव वाले सव्वेसिं पाणाणं [सव्वेसि भूयाणं सव्वेसिं जीवाणं ] सव्वेसि सत्ताणं पत्तेयं-पत्तेयं चित्तं समादाय दिया वा राओ वा सुत्ते वा जागरमाणो वा अमित्तभूए मिच्छासंठिए णिचं पसढ - विओवाय-चित्तदंडे भवइ । ६५ । - 64
(७०२) नो इणट्ठे समट्ठे-इह खलु बहवे पाणा जे इमेणं सरीरसमुस्सएणं नो दिट्ठा वा सुया या नाभिमया वा विष्णाया वा जेसिं नो पत्तेयं-पत्तेयं चित्तं समादाय दिया वा राओ वा सुत्ते वा जागरमाणे वा अमित्तभूए मिच्छासंठिए णिचं पसढ-विओबाय-चित्तदंडे तं जहापाणाइवाए जाव मिच्छादंसण सल्लै । ६६ । - 65
( ७०३) आचार्य आह- तत्थ खलु भगवया दुवे दिट्ठता पण्णत्ता तं जहा-सण्णिदिछंते य असण्णिदिट्ठते य से किं तं सण्णिदिते-सण्णिदिट्टंते जे इमे सण्णिपंचिदिया पच्चत्तगा एतेसिं णं छज्जीवणिकाए पडुचं पइण्णं कुज्जा से एगइओ पुढविकाएणं किचं करेइ वि कारवेइ वि तस्स णं एवं भवइ एवं खलु अहं पुढविकाएणं किचं करेमि वि कारवैमि विनो चेव णं से एवं भवइ-इमेण वा इमेण वा से य तेणं पुढविकाएणं किचं कोइ वि कारवेइ वि से य तओ पुढविकायाओ असंजय- अविरय- अप्पडिहयपञ्चक्खाय - पावक्क मे यावि भवइ, से एगइओ आउकाएणं कि करेइ वि कारवेइ वि तस्स णं एवं भवइ एवं खलु अंहं आउकाएणं किचं करेमि विकारवैमि वि नो चेव णं से एवं भवइ-इमेण वा इमेण वा से य तेणं आउकाएणं किचं करेइ वि कारवेद वि से य तओ आउकायाओ असंजय- अविरय- अप्पडिहयपच्चक्खाय - पावकम्मे यावि भवइ, से एगइओ तेउकाएणं किचं करेइ वि कारवेइ वि तस्स णं एवं
For Private And Personal Use Only
| SR No. | 009728 |
| Book Title | Agam 02 Suyagado Angsutt 02 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |