________________
HTTरामविपिणी टीका म० १९ पुंडरीक-हरीकचरित्रम् ७०९
मूलम्-जइणं भते । समणेणं भगवया महावीरेणं जाव संपत्तेणं अट्ठारसमस्स णायज्झयणस्स अयम? पण्णत्ते, एगूण वीसइमस्स गायज्झयणस्स के अटे पण्णत्ते ? एवं खलु जंबू । तेणं कालेणं तेण समएण इहेव जवूदीवे दीवे पुनविदेहेवासे सीयाए महाणईए उत्तरिल्ले कूले नीलवंतस्स दाहिणेण उत्तरि'लस्स सीयामुहवणसंडस्स पञ्चस्थिमेणं एगसेलगस्स वक्खारपवयस्स पुरस्थिमेणं एत्थ णं पुक्खलावई णाम विजए पन्नत्ते । तत्थ ण पुडरािगिणी णाम रायहाणी पन्नत्ता णवजोयणवित्थि पणा दुवालसजोयणायामा जाव पञ्चक्ख देवलोगभूया पासाईया दरसणिज्जा अभिरूवा पडिरूवा । तीसेण पुडरिगिणीए णयरीए उत्तरपुरस्थिमे दिसिभाए णलिणिवणे णाम उजाणे । तत्थ णं पुंडरिगिणीए रायहाणीए महापउमे णाम राया होत्था, तस्स ण पउमावई णाम देवी होत्था । तस्स णं महापउमस्स रनो पुत्ता पउमावईए देवीए अत्तया दुवे कुमारा होत्था, त जहापुडरीए य कडरीए य, सुकुमालपाणिपाया० । पुडरीए जुवराया । तेणं कालेणं तेणं समएण थेरागमणं, महापउमे राया णिग्गए धम्म सोचा, पोंडरीयं रज्जे ठवेत्ता पव्वइए पोडरीए राया जाए, कडरीए जुवराया, महापउमेअणगारे चोदसपुवाई अहिज्जइ , तएण थेरा वहिया जणवयविहार विहरति , तएण से महापउमे वहूणि वासाइं जाव सिद्धे ॥ सू० १॥
