________________
मुन्दरबोधिनीटीका अ. १ वर्ग २ पद्मकुमारवर्णनम्
१७९ एवं खलु जम्बू ! समणेणं भगवया जाव संपत्तेणं कप्पवडिसियाणं दस अज्झयणा पन्नत्ता, तंजहा-पउमे १ महापउमे २ भद्दे ३ सुभद्दे ४ पउमभद्दे ५ पउमसेणे ६ पउमगुम्मे ७ नलिणिगुम्मे ८ आणंदे ९ नंदणे १०। जइणं भंते ! समणेणं जाव सपत्तेणं कप्पवडिसियाणं दस अज्झयणा पन्नत्ता, पढमस्स णं भंते ! अज्झयणस्स कप्पवडिसियाणं भगवया जाव संपत्तेणं के अहे पन्नते ? ! एवं खलु जंबू ! तेणं कालेणं तेणं समएणं चंपा नामं नयरी होत्था ! पुन्नभद्दे चेइए। कूणिए राया । पउमावई देवी। तत्थ णं चंपाए नयरीए सेणियस्त रन्नो भजा कूणियस्स रन्नो चुल्लमाउया काली नामं देवी होत्था, सुकुमाल । तीसेणं कालीए देवीए पुत्ते काले नामं कुमारे होत्था, सुकुमाल । तस्स णं कालस्स पउमावई नामं देवी होत्था, सोमाल० जाव विहरइ ।।
तए णं सा पउमावई देवी अन्नया कयाइं तंसि तारिसगंसि वासघरंसि अन्भितरओ सचित्तकम्मे जाव सीहं सुमिणे पासित्ता णं पडिबुद्धा । एवं जम्मणं जहा महाबलस्स, जाव नामधिज्जं, जम्हाणं अम्हं इमे दारए कालस्स कुमारस्त पुत्ते पउमावईए देवीए अत्तए तं होउ णं अम्हं इसस्स दारगस्स नामधिज्जं पउमे सेसं जहा महब्बलस्स अट्टओ दाओ जाव उम्पिंपासायवरगए विहरइ ॥१॥
