________________
सुन्दरखोधिनी टीका वर्ग ३ अ. ३ मोमिलब्राह्मणवर्णनम् गिण्हित्ता कट्रमुद्दाए मुहं बंधइ, उत्तरदिसाए उत्तराभिमुहे संपत्थिए ।
तएणं से सोमिले तइयदिवसम्मि पच्छावरण्हकालसमयसि जेणेव असोगवरपायवे तेणेव उवागच्छइ, उवागच्छित्ता असोगवरपायवस्स अहे किढिणसंकाइयं ठवेइ, वेई बड़ेइ जाव गंगें महानई पच्चुत्तरइ, पच्चुत्तरिता जेणेव असोगवरपायवे तेणेव उवागच्छइ, उवागच्छित्ता वेई रएइ जाव कटुमुद्दाए मुहं बंधइ, बंधित्ता तुसिणीए संचिट्टइ। तएणं तस्स सोमिलस्स पुवरत्तावरत्तकाले एगे देवे अंतिय पाउब्भूए तंचेव भणइ जाव पंडिगए। तएणं से सोमिले जाव जलंते वागलवत्थनियत्थे किदिण संकाइयं जाव कटमुद्दाए मुहं बंधित्ता उत्तराए दिसाए उत्तराभिमुहे संपत्थिए। ... __तएणं से सोमिले चउत्थे दिवसे पच्छावरणहकालसमयंसि जेणेव बडपायवे तेणेर उवागए, वडपायवस्स अहे किढिणसंकाइयं ठवेइ, ठवित्ता वेई वड्डेइ, उवलेवणणसंमज्जणं करेइ जान कटमुद्दाए मुहं बंधइ, तुसिणीए संचिटुइ । तइणं तस्स सोमिलस्स पुवरत्तावरत्तकाले एगे देवे अंतियं पाउभूए तं चेव भणइ जाव पडिगए । तएणं से सोमिले जाव जलंते वागलवत्थनियत्थे किढिणसंकाइयं जाव कट्रमुद्दाए मुहं बंधइ, बंधित्ता उत्तराए दिसाए उत्तराभिमुहे संपत्थिए । ... तएणं से सोमिले पंचमदिवसम्मि पच्छावरण्हकालसम यसि जेणेव उंबरपायवे तेणेव उवागच्छेइ, उंबरपायवस्स अहे किढिणसंकाइयं ठवेइ, वेइं वडेइ जाव कटुमुद्दाए मुहं बंधइ जाव तुसिणीए संचिटइ।
