________________
[१३५
10
दीपालिकाकल्पः ॥]
दसवेआलिअ-जिअकप्प-आवस्सणुओगदारनंदिधरो । सययं इंदाईनओ छझुग्गतवो दुहत्थतणू ॥९७।। गिहिवयगुरुत्त बारस चउरवरिसो कयट्ठमो अंते । सोहम्मि सागराऊ होही तओ सिज्झही भरहे ॥९८।। सूअसूरिसंघधम्मो पुव्वह्ने छिज्जइ अगणि सायं ।। निवविमलवाहणो सुमुहमंतिनयधम्म मज्झण्हे ॥९९।। वासाणवीससहस्सा नवसयतिम्मासपंचदिणपहरा । एका घडी अ दोपल अक्खरइगयाल(४१) जिणधम्मो ॥१००।। इत्थ दूसमकालो होही इगवीससहसवरिसेहिं । दूसमकालो एअप्पमाणो वि णायव्वो ॥१०१।। तह खारग्गिविसंबिल-विज्जुअणा सगदिणा पि हु कुवाया । वरिसिय बहुरोगजलं काहिंति समं सरजलाई ॥१०२।। इंगारछारमुम्मुर हाहाभूआतणाइरइअमही । होहंति बीअनिमित्तं वेअअट्ठारसुखगइ वि ॥१०३॥ छ? अरे दुकरुच्चा वीसवरिसाऊ मच्छआहार(रा) । बिलवासी कुगइगमा कुवण्णवाया नरा कूरा ॥१०४।। निल्लज्ज निव्वसणा खरवयणा पिअसुआइठिइरहिया । छवरिसगब्भा इत्थी सुदुक्खपसवा बहुसुहा य ॥१०५।। बहुमच्छचक्कवहगंगसिंधुपासेसु नव नव बिलाई । वेयड्डोभयपासे बिसयरि बहुरोगनरठाणा ॥१०६।। अह अवसप्पिणितुल्ला छअरा ओसप्पिणीए विवरीया । तहिं इगहत्थया मणुआ सोलस वरिसाउआ पढमे ॥१०७।। पुण खीरघयामयरसमेहा वरिसंति पढमअरयंते । भूसीयलनेहोसहीरसहेऊ पिहुअसत्तदिणे ॥१०८।।
20
D:\chandan/new/kalp-1/pm513rd proof
