________________
[१३३
दीपालिकाकल्पः ॥]
हहो साहुविहारो धम्मपुरो पुरजणो तओ । तत्थ रज्जं कक्की काही सुहेण पन्नासवरिसाइं ॥७२॥ आसन्नमरणकाले पासंडाणं तओ अलिंगाइ । मेल्लाविस्सइ पुट्ठो मग्गिस्सइ तेसि रायकरं ॥७३।। गोवाडे खेविऊणं साहू मग्गेइ भिक्खछब्भागं । ते विकहिस्संति तओ अम्हे नरनाह ! निग्गंथा ॥७४॥ तह वि न सो मुच्चिस्सइ मुणिणो वाडाउ दुट्ठपरिणामो । तत्तो काउस्सग्गस्स संघो काहीअ थिरचित्तो ॥७५।। संघस्स काउस्सग्गाऽणुभावं च जियासणो य देविंदो । बंभणरुवेण तओ एहि साहूण रक्खट्ठा ॥७६।। सो दाही उवएसं मुणिणो वाडाओ मुंच नरनाहं । दिति न कस्स वि कहमवि नियभिक्खं संजया एए ॥७७॥ इयवयणेणं कुविओ कक्की जंपिस्सई निययपुरिसे । झत्ति गिहिऊण कंठे निस्सारह भो इमं विप्पं ॥७८।। इय सुणिऊण कोविओ सक्को दाही चवेडसंघायं । तेणं विहुरिय गत्तो भविस्सइ भासरासी सो ॥७९॥ छासी वरिसाउं सो संपूरिय रुद्दझाणगयचत्तो । पावं काऊण तओ गमिस्सइ सो य निरयंमि ॥८०॥ अभिसिंचिऊण दत्तं पुत्तं तस्सेव वासवो रज्जे । अणुसिटुिं दाऊणं घुअसगो(?) वच्चही सग्गो ॥८१॥ पिउणो पावफलं सो समरंतो वासवस्स सिक्खं । पइदिणकयजिणमंदिर-विभूसियं भूतलं काही ॥८२॥ तत्तो जाईसरणं उदीण्णाणं कला य विण्णाणं । आरोगं सुभिक्खं सच्चं सोयं दया दाणं ॥८३।। रायाणो जिणभत्ता नयमग्गपरा य सच्चसंधा य । धणधण्णकणयमुत्ति य रयणसमिद्धो जणो होही ॥८४।।
20
25
D:\chandan/new/kalp-1/pm5\3rd proof
