________________
44.
ਵੀਰ ਸਤੱਵਨ
ਸਮਣ ਸੂਤਰ
(750)ਗਿਆਨ ਮੇਰਾ ਆਸਰਾ ਹੈ, ਦਰਸ਼ਨ ਮੇਰਾ ਆਸਰਾ ਹੈ, ਚਾਰਿੱਤਰ ਮੇਰਾ ਆਸਰਾ ਹੈ, ਤਪ ਤੇ ਸੰਜਮ ਮੇਰਾ ਆਸਰਾ ਹੈ ਅਤੇ ਭਗਵਾਨ ਮਹਾਵੀਰ ਮੇਰਾ ਆਸਰਾ ਹੈ।
(751)ਉਹ ਭਗਵਾਨ ਮਹਾਵੀਰ ਸਭ ਕੁਝ ਵੇਖਣ ਤੇ ਜਾਨਣ ਵਾਲੇ, ਕੇਵਲ ਗਿਆਨੀ, ਮੂਲ ਅਤੇ ਉੱਤਰ ਗੁਣਾਂ ਨਾਲ ਭਰਪੂਰ, ਸ਼ੁੱਧ ਚਾਰਿੱਤਰ ਪਾਲਣ ਕਰਨ ਵਾਲੇ, ਧੀਰਜ ਵਾਲੇ ਅਤੇ ਗੰਢਾਂ ਤੋਂ ਰਹਿਤ ਅਪਰਿਗ੍ਰਹਿ ਸਨ। ਨਿਡਰ ਸਨ ਅਤੇ ਆਯੂ ਕਰਮ ਤੋਂ ਰਹਿਤ ਸਨ।
(752)ਉਹ ਵੀਰ ਪ੍ਰਭੂ ਅਨੰਤ ਗਿਆਨੀ ਸਨ। ਸੰਸਾਰ ਸਾਗਰ ਨੂੰ ਪਾਰ ਕਰਨ ਵਾਲੇ ਸਨ। ਧੀਰਜਵਾਨ ਅਤੇ ਅਨੰਤ ਦਰਸ਼ੀ ਸਨ। ਸੂਰਜ ਦੀ ਤਰ੍ਹਾਂ ਤੇਜ਼ ਵਾਲੇ ਸਨ। ਜਿਵੇਂ ਬਲਦੀ ਅੱਗ ਹਨ੍ਹੇਰਾ ਨਸ਼ਟ ਕਰ ਦਿੰਦੀ ਹੈ, ਉਸ ਪ੍ਰਕਾਰ ਉਨ੍ਹਾਂ ਨੇ ਅਗਿਆਨ ਰੂਪੀ ਹਨ੍ਹੇਰੇ ਨੂੰ ਦੂਰ ਕਰਕੇ ਪਦਾਰਥਾਂ ਦਾ ਸੱਚਾ ਰੂਪ ਪ੍ਰਗਟ ਕਰਨ ਵਾਲੇ ਸਨ।
:
(753)ਜਿਵੇਂ ਹਾਥੀਆਂ ਵਿਚ ਏਰਾਵਤ, ਮਿਰਗਾਂ ਵਿਚ ਸ਼ੇਰ, ਨਦੀਆਂ ਵਿਚ ਗੰਗਾ, ਪੰਛੀਆਂ ਵਿਚ ਗਰੁੜ ਸਰੇਸ਼ਟ (ਮਹਾਨ) ਹੈ, ਉਸੇ ਪ੍ਰਕਾਰ ਨਿਰਵਾਨ ਪ੍ਰਾਪਤ ਕਰਨ ਵਾਲਿਆਂ ਵਿਚ ਗਿਆਤਾ ਪੁੱਤਰ ਸਰੇਸ਼ਟ ਸਨ।
(754)ਜਿਵੇਂ ਦਾਨਾਂ ਵਿਚ ਉੱਤਮ ਅਭੈ ਦਾਨ (ਡਰ ਰਹਿਤ ਕਰ ਦੇਣਾ) ਸਰੇਸ਼ਟ ਹੈ। ਸੱਚੇ ਬਚਨਾਂ ਵਿਚ ਦੂਸਰੇ ਨੂੰ ਕਸ਼ਟ ਨਾ ਪਹੁੰਚਾਉਣ ਵਾਲਾ, ਸੱਚ ਸਰੇਸ਼ਟ ਹੈ। ਜਿਵੇਂ ਸਾਰੇ ਸੱਚੇ ਤਪਾਂ ਵਿਚੋਂ
158
