________________
ਕੀਤੀ। ਬੱਜ਼ਰ ਮੁਨੀ ਦਾ ਦਿਮਾਗ ਇੰਨਾ ਤੇਜ਼ ਸੀ ਕਿ ਜਦੋਂ ਹੋਰ ਮੁਨੀ ਪੜ੍ਹ ਰਹੇ ਹੁੰਦੇ ਤਾਂ ਉਹਨਾਂ ਦੀ ਪੜ੍ਹਾਈ ਸੁਣ ਕੇ ਹੀ ਉਹਨਾਂ ਨੂੰ ਸਾਰੇ ਆਗਮਾਂ ਦਾ ਗਿਆਨ ਪ੍ਰਾਪਤ ਹੋ ਜਾਂਦਾ। ਉਹਨਾਂ ਨੇ ਉਸ ਸਮੇਂ ਪ੍ਰਾਪਤ ਕੁੱਝ ਪੂਰਵਾਂ ਦਾ ਗਿਆਨ ਵੀ ਹਾਸਲ ਕੀਤਾ।
ਇੱਕ ਵਾਰ ਅਚਾਰਿਆ ਬਾਹਰ ਜੰਗਲ ਪਾਣੀ ਲਈ ਗਏ ਸਨ ਅਤੇ ਦੂਸਰੇ ਸਾਧੂ ਵੀ ਭੋਜਣ ਮੰਗਣ ਲਈ ਧਰਮ ਸਥਾਨ ਤੋਂ ਬਾਹਰ ਸਨ। ਇਸੇ ਵਿੱਚਕਾਰ ਬੱਜ਼ਰ ਸਵਾਮੀ ਨੇ ਛੋਟੇ ਸਾਧੂਆਂ ਨੂੰ ਆਪਣਾ ਸਿੱਖਿਆ ਗਿਆਨ ਦੇਣਾ ਸ਼ੁਰੂ ਕਰ ਦਿੱਤਾ। ਜਦ ਅਚਾਰਿਆ ਨੇ ਉਹਨਾਂ ਨੂੰ ਇਸ ਪ੍ਰਕਾਰ ਆਗਮ ਵਾਚਨਾ ਦਿੰਦੇ ਵੇਖਿਆ ਤਾਂ ਉਹ ਬਹੁਤ ਖੁਸ਼ ਹੋਏ ਅਤੇ ਉਹਨਾਂ ਨੂੰ ਭੱਵਿਖ ਵਿੱਚ ਵਾਚਨਾ ਦੇਣ ਲਈ ਨਿਯੁਕਤ ਕਰ ਦਿਤਾ। ਇਸ ਪ੍ਰਕਾਰ ਨਿਯੁੱਕਤੀ ਤੋਂ ਬਾਅਦ ਆਪ ਉੱਥੋਂ ਚਲੇ ਗਏ। ਸਾਰੇ ਸਾਧੂ ਉਹਨਾਂ ਦੇ ਪੜ੍ਹਾਉਣ ਦੇ ਤਰੀਕੇ ਤੋਂ ਬਹੁਤ ਖੁਸ਼ ਹੋਏ ਅਤੇ ਸੋਚਨ ਲੱਗੇ ਜੇ ਕੁੱਝ ਦਿਨ ਅਚਾਰਿਆ ਨਾ ਆਉਣ ਅਤੇ ਅਸੀਂ ਬੱਜ਼ਰ ਮੁਨੀ ਤੋਂ ਵਾਚਨਾ ਲੈਂਦੇ ਰਹੀਏ। ਹੋਲੀ ਹੋਲੀ ਬੱਜ਼ਰ ਮੁਨੀ ਨੇ ਦਸ ਪੂਰਵਾਂ ਦਾ ਗਿਆਨ ਪੂਰਾ ਕਰ ਲਿਆ।
ਅਚਾਰਿਆ ਦੇ ਸਵਰਗਵਾਸ ਤੋਂ ਬਾਅਦ ਆਪ ਨੂੰ ਜੈਨ ਧਰਮ ਸੰਘ ਦਾ ਅਚਾਰਿਆ ਬਣਾਇਆ ਗਿਆ। ਅਨੇਕਾਂ ਸਾਧੂ ਸਾਧਵੀਆਂ ਨੇ ਆਪ ਦੇ ਉਪਦੇਸ਼ ਤੋਂ ਪ੍ਰਭਾਵਤ ਹੋ ਕੇ ਸਾਧੂ ਜੀਵਨ ਗ੍ਰਹਿਣ ਕੀਤਾ। ਸ਼ਾਸਤਰਾਂ ਦੇ ਗਿਆਨ ਅਤੇ ਅਲੌਕਿਕ ਰਿਧੀਆਂ ਕਾਰਨ ਆਪ ਦਾ ਪ੍ਰਭਾਵ ਦੂਰ ਦੂਰ ਤੱਕ ਫੈਲ ਗਿਆ। ਮਨੁੱਖਾਂ ਤੋਂ ਛੁੱਟ ਦੇਵਤੇ ਵੀ ਆਪ ਦੀ ਸੇਵਾ ਵਿੱਚ ਰਹਿਣ ਲੱਗੇ। ਅਨੇਕਾਂ ਬਾਰ ਸੁੰਦਰ ਇਸਤਰੀਆਂ ਦੇ ਹਾਉਭਾਵ ਵੀ ਆਪ ਦੇ ਨਿਰਮਲ ਜੀਵਨ ਨੂੰ ਪ੍ਰਭਾਵਤ ਨਹੀਂ ਕਰ ਸਕੇ। ਆਪ ਨੇ ਅਖੰਡ ਸ਼ੀਲ ਦਾ ਪਾਲਣ ਕੀਤਾ।
[84]
