Page Text
________________
Shri Mahavir Jain Aradhana Kendra
www.kobatirth.org Acharya Shri Kailassagarsuri Gyanmandir
सुयांघो - २, अज्झयणं -२, उद्देसो- 9
( ४० ३) आयाणमेयं भिक्खुस्स गाहावईहिं सद्धिं संवसमाणस्स- इह खलु गाहावई अप्पणी सअट्टाए अगणिकायं उज्जालेज्जा वा पज्जालेज या विज्झावेज वा अह भिक्खू उच्चावयं मणं णियच्छेजा-एते खलु अगणिकायं उज्जालेंतु वा मा वा उज्जालेंतु पज्जालेंतु वा मा वा पञ्जालेंतु विज्झावेंतु वा मा वा विज्झावेंतु अह भिक्खुणं पुव्वोवदिट्ठा [एस पइण्णा एस ऊ एस कारणं एस उवएसो] जं तहप्पगारे सागारिए उचस्सए नो ठाणं वा सेज्जं वा निसीहियं वा चेतेजा | २९२ ॥ 69
५७
(४०४) आचाणमेयं भिक्खुस्स गाहावईहिं सद्धिं संवसमाणस्स - इह खलु गाहाबइस्स कुंडले वा गुणे वा मणी वा मोत्तिए वा हिरण्णे वा सुवण्णे वा कडगाणि वा तुडियाणि वा तिसरगाणि वा पालंबाणि वा हारे वा अद्धहारे वा एगावली वा मुत्तावली वा कणगावली वा रयणावली वा तरुणियं वा कुमारिं अलंकिय विभूसियं पेहाए अह भिक्खू उच्चावयं भणं नियच्छेजा - एरिसिया वा सा नो वा एरिसिया-इति वा णं बूवा इति वा णं मणं साएजा अह भिक्खूणं पुच्चोवदिट्ठा [ एस पइण्णा एस हेऊ एस कारणं एस उवएसो] जं तहप्पगारे उबस्सए नो ठाणं वा सेज्जं वा णिसीहियं वा चेतेज्जा ।२९३/-70
(४०५) आयाणमेयं भिक्खुस्स गाहावईहिं सद्धिं संवसमाणस्स- इह खलु गाहाबइपीओ वा गाहावइ-धूयाओ वा गाहावइ- सुहाओ वा गाहावइ-धाईओ चा गाहावइ-दासीओ वा गाहावइ-कम्मकरीओ वा तासि च णं एवं वुत्तपुव्वं भवइ-जे इमे भवंति समणा भगवंती [सीलमंता वयमंता गुणमंता संजया संबुडा वंमचारी] उवरया मेहुणाओ धम्माओ नो खलु एतेसिं कप्पइ मेहुणं धम्मं परियारणाए आउट्टित्तए जा य खलु एएहिं सद्धिं मेहुणं धम्मं परियारणाए आउज्जा पुत्तं खलु सा लभेजा - ओवरिंस तेयसि वच्चस्सि जसस्सि संपराइयं आलोयणदरिसणिज्जं एयपगारं निग्धोसं सोचा निसम्म तासिं च णं अण्णयरी सड्ढी तं तस्सि भिक्खु मेहुणं धम्मं परियारणाए आउट्टावेजा अह भिक्खुणं पुव्वोवदिट्ठा (एस पइण्णा एस हेऊ एस कारणं एस उवएसो ] जं तहप्पगारे सागारिए उवस्सए नो ठाणं वा सेजं या निसीहियं वा चेतेजा एवं खलु तस्स भिक्खुस्स वा भिक्खुणीए वा सामग्गिय [ जं सव्वट्ठेहिं समिए सहिए सयाजए - त्ति बेमि] 1२९४/-71
• बीए अजयणे पढमो उद्देसो समतो
-: बी ओ उद्दे सो :
(४०६) गाहावई णामेगे सुइ- समायारा भवंति भिक्खू य असिणाणए मोयसमायारे से तगंधे दुग्गंधे पडिकूले पडिलोभे यावि भवइ जं पुव्वकम्मं तं पच्छाकम्मं जं पच्छाकम्पं तं पुव्वकम्मं तं भिक्खु-पडियाए वट्टमाणे करेजा वा नो वा करेजा अह भिक्खूणं पुव्योवदिट्ठा [एस पइण्णा एस हऊ एस कारणं एस उवएसो] जं तहप्पगारे उवस्सए नो ठाणं वा [सेजं वा निसीहियं वा ] चेतेजा । २९५/-72
(४०७) आयाणमेयं भिक्खुस्स गाहावईहिं सद्धि संवसमाणस्स - इह खलु गाहाबइस्स अप्पणी सअट्ठाए विरूवरूवे भोयण-जाए उवक्खडिए सिया अह पच्छा भिक्खु पडियाए असणं वा पाणं वा खाइमं वा साइमं वा उक्खडेज चा उवकरेज वा तं च भिक्खू अभिकखेज्जा भोत्तए वा पायए वा वियत्तए वा अह भिक्खूणं पुव्योवदिट्ठा एस पइण्णा
For Private And Personal Use Only
| SR No. | 009727 |
| Book Title | Agam 01 Ayaro Angsutt 01 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 130 |
| Language | Prakrit |
| Classification | Book_Devnagari, Agam, Canon, Agam 01, & agam_acharang |
| File Size | 3 MB |