________________
एव०-भावत्थिया रज्जपालिया अन्तरिज्जिया खेमलिज्जिया, से तं साहाओ। से किं तं कुलाई? एव०-गणियं मेहिय कामड्डियं व तह होइ इंदपुरगं च। एयाइं वेसवाडियगणस्स चत्तारि उ कुलाइं॥१॥२१४॥ थेरेहितो णं इसिगोत्तेहितो णं काकंदरहितो वासिट्ठसगोत्तेहितो एत्थ णं माणवगणे नामं गणे निग्गए। तस्स णं इमाओ चत्तारि साहाओ तिण्णि य कुलाई एव० । से कि तं साहाओ? साहाओ एवमाहिज्जति-कासविज्जिया गोयमिज्जिया वासिट्ठिया सोरठिया, से तं साहाओ। से किं तं कुलाइं? २ एवमाहिज्जंति, तं जहा-इसिगोत्तियऽथ पढम, बिइयं इसिदत्तिय मुणेयव्वं । तइयं च अभिर्जेसंतं, तिनि कुला माणवगणस्स ॥१॥२१५॥ थेरेहितो णं सुट्टियसुप्पडिबुद्धेहितो कोडियकाकदिएहितो वग्धावच्चसगोत्तेहितो एत्थ णं कोडियगणे नामं गणे निग्गए। तस्स णं इमाओ चत्तारि साहाओ चत्तारि कुलाइं एव० । से किं तं साहाओ ? २ एवमाहिज्जंति, तं जहा-उचानागरि विजाहरी य वइरी य मज्झिमिल्ला य । कोडियगणस्स एया, हवंति चत्तारि साहाओ॥१॥ से कि तं कुलाई ? २ एव० तं जहा-पढमेत्थ वभैलिज्जं वितियं नामेण वच्छलिज्जं तु। ततिय पुण वाणिज्ज चउत्थयं पन्नवाहणयं ॥१॥२१६॥ थेराणं सुटियसुपडिबुद्धाणं कोडियकाकंदाणं वग्धावच्चसगोत्ताणं इमे पंच थेरा अंतेवासी अहावचा अभिन्नाया होत्था, तं जहा-थेरे अज्जइंददिने थेरे पियगंथे थेरे विज्जाहरगोवाले कासवगोत्ते णं थेरे इसिदत्ते थेरे अरहदत्ते। थेरेहितो ण पियगंथेहितो एत्य णं मज्झिमा साहा निग्गया। थेरेहितो णं विज्जाह
१ एतरि० ५॥ २ खेमिलिज्जिया च-छ ! खमिलिज्जिया छ। ३ गुम्नमज्जिया छ । ४ अयंत ख-छ ॥ ५ मंणिज्जं ॥ ६ अन्मइंददसे थेरे ख । ७ णं ईददिन्न-पिय० ख ॥
"Aho Shrut Gyanam"
