________________
होत्या, तं जहा-जक्खा य जस्खदिना भूया तेह होइ भूयदिना य। सेणा वेणा रेणा भगिणीओ थूलभदस्स॥१॥॥२०८॥ थेरस्स णं अज्जथूलभदस्स गोयमगोत्तस्स इमे दो थेरा अहावचा अभिन्नाया होत्था, तं जहा-थेरे अज्जमहागिरी एलावच्छसगोत्ते, थेरे अज्जसुहत्थी वासिट्ठसगोत्ते। थेरस्स णं अज्जमहागिरिस्स एलावच्छसगोत्तस्स इमे अट्ठ थेरा अंतेवासी अहावचा अभिन्नाया होत्था, तं०-थेरे उत्तरे थेरे बलिस्सहे थेरे धणड्ड थेरे सिरिड़े थेरे कोडिने थेरे नागे थेरे नागमित्ते थेरे छलुए रोहगुत्ते कोसिए गोत्तेणं। थेरेहितो णं छलुएहितो रोहँगुत्तेहितो कोसियगोतेहिंतो तत्थ णं तेरासिया निग्गया। थेरेहितो णं उत्तरवलिस्सहेहितो तेत्य णं उत्तरबलिस्सहगणे नामं गणे निग्गए। तस्म णं इमाओ चत्तारि साहाओ एवमाहिज्जंति, तं जहा-कोसंबिया 'सोतित्तिया कोडवाणी चंदनागरी ॥२०९॥ थेरस्स णं अज्जसुहत्थिस्स वासिट्ठसगोत्तस्स इमे दुवालस थेरा अंतेवासी अहावच्चा अभिन्नाया होत्था, तं जहा-थेरे त्थ अज्जरोहण भद्दजसे मेहगणी य कामिड्डी । सुट्टियसुष्पडिबुद्धे रक्खिय तह रोहेंगुत्ते य ॥१॥ इसिगुत्ते सिरिगुत्ते गणी य बंभे गणी य तह सोमे। दस दो य गणहरा खलु एए सीसा सुहत्थिस्स॥२॥२१०॥ थेरेहितो णं अज्जरोहणेहितो कासवगुत्तेहितो तत्थ णं उद्देहगणे नामं गणे निग्गए । तस्सिमाओ चत्तारि साहीओ निग्गयाओ छच्च कुलाई एवमाहिज्जंति। से किं तं साहाओ? एवमाहिज्जंति-उदंबरिज्जिया मासपूरिया मंतिपत्तिया सुवन्नपत्तिया, से तं साहाओ। से किं तं कुलाई ?
१ तह चेव भूय ग-च॥ २ रोहपुत्ते ग-छ॥ ३ रोहपुसे० क-ख-॥४-५ पत्थ छ । ६ सोतिमत्तिया कोडधारी चंद छ । ७ कोहवाणी ग। कोई विणी च॥ ८ जसभद्दे मेह क. विना । ९ दिबद्ध च-छ ॥ १० रोहपुत्ते ख-५॥ ११ पत्थ छ॥ १२ हाओ छच्च छ। १३ माहुरिज्जया छ ।। १४ सुन्नपत्तिया घ-च।।
"Aho Shrut Gyanam"
