Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
३८
आयारो - २/१/२/३४६
कुलाणि वा अण्णयरेसु वा तहप्पगारेसु कुलेसु अदुगुछिएसु अगरिहेसु असणं वा पाणं वा खाइमं वा साइमं या फासुयं एसणिज्जं [ति मण्णमाणे लाभे संते] पडिगाहेजा २३४) -11
(३४६) से भिक्ख या भिक्खुणी वा [गाहावइ-कुलं पिंडवाय-पडियाए अणुपवि॰] समाणे से जं पुण जाणेजा-असणं वा पाणं वा खाइमं वा साइमं या समवाएसु वा पिंड-णियोसु वा इंद-महेसु वा खंद-महेसु वा रुद्द-महेसु वा मुगुंद महेसु वा भूय-महेसु वा जक्ख-महेसु वा नाग-महेसु वा धूम-महेसु वा चेतिय-महेसु वा रुख-महेसु वा गिरि महेसु वा दरि-महेसु वा अगड-महेसु वा तडाग-महेसु वा दह-महेसु वा नई-महेसु वा सर-महेसु वा सागरमहेसु वा आगर-महेसु वा-अण्णयोसु वा तहपगारेसु विरुवरुवेसु महामहेसु वट्टमाणेसु बहवे समणमाहण-अतिहि-किविण-वणीमए एगाओ उक्खाओ परिएसिज्जमाणे पेहाए दोहिं [उक्खाहिं परएसिजमाणे पेहाए तिहिं उक्खाहिं परिएसिजमाणे पेहाए चरहिं उक्खाहिं परिएसिञ्जमाणे पहाए कुंभीमुहाओ वा कलोवाइओ वा} सण्णिहि-सण्णिचवाओ वा परिएसिजपाणे पेहाए - तहप्पगारं असणं वा पाणं वा खाइमं वा साइमं वा अपुरिसंतरकडं [अवहिया नीहडं अणत्तट्ठियं अपरिभुत्तं अणासेवितं-अफासुयं अणेसणिजं ति मण्णमाणे लामे संते] नो पडिगाहेजा अह पुण एवं जाणेजा - दिण्णं जं तेसिं दायव्वं अह तत्थ मुंजमाणे पेहाए - गाहावइ-भारियं वा गाहावइ-मगिणिं वा गाहायइ-पुत्तं वा गाहावइ-धूयं वा सुण्डं वा धाइं वा दासं वा दासिं वा कम्मकरं वा कम्मकार वा से पुण्यामेव आलोएजा-आउसि ति वा भगिणि ति वा दाहिसि मे एत्तो अण्णयरं भोयणजायं से सेवं वदंतस्स परो असणं वा पाणं वा खाइम वा साइमं वा आहट्ट दलएज्जा - तहप्पगारं असणं या पाणं वा खाइमं वा साइमं वा सयं वा जाएजा परो वा से देना - फासुयं एसणिशं ति मण्णमाणे लाभे संते पडिगाहेजा २३५। -12
(३४७) से भिक्खू वा भिक्खुणी वा परं अद्धजोयण-मेराए संखडि नचा संखड़िपडियाए नो अभिसंधारेजा गरणाए से भिक्खू वा भिक्खुणी वा - पाईणं संखडि नच्चा पडीणं गच्छे अणाढायमाणे पीणं संखडि नच्चा पाईणं गच्छे अणादायमाणे दाहिणं संखडि नचा उदीणं गच्छे अणाढायमाणे उदीणे संखडिं नच्चा दाहिणं गच्छे अणाढायमाणे जत्थेव सा संखडी सिया तं जहा-गामंसि चा नगरंसि वा खेडसि वा कब्बडसि चा मडवंसि वा पट्टणंसि वा दोणमहंसि वा आगरंसि वा निगमंसि वा आसमंसि वा सण्णिवेसंसि वा रायहाणिसि वासंखडि संखडि-पडियाए नो अभिसंधारेज्जा गपणाए केवली यूया आयाणमेयं-संखडिं संखडि-पडियाए अभिसंधारेमाणे आहाकस्मियं वा उद्देसियं वा मीसजायं वा कीयगडं चा पामिर्च वा अच्छेनं वा अणिसिट्ठ वा अभिहडं वा आहड दिल्जमाणं पुंजेना असंजए भिक्खू-पडियाए खुड्डिय-दुवारियाओ पहल्लियाओ कुना महल्लिय दुवारियाओ खुड़ियाओ कुजा समाओ सिजाओ विसमाओ कुजा विसमाओ सिजाओ समाओ कुजा पवायाओ सिजाओ णिवायाओ कज्जा णिवायाओ सिजाओ पवायाओ कज्जा अंतो वा बहिं वा उवस्सयस्स हरियाणि छिंदिय-ठिदिय दालिय-दालिय संथारगं संथरेजा-एस खलु भगयचा सेआए अक्खाए तम्हा से संजए नियंठे तहप्पगारं पुरे-संखडिं वा पच्छा-संखडिं वा संखडिं संखडिंपडियाए नो अभिसंधारेजा गपणाए एयं खलु तस्स भिक्खुस्स भिक्षुणीए वा सामग्गियं जं सव्वठेहिं समिए सहए सया जए - त्ति बेमि ॥२३॥
For Private And Personal Use Only
| SR No. | 009727 |
| Book Title | Agam 01 Ayaro Angsutt 01 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 130 |
| Language | Prakrit |
| Classification | Book_Devnagari, Agam, Canon, Agam 01, & agam_acharang |
| File Size | 3 MB |