________________
६६
संस्काराः केवलं जीवभाव्यमानत्वसम्भवाः । आयास्यन्ति मया साकं तत् शुभान् वितनोम्यहम् ॥७३॥
शुभान्येव निमित्तानि यान्तु मे रागपात्रताम् । निमित्तान्यशुभान्यत्र मा यान्तु रागगोचरे ॥७४॥
एवं विचारयन्नात्मा धर्मप्रवृत्तिमाश्रितः । पृच्छति स्वयमात्मानं प्रश्नत्रयमनाविलम् ॥७५॥
क्रियते यो मया धर्मो देहवित्तादिसाधनैः । तस्मादभ्यधिकाचारे शक्तोऽस्मि वा न वा किमु ॥७६॥
धर्मायाऽभ्यधिकायाऽहं शक्तस्सन् तं करोमि चेत् । अस्ति कश्चन मे तत्र बाधको वापि वारकः ॥७७॥
मयि बाधादिकाऽभावे धर्माधिक्यविधायिनि । विपदस्स्युर्विभिन्नाः किं जीवितादेर्विनाशिकाः ॥७८॥
श्रीसंवेगरतिः
