________________
ਰੇਵਤੀ ਉਪਾਸਿਕਾ ਭਗਵਾਨ ਮਹਾਵੀਰ ਨੂੰ ਕੇਵਲ ਗਿਆਨ ਪ੍ਰਾਪਤ ਕੀਤੇ 13 ਸਾਲ ਬੀਤ ਚੁੱਕੇ ਸਨ, 14 ਵੇਂ ਸਾਲ ਭਗਵਾਨ ਮਹਾਵੀਰ ਮੇਡੀਆ ਗ੍ਰਾਮ ਪਧਾਰੇ, ਲੋਕ ਦਰਸ਼ਨ ਅਤੇ ਪ੍ਰਵਚਨ ਸੁਨਣ ਲਈ ਆਉਣ ਲੱਗੇ। ਪ੍ਰਭੂ ਮਹਾਵੀਰ ਦਾ ਇਕ ਵਿਗਿੜਿਆ ਚੇਲਾ ਮੰਖਲੀ ਪੁਤਰ ਗੋਸ਼ਾਲਕ ਜੋ ਕਿ ਨਿਯਤੀਵਾਦ ਮਤ ਦਾ ਸੰਸਥਾਪਕ ਸੀ, ਉਹ ਵੀ ਅਪਣੇ ਚੇਲਿਆ ਨਾਲ ਉਸੇ ਨਗਰ ਵਿੱਚ ਘੁੰਮ ਰਿਹਾ ਸੀ। ਗੋਸ਼ਾਲਕ ਅਪਣੇ ਆਪ ਨੂੰ ਤੀਰਥੰਕਰ ਅਖਵਾਉਣ ਲੱਗ ਪਿਆ ਸੀ। ਇਸ ਕਾਰਨ ਆਮ ਲੋਕਾਂ ਵਿੱਚ ਇਹ ਭਰਮ ਫੈਲ ਗਿਆ ਕਿ ਅਸਲ ਤੀਰਥੰਕਰ ਕੌਣ ਹੈ, ਗੋਸ਼ਾਲਕ ਜਾਂ ਵਰਧਮਾਨ ਮਹਾਵੀਰ ?
ਗੋਸ਼ਾਕ ਇੱਕ ਦਿਨ ਭਗਵਾਨ ਮਹਾਵੀਰ ਜੀ ਦੀ ਧਰਮ ਸਭਾ ਵਿੱਚ ਬਹਿਸ਼ ਕਰਨ ਆਇਆ। ਭਗਵਾਨ ਮਹਾਵੀਰ ਨੇ ਆਪਣੇ ਚੇਲਿਆਂ ਨੂੰ ਪਹਿਲਾਂ ਹੀ ਆਖ ਦਿਤਾ ਸੀ ਕਿ ਗੋਸ਼ਾਲਕ ਆ ਰਿਹਾ ਹੈ ਇਹ ਮੇਰਾ ਚੇਲਾ ਰਿਹਾ ਹੈ ਅਤੇ ਹੁਣ ਰਾਹ ਤੋਂ ਭਟਕ ਗਿਆ ਹੈ। ਇਸ ਲਈ ਉਸ ਨਾਲ ਕੋਈ ਬਹਿਸ਼ ਨਾ ਕਰੇ। ਪਰ ਇੱਕ ਚੇਲੇ ਤੋਂ ਗੋਸ਼ਾਲਕ ਦੀਆਂ ਭਗਵਾਨ ਪ੍ਰਤੀ ਗਲਤ ਗੱਲਾਂ ਸਹਿਣ ਨਾ ਹੋਈਆਂ, ਜਦ ਉਸ ਨੇ ਗੋਸ਼ਾਲਕ ਨੂੰ ਸਮਝਾਉਣਾ ਚਾਹਿਆ ਤਾਂ ਗੋਸ਼ਾਲਕ ਨੇ ਆਪਣੇ ਕੋਲ ਪ੍ਰਾਪਤ ਤੇਜੋਲੇਸ਼ਿਆ (ਜਲਾਉਣ ਦੀ ਸ਼ਕਤੀ) ਨਾਲ ਉਸ ਚੇਲੇ ਨੂੰ ਭਸਮ ਕਰ ਦਿੱਤਾ। ਇਸੇ ਪ੍ਰਕਾਰ ਇਕ ਹੋਰ ਚੇਲੇ ਨੂੰ ਵੀ ਗੋਸ਼ਾਲਕ ਦੇ ਕਰੋਧ ਦਾ ਸ਼ਿਕਾਰ ਹੋਣਾ ਪਿਆ।
ਲੋਕ ਗੋਸ਼ਾਲਕ ਦੇ ਕਰੋਧ ਤੋਂ ਡਰ ਗਏ, ਗੋਸ਼ਾਲਕ ਨੇ ਇਹ ਸ਼ਕਤੀ ਦਾ ਗਿਆਨ ਵੀ ਭਗਵਾਨ ਮਹਾਵੀਰ ਕੋਲੋਂ ਉਹਨਾਂ ਦੇ ਤਪਸਿੱਆ ਕਾਲ ਸਮੇਂ ਸਿੱਖਿਆ ਸੀ। ਪਰ ਅੱਜ ਉਸ ਨੇ ਧਰਮਸਭਾ ਵਿੱਚ ਭਗਵਾਨ ਮਹਾਵੀਰ ਦੇ ਉੱਪਰ ਇਸ ਸ਼ਕਤੀ ਦਾ ਪ੍ਰਯੋਗ ਕੀਤਾ।
[12]
