________________
४२
पावाए मज्झिमाए हथिवालस्स रन्नो रज्जुगसहाए अपच्छिम अंतरावासं वासावासं उवागए।॥ १२२॥ तत्थ णं जे से पावाए मज्झिमाए हत्थिवालस्स रनो रज्जुगसभाए अपच्छिमं अंतरावासं वासावासं उवागए, तस्स णं अंतरावासस्स जे से वासाणं चउत्थे मासे सत्तमे पक्खे कत्तियबहुले तस्स णं कत्तियबहुलस्स पन्नरसीपक्खेणं जा सा चरिमा रयणी तं रयणि च णं समणे भगवं महावीरे कालगए विइकते समुज्जाए छिनजाइजरामरणबंधणे सिद्धे बुद्धे मुत्ते अंतगडे परिनिन्बुडे सव्वदुक्खपहीणे चंदे नाम से दोच्चे संवच्छरे पीतिवद्धणे मासे नंदिवद्धणे पक्खे सुव्वयग्गी नाम से दिवसे उपसमि त्ति पवुच्चइ देवाणंदा नाम सा रयणी निरइ त्ति पवुच्चइ अच्चे लवे मुहुत्ते पाणू थोवे सिद्धे नागे करणे सव्वट्ठसिद्धे मुहुत्ते साइणा नक्खत्तेणं जोगमुवागएणं कालगए विकंते जाव सव्वदुक्खप्पहीणे॥१२३॥ जं रयणि च णं समणे भगवं महावीरे कालगए जाव सव्वदुक्खप्पहीणे सा णं रयणी बहूर्हि देवेहि य देवेहि य ओवयमाणेहि य उप्पयमाणेहि य उजोविया यावि होत्या ॥१२४॥ जं रयणिं च णं समणे भगवं महावीरे कालगए जाव सव्वदुक्खप्पहीणे सा णं रयणी बहूहि देवेहि य देवीहि य ओवयमाणेहि य उप्पयमाणेहि य उप्पिंजलगमाणभूया कहकहगभूया या वि होत्था॥१२५॥ जं रयणिं च णं समणे भगवं महावीरे कालगए जाव सव्वदुक्खप्पहीणे तं रयणि च णं जेट्ठस्स गोयमस्स इंदभूइस्स अणगारस्स अंतेवासिस्स नायए पेजबंधणे वोच्छिन्ने अणंते अणुत्तरे जाव केवलवरनाणदंसणे समुप्पन्ने ॥ १२६ ॥ जं रयणि च णं समणे जाव सव्वदुक्खप्पहीणे तं रयणि च णं नव मल्लई नव लिच्छई कासीकोसलगा अट्ठारस वि गणरायाणो अमावसाए पाराभोयं पोसहोववासं पट्ठवइंसु, गते से
"Aho Shrut Gyanam"
