________________
सुन्दरबोधिनी टीका वर्ग ५ अ. १ निषधकुमारवर्णनम् जाव दरिसणिज्जे । तत्थणं नंदणवणे उजाणे सुरप्पियस्स जक्खस्स जक्खाययणे होत्था चिराइए जाव बहुजणो आगम्म अच्चेइ सुरपियं जक्खाययणं । से णं सुरप्पिए जक्खाययणे एगेणं महया वणसंडेणं सुबओ समंत्ता संपरिक्खित्ते जहा पुण्णभद्दे जाव सिलावट्टए । तत्थणं बारवईए नयरीए कण्हे नामं वासुदेवे राया होत्था जाव पसासेमाणे विहरइ । से णं तत्थ समुद्दविजयपामोक्खाणं दसण्हं दसाराणं, बलदेवपामोअखाणं पंचण्हं महावीराणं, उग्गसेणपामोक्खाणं सोलसण्हं रायसहस्साणं पज्जुण्णपामोक्खाणं अधुटाणं कुमारकोडीणं, संबपामोक्खाणं सटीए दुईदसाहस्सीणं, वीरसेणपामोक्खाणं एकवीसीए वीरसाहस्तीणं, महासेणपामोक्खाणं छप्पन्नाए बलवगसाहस्सीणं रुप्पिणिपामोखाणं सालसण्हं देवीसाहस्सीणं, अणंगसेणापामोक्खाणं अणेगाणं गणिया साहस्सीणं, अण्णेसि च बहणं राईसर जाव सत्थवाहप्पभिईणं वेयगिरिसागरमेरागस्स दाहिणभरहस्स आहेबच्चं जाव विहरइ। तत्थणं बारवईए नयरीए बलदेव नामं राया होत्था, महया जाव रजं पसासेमाणे विहरइ । तस्स णं बलदेवस्स रण्णो रेवई नामं देवी होत्था, सोमाला जाव विहरइ । तएणं सा रेवई देवी अण्णया कयाइ तंलि तारिसगंसि सयणिज्जसि जाव सीहं सुलिणे पासित्ता णं पडिबद्धा०, एवं सुमिण दसणपरिकहणं, निसडे नाम कुमारे जाएं जाव कलाओ जहा महावले, पनासओ दाओ, एण्णासरायकण्णागाणं एगदिवसेणं पाणिं गिण्हावैई, नवरं निसढे 'नाम जीव उपिपासाए विहरइ. ॥१॥
