________________
गोतेणं, तस्स णं तओ नामघेजा एवमाहिजंति, तं जहा-सिद्धत्थे इ वा सेजंसे इ वा जसंसे इ वा ॥ १०५ ॥ समणस्स णं भगवओ महावीरस्स माया वासिट्ठा गोत्तेणं, तीसे णं तओ नामधिज्जा एवमाहिजंति, तं जहा-तिसला इ वा विदेहदिण्णा इ वा पियकारिणी इ वा॥१०६॥ समणस्स णं भगवओ महावीरस्स पित्तिज्जे सुपासे, जेटे भाया नंदिवद्धणे, भगिणी सुदंसणा, भारिया जसोया कोंडिन्ना गोत्तेणं ॥१०७॥ समणस्त णं भगवओ महावीरस्स णं घूया कासवी गोत्तेणं, तीसे णं दो नामधिज्जा एवामाहिजंति, तं जहा-अणोजा इ वा पियदंसणा इ वा ॥ १०८॥ समणस्स णं भगवओ महावीरस्स नत्तुई कासवी गोत्तेणं, तीसे णं दो नामधिज्जा एवमाहिज्जंति, तं जहा-सेसवई इ वा जस्सवई इवा ॥१०९॥ समणे भगवं महावीरे दक्खे दक्खपतिन्ने पडिरूवे ओलीणे भद्दए विणीए नाए नायपुत्ते नायकुलचंदे विदेहे विदेहदिन्ने विदेहजचे विदेहसूमाले तीसं वासाई विदेहंसि कडु अम्मापिईहिं देवत्तगएहिं गुरुमैहत्तरएहिं अब्भणुन्नाए समत्तपइन्ने पुणरवि लोयंतिएहिं जियकप्पिएहिं देवेहिं ताहि इटाहि कंताहि पियाहिं मणुन्नाहि मणामाहिं ओरालाहिं कल्लाणाहिं सिवाहिं धन्नाहि मंगल्लाहिं मियमहुरसस्सिरीयाहिं हिययगमणिज्जाहिं हिययपल्हायणिज्जाहिं गंभीराहिं अपुणरुत्ताहि वग्गूहि अणवरयं अभिनंदमाणा य अभिथुव्वमाणा य एवं क्यासी-जय २ नंदा! जय २ भद्दा! भदं ते जय २ खत्तियवरवसहा! बुज्झाहि भगवं लोगनाहा! पवत्तेहि धम्मतित्थं हियसुहनिस्सेयसकर सवलोए सव्वजीवाणं भविस्सई त्ति कटु जय २ सई पउंज्जति ॥ ११॥ पुबि पि य णं समणस्स भगवओ महावीरस्स
1 अलोणे ॥ २ भयरहिं छ॥ ३ दिया
।
"Aho Shrut Gyanam"
