________________
212
प्रतिष्ठा पूजाञ्जलि
_
n
संजदेण मए सम्म सव्वसंजमभाविणा। सव्वसंजमसिद्धीओ लब्भदे मुत्तिजं सुहं।।11।। धम्मो मंगलमुक्किट्ठ अहिंसासंजमो तओ। देवा वितस्स पणमंति जस्स धम्मे सया मणो।।12।।
(कार्योत्सर्ग करें) इच्छामि भंते चारित्तभत्ति काओसग्गो कओ तस्सालोचेओ सम्मणाण-जोयस्स सम्मत्ताहिट्ठियस्स सव्वपहाणस्स णिव्वाणमग्गस्स संजमस्स कम्म णिज्जरफलस्स खमाहरस्स पंचमहव्वयसंपण्णस्स तिगुत्तित्तस्स पंचसमिदिजुत्तस्स णाणज्झाणसाहणस्स समयाइपवेसयस्स सम्मचरित्तस्स सदाणिच्चकालं अंचेमि पूजेमि बंदामि णमसामि दुक्खक्खओ कम्मक्खओ वोहिलाओ सुगइगमणं समाहिमरणं जिणगुणसंपत्ति होउ मज्झं।
आचार्यभक्ति
(आर्या) देसकुलजाइसुद्धा विसुद्धमणवयणकायसंजुत्ता। तुम्हं पायपयोरुहमिह मंगलत्थि मे णिच्च ।।1।। सगपरसमयविदूए आगमहेहि चावि जाणित्ता। सुसमच्छा जिणवयणे विणएसुताणुरूवेण ।।2।। बालगुरु बुड्डसे हे गिलाणथेरे यखमणसंजुत्ता। अट्ठावयग्गअण्णे दुस्सीले चावि जाणित्ता।।3।। वयसमिदिगुत्तिजुत्ता मुत्तिपहे ठावया पुणो अण्णे। अज्झावयगुणणिलया साहुगुणेणावि संजुत्ता।।4।। उत्तमखमाइपुढवी पसण्णभावेण अच्छजलसरिसा। कम्मिघणदहणादो अगणी वाऊ असंगादो।।5।।
